سلامتك يا مصر

[احساس]

السلام عليكم ورحمة الله وبركاته
أولاً كده أنا دايقنى كتير لما شفت إخواننا فى سوريا وهما بيضربوا صوره لرئيسنا محمد حسنى مبارك بالجزم وده طبعاً لا يليق وأنا عارفه أنه مش كلهم وربنا وحده يعلم أد أيه انا بحب سوريا جداً جداً......... وكمان بعض الدول أللى ماسكين مصر ونزلين فيها شتايم وسب وكأن مصر هى سبب ما يحدث فى فلسطين وأزمة العراق ودارفور أنا لما كتبت الشعر إللى هتقروا بعدين كتبتوا بس فى الأشخاص إللى بيسبوا مصر ويشتموها لكن أنا عارفه كويس إن فيه إخوات لينا من أشقائنا العرب بيحبوا مصر كتير وعارفين ومقدرين وضع مصر فالشعر ده مش ليهم
وهو بعنوان قالوا عنك يامصر:-


قالوا عنك يا مصر وقالوا وقالوا
نسيوا لما وقفتى جنبهم فيوم متهانوا
كل دوله ليكى معاها وقفة شهامه
إن كان وقفتك بخيرك ولا بولادك
لاميتى يامصر الناس حواليكى
من الشرق للغرب يحلفوا بترابك
نسيوا لما رُحتى اليمن وضحيتى بزهرة شبابك
نسيوا لما دافعتى عن القدس
وكان السادات واقف ينادى
السلام ثم السلام للبلاد العربيه
وماكانش أنانى
نسيوا لما جمال وحد ودافع عن البلاد
سوريا والجزائر ولبنان وكمان السودان
ليه ينكروا فضلك ... ويبعتوا ولادك يتعلموا على أرضك
أنا مابنكرش حبى ليهم

[zezo1]

قالوا عنك يا مصر وقالوا وقالوا
نسيوا لما وقفتى جنبهم فيوم متهانوا
كل دوله ليكى معاها وقفة شهامه
إن كان وقفتك بخيرك ولا بولادك
لاميتى يامصر الناس حواليكى
من الشرق للغرب يحلفوا بترابك
نسيوا لما رُحتى اليمن وضحيتى بزهرة شبابك
نسيوا لما دافعتى عن القدس
وكان السادات واقف ينادى
السلام ثم السلام للبلاد العربيه
وماكانش أنانى
نسيوا لما جمال وحد ودافع عن البلاد
سوريا والجزائر ولبنان وكمان السودان
ليه ينكروا فضلك ... ويبعتوا ولادك يتعلموا على أرضك
أنا مابنكرش حبى ليهم

الله الله عليكى
على فكرة إللى بيشتموا مصر ماشافوش الأيام دى
وقلة مأجورة بغرض الفتنة بين الأشقاء العرب

[القطه الرومانسيه]

الللللللللللللللله عليكي ياجامده انتي
طبعا انا ليا التحيه ل اهل سوري واهل كل اللي بيقولوا حاجه غلط عن مصر لكن للاسف وده بجد بيؤسفني يعني انهم اصلا مش عارفين لا قيمة ولا هايعرفوها الا اذا كانوا عاشوا فيها وجربوها
بس الله يعين يارب
تسلمي ياقمري

[مونمون]

معاكى حق بس على الله يفهمو
وتسلمى الشعر بجد تحفه اول مرة اعرف انك بتكتبى
مشكوووووورة

[احساس]

مرسى اليكم كلكم بجد وميحرمنيش من المرور اللى اكثر من رائع00وعلى الغيره على بلدنا الحبيب مصر00اللى هيفضل العمر والتاريخ كله عظيم وشامخ
وياجبل ما يهزك ريح

[mona roshdi]

ريناردا بشكرك كتير مصر هى ام الدنيا وفيها الامل والحضن الدافئ واسمحى لي اقول لك:::

أسألونى وبيكون جوابى بعيونى
أسألو عيونى عن راحت جفونى
أسألوني عن مكان فية الناس مرتاحة
هونهر طويل وفية الهموم سباحة
بأزعاجها وهدؤها ينسونى همومى
فيها الطرب والفرح وحلو الفنوني
أسألو مصر وأسألو الناس الفلاحة
أسألو الكبرى وأسالو الناس الصباحة
والجواب هى مصر القاهرةوأرجوكم لا تلومونى
ولو تسافرو لأم الدنيا القاهرة بطريقكم ارمونى

وشكرا لحبك لمصر يااحلى ريناردا

[ايمرى شوووو]

مصر بلد كل العرب ومش عشان ناس تشتم خلاص يبقوا بيكروهنا لالا احنا كلنا وطن واحد وشعب واحد