يوميات اسرة ترفع الضغط !!!!

[saso164]

يوميات اسره ترفع الضغط





التليفون يرن ...




الطفلة : الوووو



الامراة : الووو اهلا ياحبيبتي :



الطفلة : اهلا..



الامراة : فين ماماتك ؟



الطفلة : ماعندناش حد اسمه ماماتك


الامراة :لا لا عيب عليك... ربنا يخليهالكم..



الطفلة : هي ايه اللي ربنا يخليهالنا. ... بقولك ما عندناش واحده اسمها ماماتك في بيتنا


الامراة : عمرك كام يا شاطرة؟؟


الطفلة : مين قالك اني شاطرة



الامراة : تضحك وتقول .. شكلك دمك خفيف..



الطفلة : اهو انتي الي دمك خفيف



الامراة : شكلك صغيرة؟


الطفلة : انا اطول منك ......



الامراة : طيب يلا هاتي ماما...



الطفلة : ليه هي امك عندنا؟؟



الامراة : خلاص نادي امك...



الطفلة :ماماتي معندهاش نادي..



الامراة : صبرني يارب ...



الطفلة : يصبرك مع شوك ولا من غير شوك؟



الامراة : تصرخ " نادي اي حد كبيرررر"


الطفلة : كبير , بالحجم ولا بالطول ولا بالعمر..



الامراة : هاتي واحد برميل اتكلم معااه..


الطفلة : استغفر الله العظيم انتي عايزه تتكلمي مع برميل.. بس البرميل جماد.. هيكلمك ازاي



الامراة : انا عايزه اجيلكم ..هاتي اي حد كبير...


الطفلة :لا ماتجيش عندنا دلوقتي اصحابي لما يمشوا تعالي...



الامراة : طيب بس....لو شفتك هقطعك زي البطاطس



الطفلة : بطاطس مسلوقة ولا شوي بالفرن؟ تفرق اوي


الامراة : احسن لك اسكتي لانك زعلتيني..



الطفله : مين الي زعل تيني وليه التين اصلا بيزعل؟



الامراة :خلاص بقي زودتيها ...... انتي كده مبسوطه


الطفلة : الصراحة مش مبسوطه في شي مزعلني..



الامراة : خليه يزعلك يمكن تنفجري زي البالونه ..



الطفلة :طيب ايه لون البالون الي هنفجر زيه ؟؟؟؟؟



الامراة : تصرخ باعلى صوتها.. " فين ماااااااااااااااااااااااا متك ؟؟؟ "..



فتاخذ الام التلفون من الطفلة ..



وتقول الووووو.. مين معي..



الامراة : اااخ .. ايه بنتك دي .... طلعت لي قرن في راسي..


الام : قرن ايه , قرن الغزال ولا قرن موز..



الامراة : كالعاده رايقة وتحبي تهزري.. لاء طلع لي قرن ثور ...


الام : وقد ايه حجمه الثور؟


الامراة تغلق السماعة في وجه صديقتها .. وتذهب الى بيت صديقتها بدون استاذان ..و ترن الجرس...



فتقول الام للطفلة :قومي شوفي مين على الباب...



تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول ما فيش حد على الباب في وحدة وراه..



فتقول الام : خلاص خليها ترن على الجرس زي ماهي عايزه ..



الطفلة : اي جرس؟ جرس المدرسة؟؟؟


الام : لا جرس البيت..


الطفلة : جرس بيتنا ده ولا البيت الجديد الي بنبنيه


الام : لا جرس بيت الجيران..



الطفله: ليه عند الجيران جرس بيضرب عندنا



الام : ولم تقدر علي الكلام



الطفله: طيب هبلغ الجيران يجوا يشوفوا مين عالباب









يا رب تعجبكم!!!!!!

[m.chezoo]

ههههههههههههههههههههههههه ههههههه
والله والله بنوتة زى العسل يخربيت عقلها
بس هى طالعه لامها على راى المثل اكفى البت على فمها يندلق الفول منها

[ريماs]

بعد اللي قريتو دة انا عايزة كرسي متحرك

[haboosh]

ووووووووووووووووووووووووو وووووووووولي مو بس بترفع الضغط
هي بتعمل انهيار عصبي وجلطة

[ROKA]

جامده موووووووووووووووت

دي بجد عيله تشل مش ترفع الضغط ههههههههههه

ميرسي ساسو توبيك جامد

[boba_H]

هههههههههههههههههههه
والله البنت وامها زي العسل
اي نعم يشله ويجيبوا الضغط
بس عسل برده
تسلم ساسو
نايس توبيك

[saso164]

ميرسى ليكو كلكم على الردود الجميله دى
نورتو التوبيك

[ahmed saso]

هههههههههههههههه روعه يارب فى تقدم

[saso164]

هههههههههههههههه روعه يارب فى تقدم

نورت التوبيك