لعيونك انسج حروفي وانشد أشعاري
يا كامل الحسن معك الجرح غنيته

يا عذبة الشوق ياحلمي وافكاري
يافتنة القلب جاك وما ترجيته

عمري هدية وليتك تقبل اعذاري
ماعندي اغلى منه لعيونك اهديته

باهديك عمري امل لوتنطفي ناري
في غربتك كم لهيب الشوق قاسيته

ياغاية الحسن ياحرفي واوتاري
فيك الجمال اكتمل والحسن ضميته

الليل شعرك وليلي شعرك الساري
والبدر خدك وبدري كم تمنيته

والعين كالبحر فيها للغرق طاري
الله كم من قتيل بنظره ارديته

يجذبني السحر في عينيك ويباري
وانا لك الله باسم الحب جاريته

والقد سبحان ربي الواهب الباري
اعطاك كل الجمال وصورتك بيته

ما بنصفك لومياه البحر احباري
تعجز حروفي وباب الوصف رديته

وحدك حبيبي وحبك بهجة اقداري
حلم تحقق على الميعاد وافيته

قلبي لك الدار حبك يا الأمل داري
وطيفك حياتي وعنك الشك صديته


اعجبتني فنقلتا لكم