فزورة رياضية 3 ارجو مشاركة الجميع

[hadede]

مصنع لانتاج الحلويات وزن كل قطعة 60 جرام
اكتشف مهندس الانتاج حدوث خطأ أدى الى تعبئة كرتونة واحدة فقط وزن كل قطعة بها 50 جرام بدلا من 60 جرام
اذا علمت أن عدد الكراتين التى تم انتاجها 20كرتونة
كيف يمكن التعرف على الكرتونة التى بها الخطأ باستخدام الميزان مرة واحدة فقط لا غير؟


ارجو كتابة المحاولات من فضلكم
الحل ان شاء الله بعد اسبوع

[لؤلؤة]

مينفعش خاالص نستخدم الميزان مرة واحدة بس

أو يمكن عدد الكراتين مكتوبين غلط ومش20

[hadede]

مينفعش خاالص نستخدم الميزان مرة واحدة بس

أو يمكن عدد الكراتين مكتوبين غلط ومش20

اشكرك على زيارة الفزورة
ومافيش اى خطأ فعدد الكاتين 20

[m.chezoo]

هههههههههه ايه يابنى الفزورة دى مش عارف طبعا الحل
انت طلع من كل صندوق كورة ورقمها واوزنهم هيبقى الوزن ناقص عشان الكورة اللى هى خمسين جرام
رج كل كورة الصندوق بتاعها وقارن بين الصناديق وخلاص
مش عارف بقى

[MR.Mahmoud]

لا يا عم انا لسه صاحى من النوم ومش فايق للكلام الكبير ده
انا متابع معاك لما اعرف الحل

[hadede]

هههههههههه ايه يابنى الفزورة دى مش عارف طبعا الحل
انت طلع من كل صندوق كورة ورقمها واوزنهم هيبقى الوزن ناقص عشان الكورة اللى هى خمسين جرام
رج كل كورة الصندوق بتاعها وقارن بين الصناديق وخلاص
مش عارف بقى

اشكرك جدا على الزيارة وحلاوة الفزورة انك توصل للحل

تقبل تحياتى

عموما عايزك تفكر كمان وكمان

[hadede]

لا يا عم انا لسه صاحى من النوم ومش فايق للكلام الكبير ده
انا متابع معاك لما اعرف الحل

يسرنى زيارتك ومتابعتك

اشكرك من كل قلبى وصحى النوم اشرب دوبل كافيه
وفكر فى الفزورة وصدقنى لو وصلت للحل هتحس بجمال الفزوة
تقبل خالص تحياتى

[لؤلؤة]

بعد تفكير عميــــق وسهر طول الليل وتقطيع في الشعـــــر


اليك الحل:


نرقم الكراتين من 1 الـى 20

ناخد من الكرتونة الاولى قطعة واحدة
ومن التانية قطعتين
ومن التالتة 3قطع والرابعة4 و.......

هيكون عدد القطع من ال20كرتونة 210

هنضربهم في60 على اعتبار ان مفيش خطأ حصل في الانتاج

هيكون الناتج 12600جرام

وبعد كدا نستخدم الميزان ونوزن ال210قطعة كلهم

ولو لقيناهم ناقصين 10 جم(طرح ال50من ال60 جم)
تبقى الكرتونة الاولى هيه اللي فيها الخطأ
ولو لقيناهم ناقصين 20جم تبقى التانية ولو30 تبقى التالتةو.........

على اعتبار يعني ان عدد الجرامات الناقصة في الوزن اللي عملناه

نقسمها على10(اللي هيه العجز في القطعة الواحدة) ولو كان الناتج

1تبقى الاولى ولو 2 تبقى التانية وهكـــــــــــــذا

[hadede]

اشكرك جدا للاصرار على حل الفزورة وبقولك برافو

اما عن السهر وعمق التفكير وشد الشعر

بحب اقولك انى يوم ما سمعتها
اقسمت الا انام الا بعد حلها وفعلا
سهرت حتى الفجر
لكن بعد حلها كنت سعيد جدا ياترى كان شعورك ايه
برافو لؤلؤة برافو لؤ لؤة

اشكرك مرة تانية وتمنياتى بالتوفيق

[لؤلؤة]

أشكرك جدا


وانا كمان كان شعوري رائع لما حلتها

رغم يعني ان مكنش فيه باقي شعور هههههههههه


منتظرة الفزورة الجديدة