صباح أبيض جميل

[caramantas]

صباح الخير ليكوة يازملكاوية ...........أعتقد أن كلكم شفتوة متش الأهلي أمبارح و شفتوة الفرقة اللي عايز تؤدي برجولة بتعمل أية و مازادني ألم ألا بتعادل الفرقتين و تفويت فرصة بقاء الاهلي مكانة شوية لعل و عسي عقبال مانصخي أحن من النوم ........المهم علشان مطولش عليكم....


لية طلب عندكم كزمالكاوية ........أن انتم متنجرفوش ورا شوية المخربين اللي مش عاجبهم حاجة و دة لأن الزمالك لاول مرة منذ زمن بعيد يحاول أنة يعيد بناء الفرقة بشباب جديدة من القسم الثاني و دة بيفكرنا بأيام لما البهوات بتوع الملايين كانوة أصلا جايين منين !!!!
و دة منظور جيد للمشكلة د/محمد عامر بيحاول يعملة و ألا وهو تجديد الدماء بالفرقة بلاعبين لم يروا الأضواء من قبل و العمل علي تلجيمهم و أظهار العين الحمراء معهم بعد ما فلت عيار الباقيين .....
ثم عاد وفتح باب الرحيل لمن يريد و باي مبلغ مهما كان أسمة ليعلن علي الملأ بان نادي الزمالك لايصلح أبتزازة من شوية عيال بتلعب كورة كويسة ..............علي كدة بقة كان زمان جمهور الاهلي كل مايشوف لعيب في الشارع يعملة مساج و يشيلة الشنطة..........
لازم الناس دي تعرف أنهم كانوة في جرة و طلعوة لبرة و ركبوا عربيات و ناموة بفلل كانوة بيشفوها في التليفزيون بس .........يعني من الاخر أحمد ربنا و حافظ علي رزقك و راعي ربنا فيية.
يعني هوة الزمالك لما دفع فيك ملايين كان دفعهم لية ؟؟؟؟
مش عشان تجيب بطولة ولا عشان أنتة جامد قوي !!!!!!
حاجة تقرف ولاهي ...............
أنا عايز د/محمد عامر يجيب اللعيبة دي و يفرجهم علي صور بيوتهم القديمة و شوية صور للقرية اللي كانوة عايشيين فيها و ملاعب النادي القديم بتاعهم و صور للجمهور القديم و يعقد مقارنة بين حالهم دلوقتي و حالهم زمان و بعد كدة يجيب نتائج الفريق منذ أن جاءوا و يسألهم سؤال واحد (أنتم أتغيرتم بفضل الله و النادي....طيب النادي لسة متغيرش لية) ؟؟؟؟؟؟؟
وبلاش كلام علي الادارة و سوء الادارة علشان الاسطوانة دية موجودة في العديد و العديد من المؤسسات في مصر سواء كانت رياضية أو تحت أي مسمي أخر ...........
و أذا أرادوا أن يتأكدوا جيدا فلينظروا الي أبطال الألعاب الفردية الحاصلين علي ميداليات و كيف كانوا يتدربون و قبل الميدالية و بعد الميدالية ماذا يتقاضون لكي يعرف مثل هؤلاء النعمة التي يتمرغون بها...........
الزمالك هو الغلطان ياسادة عندما أتجرجر ورا الاهلي في سياسة شراء اللاعبين و المزايدة عليهم مما أدي الي أن اللاعب أصبح مدفوع فية مبلغ كبير فكيف يتم أيقافة أو طردة و من سوف يحاسب علي هذا الاهدار ...............
أنا شايف أنة يعوض الله علي اللي أدفع في الناس دي و يمشوا و نجيب شوية عيال غلابة بتسمع الكلام و نعلمهم الكورة برة الملعب قبل جوة الملعب .......و ياريت نجوزهم علشان العط برة البيوت ........
و اخيرا و ليس أخرا ...........
عندما يكون في فريق متعاطي خمر وزاني من وراء زوجتة و من يدفع لسب زميلة و من يتغيب عن التدريب و يلعب بعدها و من يهدد كل سنة بألرحيل .....فكيف يكون هناك أدب و بطولة ..............
الاخ جمال حمزة و هو واحد من كباتن الفريق القدوة بدلا من أن يواسي الميرغني الناشيء الذي كان يبكي بعد متش الاهلي ...بدلا من ان يواسية قال لو بألحرف الواحد هوة أنتة زعلان لية محنا واخدين علي كدة فرد الميرغني علية : و الجمهور اللي تعبان ورانا دة ياكابتن ذنبة أية ...راح جمال قاللة : هما كمان واخدين علي كدة
و نفس اللاعب يوم متش بني عبيد كان مشغل أغاني علي الموبايل في الاتوبيس وسط حالة الذهول من اللاعبين.............
أهو دة واحد عامل زي الورم الخبيث الذي يجعل صاحبة لدية قدرات خارقة
ولكن لابد من أستئصالة لانة سيتسبب في موتة أن اجلا أو عاجلا.........و هوة لو عايز يروح في أي داهية مع السلامة................
جمال حمزة اللي كلنا كنا وراة و بنحبة دلوقتي بنقولك : مع السلامة و بألتوفيق في الاهلي أو غيرة ...المهم بعيد
و للزملكاوية أقول :
الزمالك قادم لامحالة سواء كان اليوم أو غدا و لكن لابد من العمل في صمت و لا تظهروة أبدا أنكسار العزيمة و تتجاوبوة من الشماتة التي تصدر من الاخرين
فهم خائفون ..................

[bogey]

كلامك زى الفل
ببس الكبير كبير

[caramantas]

ماهو الكبيربردة بيعجز ولا أية ؟؟؟؟

[bogey]

دنتم مش احنا مش كنتم كبار وبعدين عجزتم


الاهلى كبير بس من تانى فى قلوبنا

[caramantas]

عشان كدة عمري مجادلت في الكلام مع أهلاوي.........
موجودين في كل حتة فيها أسم الزمالك ..............
زي الناموسة الرخمة في أغسطس

ثم أذا كنتم كبار .طيب واخدين بالكم قوي من الصغير لية ...........
خايفين من أية ؟؟؟

مش ملاحظ أن من ساعة الزمالك لما وقع و أنتوة بتعلوة فوق .........

مش لاقين الكبير اللي فعلا كان بيقفلوكم ..........
بس نقول أية
الكبير واخد تعسيلة و بيستريح شوية
لما يصحي
نبقي نتكلم