دعوه للتدخين!!!

[xXx SHaDY xXx]

إوعى تصدق اللى يقولك بطل سجاير ... دة يبقى واد توتو وما يعرفش فوايد التدخين

التدخين يضفى عليك مظهر الرجولة
إذا كنت حاسس إنك عيل ومنظرك مايجيبش راجل أبداً , إمسك سيجارة وانفخ فى وش الخلق ... هايفتكروك راجل على طوووول

التدخين ببطء وبتركيذ يعطى إنطباع بأهميتك وعمق تفكيرك
إذا كانوا الناس مستهيفين شخصيتك ومنتاش مالى عينيهم ولع سيجارة واسحب كل نفس منها ببطء وانفخه لفوق بعنطزة الناس هايفتكروا إنك عقلية معملية فذة هايبقى شكلك ولا لاكى لوك فى زمانه

تدخين السجاير علاج ممتاز لبطء التفكير
إذا إتزنقت وذكائك مش ساعفك بتصرف سريع ولع سيجارة على ماتولع وتشد وتنفخ بيكون ربنا فرجها وحتة الدهن اللى جوة طلعت رد

التدخين يجمع البنات الحلوة حواليك
ويحوطوا سريرك كمان ويقعدوا يتغزلوا فيك ويقولوا لبعض يا سلام لو كل العيانين اللى بيدخلوا لينا قسم الامراض الصدرية شباب حلوين كدة

التدخين يحافظ على صحتك من الامراض المعدية
طبعااا ... ما الدبان نفسه مش هايقرب ناحيتك وهايقرف من ريحة بقك

التدخين يحافظ على مظهرك ويحميك من مشاكل الشيخوخة
ماهو هايموتك بدرى قبل ماتشيب أو تصلع

السيجارة يمكن تنقذ مستقبلك
اسرق الخزنة وارمى السيجارة على الارض قبل ما تخرج
إن الله حليم ستار
ملحوظة...استعمل سجاير غير اللى انت متعود عليها عشان عقب السيجارة ما تجيبش رجلك

التدخين يجعلك شخصاً متميزاً
طبعاًَ ... ماهو انت دوناً عن مخاليق ربنا اللى بتطلع الغازات ... من بقك

السيجارة تجعل منك رجلا ذو بصمة لا تمحى من ذاكرة الناس
أى حتة تدخلها الناس مش ممكن تنسى انك حضرتك شرفتها وحتى اللى دخلوا بعد خروجك هايعرفوا انك كنت موجود ... من الريحة ال...

السيجارة تكسبك الاحترام
أول ما تدخل حتة الناس تقوم واقفة على حيلها ويروحوا جرى يفتحوا الشبابيك

التدخين يضفى عليك سيم الوقار والهدوء
لو انت بتدخن من زمان وحاولت تمشى بسرعة أو تجرى وتنط السلم زى العيال , هاتنهج ونفسك يتكرش هاتبقى حالتك تصعب على الكافر

السيجارة بتهدى اعصابك لما تكون متغاظ
هو صحيح فى حاجات كتير ممكن تهدى الاعصاب زى الينسون والكركدية بس شكلك بالسيجارة بيحسس الناس انك فعلا شايط وبتطلع دخان

السجاير بتساعدك على تجاوز المحن والفرفشة
دايماً فى الافلام العربى اول ما البطل تحصله مصيبة يطلع على الكبارية السيجارة فى ايد والكاس فى ايد وفى اخر الفيلم يتجوز الرقاصة

السجاير تقوم سلوكك وتحميك من الانزلاق فى الرذيلة
مانت لو بس حاولت تقرب من واحدة هاتقرف من ريحة بقك وهاتهشك فورا

التدخين يحسن علاقتك بزوجتك
انت بتفقد حاسة التذوق تدريجياً فا مش هاتاخد بالك من طعم العك اللى مراتك بتطبخه وتوفر على نفسك البهدلة لو اتريقت على طبيخها

لو كنتِ بنت السيجارة بتكتر المعجبين بيكى
منظر السيجارة فى ايد البنت بتوحى بأنها بنت مودرن ومتحرره فيتلم حواليها كل الشباب اللى بيدوروا على بنت .... إيزى

السيجارة ممكن تفتح لك باب مكسب كبير
لو إستعملتيها مع مبسم طويل وشوية ماكياج بيلمع هاتديلك مظهر المحترفات والبيزنس يفرق كتير اوى معاه ( الفرست إمبرشن)

[omaro]

انا دلوقت اتأكدت انك يا عم شادى شريك فى شركة كليوباترا ( كو كو الضعيف )

[xXx SHaDY xXx]

ههههههههههههههههههههههههه ههههههههههههههههههههههههه ههه

لا ياعم انا مش شريك في شركه كيلو باترا خالص


ده صاحب الشركه صاحبي بس

فانا حبيت اعمل دعايه واعلان علشان الشركه تشتغل كووويس

ههههههههههههههه

ميرسي يامان ع مرورك الجامد ده

[ملاك...ولكن]

تسلم ايديك يا شوشو على التوبيك الجامد دة

[xXx SHaDY xXx]

MeRci Ya MaLaK

NaWeRTY aLToPiC Ya GaMiL