رجعت معايا الكريب بس خلي بالك سخن جدا

[روميساء]

بسم الله الرحمن الرحيم

الكريب : يا جماعه اكله لذيذه وجميله وللي ميعرفهوش عباره عن فطيره مقرمشه ومحشيه اي شئ انتي عاوزاه ممكن حلو وممكن حادق وبتتلف علي شكل مثلث بالورق الفويل وبتتباع عند اشهر محل في الفيوم وبني سويف اسمه موكا الي هو جنب البيت بيتك ودي طبعا مش دعايه للمحل بس للتوضيح بس احنا هنحاول نعمله في البيت
طريقة عمل الكريب اللي ينفع مالح وحلو
المقادير:
1 كوب دقيق
1 ونصف كوب لبن حليب
3 بيضة
1 ملعقة صغيرة ملح
2 ملعقة صغير سكر اذا كنت عايزاه حلو
1 ملعقة عصير ليمون
2 ملعقة سمنة او زبدة (يمكن الاسنغناء عنها)
تضرب كل المقادير في الخلاط
ثم بقطنة مبلله زيت او سمنة تمسح الصينية ويصب فيها قدار مغرفة من الخليط ويوزع في كل الصينية
ثم يقلب بسرعة (خلي بالك ممكن يتحرق بسرعة)
وبعدين ممكن تحطي الحشوة اللي انتى عايزاها وتلفيه او تطبقيه وتلفيه في الورق الالومنيوم وتحطيه في الفرن اذا كنت بتحبى امقرمش( ممكن الاستغناء عن الليمون)
وبالهنا

[m.chezoo]

وصفه جميلة خالص
وانا بحب الكريبات موووووووت

[ساندرا]

[jewel_lowis]

[noour]

انا كلت الكريب كتير عند موكا بس انا دلوقتى فى السعوديه وهموت واكل كريب عايزه اعرف طريقة الحشوه بتاعته

[ملكة القلوب]

شوفى انا بمووووت في حاجة اسمها كريب
بحب الكريب بالسوسيس بالجبنة طبعا ده غير الحجات التانيه السلطة
وانا اكلتة في بني سويف من محل كرازى كنتاكى روعة بجد
بس انا حاليا في دبي وبخلى ماماتى تعملوا ليه
انتى عارفة انا اول ما انزل مصر لازم اكل كريب و اشرب عصير قصب
لان هنا في دبي مش عندهم عصير قصب
وسورى لو طولت عليكى لان التوبك هايل بجد