هو انت بتحب مصر ؟؟؟......طيب ليه؟؟؟؟؟

[احمد حسين]

سؤال لكل واحد فينا يا تري انت سالت نفسك قبل كدا يا تري انت بتحب مصر ؟

طيب و بتحب مصر ليه ؟

و مصر دي بتمثلك هي ؟ او يعني ايه مصر بالنسبه ليك ؟

طيب فكرت في يوم بما انك اخدت حاجات كتير جدا منها انك تديها حاجه ؟

طيب فكرت في يوم انك تعبر عن حبك دا ليها ؟

ايه رايكو في فكره يوم في حب مصر

نحب فيه مصر كلنا و نعبر عن حبنا لمصر نخلي الدنيا كلها تشاركنا
ندخل الفرحه قلوب الناس اللي بقالها كتير جدا عايشه ولا كانها عايشه

نرجع تاني معني المواطنه و يعني ايه كلمه وطن جوا كل واحد فينا لاني لاحظت ان في حاجه وحشه جدا حصلت و هي انه في ذكري 6 اكتوبر اللي فاتت دي كتير جدا قالولي انهم ولا فرقت معاهم في حاجه و انه كان يوم عادي و ان اليوم دا مش بقي بياثر معاه في حاجه

يا تري احنا كلنا بقينا في درجه من التغيب للدرجه دي ؟ هو احنا نسينا مصر ولا ايه

عاوز نرجع تاني شباب بيحب مصر ... شعب بيحب مصر

او على الاقل جوبونى انت بتحب مصر ؟....... طيب ليه
قولى ( مصر فى كلمتين)

[MagMan]

ممكن اولان اعرف رأيك انت ايه او بمعني اخر اجابتك ايه علي الاسئله اللي انت سألتها للناس ...

وتاني حاجه اكيد هتكون اجابتك بتقيد رأيك طيب ليه انت حاطط في التوقيع بتاعك صوره برج ايفيل في باريس ومش حاطط صوره الاهرامات ...

في حاجات كتير المفروض قبل ما تسال الاسئله اللي انت بتسألها المفروض تقولها ..

ذي مثلا ..

هي مصر قدمتلك انت ايه علشان تحبها او متحبهاش ..

انا مواطن مصر وبحب مصر جدا رغم ان مصر لم تقدم لي شيأ يذكر كحسنه في حياتي ...

شكرا ليك ...

[سارة المصرية]

انت بتحب مصر ؟....... طيب ليه

اكيد طبعا بحبها
بس مفيش حد بيتسال لية بيحب امو دى حاجة بتتولد معانا بالفطرة مش بنكتسبها

مصر السما الفزدقي و عصافير معدية
والقلة مملية ع الشباك .. مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

وميرسى ليك يا احمد على الموضوع الجميل دا

[spider2009]

طبعا بحب مصر
ومش عارف انا بحبها ليه وزي سارة ما قالت دي شئ فطري

[THE_GAME]

هو فيه حد اصلن بيكره مصر
انت بتتكلم ازاى بس
ودول كلمتين منى بس عشان اعرفك حبى ليها
مهما روحت اراضى كتير برضه انتى ارضنا
مهما لفيت الدنيا انتى يا مصر حته مننا
مهما شوفت بلاد كتير بنحبك يا مصر كلنا

[hadede]

والله يامصر من شرقك لغربك
قلبى هواك وحبك
والله يامصرمن شمالك لجنوبك
عاشق ميتك وحتى طوبك

مصر هى المكان اللى اتولد فيه وكمان المكان اللى عرفت فبه اهلى
وناسى مصر لانعرف قيمتها الحقيقية الا عندما نبعد عنها او يحدث فيها
اى مأساة قلوبنا جميعا تتوحد او نفوز بشئ معين عن طريق ابنائها كلنا
نحس بالفخر صحيح بنزعل قوى لما نلاقى قلة منحرفة فى مجال معين
تسرق او ترتشى
فى النهاية حب مصر يتجسد فى رغبة اى شخص ان يوارى الثرى فى
ترابها

[احمد حسين]

انا بشكركم كلكم وبلاخص mag man علي الصراحه الجميله دي
وبجد يارب ديما تعطيني نصايح تساعدني وانا اقدر رايك
وانا كده اطمنت.
انا بحب مصري زيكم بالفطره
يمكن مكنش اعطيت لمصر حاجه.بس مصر اعطتني كتير.
يمكن انا منشأتش علي ارضها بس انا واثق اني عمري محبيت بلد اكتر منها.

[مونمون]

بحب مصر لانها بلدي

[طيف عابر]

حتى لو مو بلدي بحبها
فيها شيء غريب يخليك تحبها
كمان ناسها صراحة
يخلوك تحبها غصب عنك

والله يامصر من شرقك لغربك
قلبى هواك وحبك
والله يامصرمن شمالك لجنوبك
عاشق ميتك وحتى طوبك

[ابتسام رفعت احمد]

طبعا بحبها . لانى عشت ايامى اللى هى كلمة من سطر فى موسوعتها الكبيرة بحلوها ومرها عشت حرب وسلام ومعاهدات مع العدو وازمات وكوارث لينا وجيرانا من العرب وياما حزنت على غالى وفرحت لغالى زعلتنى مرات وفرحتنى مرات لكن حبى لها فوق كل د*ه لو زعلت من امى 100 مره مش ممكن ازعل منها مرةلانى بحبها جد*ا ولو قراتم تاريخها زيى هتعرفو اد آيه هى عظيمة وجميلة وبريئة من كل شيىء سلبى فيها
وعلى فكرةعندى مكتبة كل الكتب فيها عن تاريخ مصر
وزوجى مفتش آثار فرعونى ونتشارك نحن الاثنان فى حبها
ونغذى هذا الحب لاحمد ورقية اولادنا