لا كنت صاحى ولا بنام.....برسم دواير متفرقة يا سلام زى الكلام

[mano]

لا كنت صاحي..
و لا كنت بنام..
برسم دواير في الهوا
متفرقة زي الكلام

دايرة أولى اتشكّلت
رسَمِت حبيبة
دايرة تانية اتشكّلت
رسَمِت وطن
دايرة تالتة اتشكّلت
رسَمِت ملامحي من جديد

نسمة هوا شاردة عبرت من الشباك
لخبطت تلات دواير..
الوطن ..أصبح حبيبتي
و عيون حبيبتي.. سرقت ملامحي
و اتشكلت دايرة كبيرة..
من حنين و شجن غريب..
فيها امبارح و النهارده.. و فيها بكره..

ليه بتبكي.. ليه يا أمي..
لو كنتي دبتي..
زي ما دبت..
في جنون لعبة دواير..
كنتي حبيتي احتضاري..
........................................

يا ريت اعرف رأيكم

[m.chezoo]

والله الكلام حلو وزى الفل وكلام كبير
بس ايه علاقته بالقسم هنا ياباشا

[**7osam**]

انا برضه متهيألى المفروض يتنقل ابداعات الاعضاء
بس بالنسبة لرأى يا صاحبى والله جامده اخر حاجة

[mano]

عندكم حق ان الموضوع مكانة مش هنا معلش سامحونى وشكرا يا جماعة على الردود دى

[رنيم احمد]

ههههههههههههههههههههههههه ه
موضوع حلوووو

[mano]

ههههههههههههههههههههههههه ه
موضوع حلوووو

شكرا يا رنيم على الرد الجامد دة

[lala]

اية الكلام الكبير دة يا عم مانو

[فتح الباب]

شكرا
جزيلا الموضوع روعه

[mano]

شكرا lala شكرا فتح الباب وبعدين دة العادى بتاعى يا lala

[رنيم احمد]

ههههههههههههههههههههههههه
مرسية ليك
وبعدين فين الرد الجامد دة
دا رد عاااااادى وبسيط
ههههههههههههههههههههههههه