لا كنت صاحى ولا بنام .....برسم دواير متفرقة ياسلام زى الكلام

[mano]

لا كنت صاحي..
و لا كنت بنام..
برسم دواير في الهوا
متفرقة زي الكلام

دايرة أولى اتشكّلت
رسَمِت حبيبة
دايرة تانية اتشكّلت
رسَمِت وطن
دايرة تالتة اتشكّلت
رسَمِت ملامحي من جديد

نسمة هوا شاردة عبرت من الشباك
لخبطت تلات دواير..
الوطن ..أصبح حبيبتي
و عيون حبيبتي.. سرقت ملامحي
و اتشكلت دايرة كبيرة..
من حنين و شجن غريب..
فيها امبارح و النهارده.. و فيها بكره..

ليه بتبكي.. ليه يا أمي..
لو كنتي دبتي..
زي ما دبت..
في جنون لعبة دواير..
كنتي حبيتي احتضاري..
........................................

يا ريت اعرف رأيكم

[احمد بيسو]

بجد روعه مرررسي اوى وربنه يبارك فيك

[mano]

بجد روعه مرررسي اوى وربنه يبارك فيك

ميرسى ليك لمرورك اللى نور التوبيك يا جميل

[m.chezoo]

[طيف عابر]

تسلم الايادي عالفكرة الحلوة والمضمون
وبانتظار الاجمل على طول

[mano]

شكرا يا جماعة على الردود الجميلة دى

[jewel_lowis]

لاء بجد كلمات جميله اوى
والفكره اجمل
تسلم الايادى

[mano]

شكرا يا jewel_lowis نورتينى

[esra2]

واضح أن اللى بيتكلموا كويس فى المنتدى زادوا واحد

[boba_H]

جامده كلامها وفكرتها
ايه الحلاوه والمواهب دي يا مانو
كويس ان في حاجه تخلينا ننسا مقالبك فينا
لا بجد تسلم يا جميل