مــجــرد رأي .... الحلقه الثانية

[Mr.Mo0ody]

طبعا يا مودى الحلقه جميله وسورى بجد انى مش تابعت الاولى معاك

انا من رأى ان الغربه وحشة اوى اوى وسبب دمار اى انفكاك يحصل للاسرة بس جواز احمد من ساندرا ظلم بيه ريهام عشان ريهام اتحملت معاه كتير وهو كده انانى عشان فكر بمصلحته ونسى مراته وولاده لا هو تعبان من الغربه فأكيد كمان ريهام تعبانة من سفر جوزها ومسئوليه ولادها فامكنش فى داعى يتجوز اساسا ده من رأى عشان كده فعلا هو ظلمها ودمر اسرة كامله وحتى مش عمل حساب اولاده اللى مستحملين بعد ابوهم عنهم وطبعا الاولاد فى حاجه دايما اللى وجود الأب

أحمد .... أنـــانى
ساندرا ...ملهاش ذنب هى وجدت الونس فتمسكت بيه
ريهام ..... مظلومة

تسلم ايدك يا مودى ويارب رأى يعجبك

بس يا سندس هو مكانش مقصر مع ريهام والأولاد فى أى حاجه
ومكانش بينزل بساندرا مصر خالص
يعنى كل واحده فى مكان وهو كمان مقدرش يستحمل انه لوحده
ريهام كان معاها أهلها وأولادها

فإيه رأيك ؟

[Mr.Mo0ody]

انا رأيى من رأى سندس
حلقه جميله جدا يا مودى
دائما متميز بمواضيعك الجامده
الف شكر
وتسلم ايدك

ميرس ليك يا أجمل صاحب

وأبقى أقري ردى على سندس

ونورت الموضوع

[Mr.Mo0ody]

نحن فى إنتظار رأى باقى الأعضاء

[عروسة النيل]

اولا اعذرنى انى ماكنتش معاك فى اول حلقه

بس بجد فكره الحلقه حلوه اوى

هو من وجهه نظرى الجانى هما اتنين احمد وساندرا هو اكيد الغربه ليها عامل بس مش بتبرر اللى الغلط ومش كل من اتغرب خان مراته تحت اسم الغربه

من انى شايفه انو ريهام فى غربه لانها بعيده عن حبييها وزوجها يعنى برده صعبه
ثانيا : ساندرا هيا مش عارفه انو متجوز وانو اب ومسئول عن اسره ولا ايه!!!!!!!!
فانا راي فى احمد انو خاين
وساندرا :مش عارفه اقول فيها ايه
ريهام هيا اللى مجنى عليها فى القصه دى كلها
وبجد انت جيت على الجرح لانى برده اتخنت من اللى فاكرها اعز الناس ليا
فا الخاينه صعبه اوى
مع حبى

[سارة المصرية]

طبعا الغربة
هو صحيح الغربة شئ صعب جداجدا بس مش مبرر انو يتجوز عليها وهى شريكة كفاحو يعنى اتجوز اول ما خلصو واشتغلو مع بعض علشان يحسنو ظروفهم المادية وهى واقفة جمبو ورجعت مصر تشتغل وتتحمل مسؤلية الاولاد لوحدها وهو بقا ظروفو المادية اتحسنت وحس بفراغ وبعد مراتو عنو يبقى يعمل اية يتقرب لزميلتو فى الشغل ويتجوزها ماهو يا عينى غلبان فى غربة مفكرش فى مراتو ما هى فى نفس موقفو هو وحيد ومتاج ليها وهى بردو وحيدة ومتاجة لية .. مش تقولى يا مودى انها جمب اهلها مهما كان الاهل مادام البنت اتجوزت بتبقى مسؤالة من جوزها وبيبقو لبعض كلللل حاااجة
وكمان هو ظلمها لانو مش ساوا بينهم واظن ان دا شرط انو لازم يساوى بينهم ولا اية
هو دور على راحتو هو بس وكمان لما هو يتجوز فى الغربة مرات نزولو مصر هتقل اكيد وكمان ولادو دول مش محتاجين لية مفكرش فيهم ...
لما هو حس بالوحدة يا اما يبعت لمراتو او ينزل


احمد
مش بيفكر غير فى نفسو بس وخاين
ريهام
مظلومة وخسارة في احمد
ساندرا

الغلطة مش غلطيتها الغلطة غلتطو هو

[zezo1]

أحمد
أكيد أنة الذى أخبر ريهام بزواجة ولو كان خائناً ماأخبرها ولظل أمرة سراً
أيهما أفضل زواجة أم إنحرافة؟




ريهام

يجب أن ترضى بالأمر الواقع طالما أنة غير مقصر معها ومع أولادة



ساندرا
حافظت على نفسها وإستظلت بة فى غربتها

[sahar]

اشكرك يا مودي على الحلقه
بصراحه فكره جميله جدا
على الاقل نقدر نتناقش
اما للموضوع
فمن وجهة نظري اكيد الغربه
شيء كتير صعب لانه الانسان يكون في حالة انفراد بذاته يعني
بعيد عن الاهل والاصحاب و ..... و.......
فلازم في هذه الحاله يجد على الاقل ونيس
لهذا احمد اتجوز ساندرا واعتبرها ونيسه في غربته
لكن هذا لايبرر انه غلط لانو اتجوز على مراته
مهما كان فهي بحاجه اليه حتى لو كانت مع اهلها
خصوصا اولاده فحنانه لا يعوضه لا خال ولا عم
يعني كمان اولاده بحاجه اليه
اما ساندرا مثل ماقالوا الاعضاء
فلاذنب لها اكيد هي كمان كانت تدور على رجل يحميها في الغربه

شكرا مودي على الحلقه
بالتوفيق

[Young DeviL]

انا كمان من رأي سندس تفتكر هو كان هيقبل الخيانه لو هيا اللي حبت تتجوز وطلما هو قادر انه يصرف علي حد معاه في الغربه مياخدها معاه وكمان هو سافر بأرادته
واتفق معاها علي كده وسافر عشان يبني بيته مش عشان يتجوز عليها وساندرا ملهاش ذنب هيا حبت تأمن نفسها وهيا في غربه بس دي تعتبر انانيه منها لانها مفكرتش في احساس ريهام وفكرت في نفسها بس

[Mr.Mo0ody]

اولا اعذرنى انى ماكنتش معاك فى اول حلقه

يا جميل ولا يهمك المهم انك منورانا وهتنورينا على طول


بس بجد فكره الحلقه حلوه اوى

هو من وجهه نظرى الجانى هما اتنين احمد وساندرا هو اكيد الغربه ليها عامل بس مش بتبرر اللى الغلط ومش كل من اتغرب خان مراته تحت اسم الغربه

من انى شايفه انو ريهام فى غربه لانها بعيده عن حبييها وزوجها يعنى برده صعبه
ثانيا : ساندرا هيا مش عارفه انو متجوز وانو اب ومسئول عن اسره ولا ايه!!!!!!!!
فانا راي فى احمد انو خاين
وساندرا :مش عارفه اقول فيها ايه
ريهام هيا اللى مجنى عليها فى القصه دى كلها
وبجد انت جيت على الجرح لانى برده اتخنت من اللى فاكرها اعز الناس ليا
فا الخاينه صعبه اوى
مع حبى

بصي يا عروسه النيل

هو أحنا قلنا انا أحمد ما أستحملش انه يكون لواحده

ريهام كان معاها الأولاد وأهلها كمان

هو كان لوحده تماما
وساندرا كانت عارفه بكده
وهى كانت عارفه انه متجوز .....

لكن الغربه ليهم هما الاتنين كانت اقوي ..........

منتظر ردك

[Mr.Mo0ody]

طبعا الغربة
هو صحيح الغربة شئ صعب جداجدا بس مش مبرر انو يتجوز عليها وهى شريكة كفاحو يعنى اتجوز اول ما خلصو واشتغلو مع بعض علشان يحسنو ظروفهم المادية وهى واقفة جمبو ورجعت مصر تشتغل وتتحمل مسؤلية الاولاد لوحدها وهو بقا ظروفو المادية اتحسنت وحس بفراغ وبعد مراتو عنو يبقى يعمل اية يتقرب لزميلتو فى الشغل ويتجوزها ماهو يا عينى غلبان فى غربة مفكرش فى مراتو ما هى فى نفس موقفو هو وحيد ومتاج ليها وهى بردو وحيدة ومتاجة لية ..
مش تقولى يا مودى انها جمب اهلها مهما كان الاهل مادام البنت اتجوزت بتبقى مسؤالة من جوزها وبيبقو لبعض كلللل حاااجة
وكمان هو ظلمها لانو مش ساوا بينهم واظن ان دا شرط انو لازم يساوى بينهم ولا اية
هو دور على راحتو هو بس وكمان لما هو يتجوز فى الغربة مرات نزولو مصر هتقل اكيد وكمان ولادو دول مش محتاجين لية مفكرش فيهم ...
لما هو حس بالوحدة يا اما يبعت لمراتو او ينزل


احمد
مش بيفكر غير فى نفسو بس وخاين
ريهام
مظلومة وخسارة في احمد
ساندرا

الغلطة مش غلطيتها الغلطة غلتطو هو

لا تعليق




ومنتظر رأيك فى الحلقات القادمه