اللغة العربية ظلمت المرأة في خمسة مواضيع

[حبيبة]

مهما قلت ..
يقول الرجل في المرأة ما يريد .. لكن المرأة تفعل في الرجل ما تريد .

مش كده ولاّ ايه ... قول الحق .

ايوة طبعا
وشهد شاهد من أهله
هههههههههه
.......................
أنا ياأستاذ سبايدر مدرسة لغة عربية واللي أنت مش عارفه أو تعرفه وبتتظاهر إنك متعرفوش إن اللغة العربية مظلمتش المرأة ولا حاجة لإنك لو رحت بحثت في المعجم عن معانى الكلمات دى هتلاقي إن اللفظ الواحد يكون له أكثر من دلالة ومعنى ودى تعتبر من أهم مايميز لغتنا العربية، واللي يقدر يحدد المعنى المقصود من اللفظ هو سياق الجملة فقط . فاللفظ يُنطق لكن المعنى والمدلول يُفهم من السياق.إلا إذا إنت بتقصد من كلامك هنا( التورية) .
وشكرا....
.......
وأي خدمة ولو كلامى مش واصل ممكن تيجى عندى أديك درس

[spider2009]

يا نهار ابيض ياحبيبة
كل ده علشان الكلمتين اللي انا قولتهم
انا اسف جدا
وبعدين انا اصلا فاشل في اللغي العربية
الا صحيح
يعني ايه تورية
لو مافيهاش غلاسة يعني

[حبيبة]

أنا قلتها عشان فعلا أثبت إنك فاشل في اللغة العربية ولو إن شهادتك بكده تكفي .وكمان عشان تاخد بالك بعد كده ومتظلمش اللغة العربية لإنها مظلمتش المرأة لكن إنت اللي ظلمتها
(خلي بالك هقوم عليك البنات)
..........
وتورية يا مستر سبايدر إنت تعتبر استخدمتها وإنت بتطرح موضوعك...
.............
أو بمعنى أصح وأوضح إن إنت تقول كلمة ليها معنيين لكن بتدى معنى قريب يفهمه اللي قدامك بس انت متقصدش المعنى ده وتقصد معنى تانى اللي هومعنى بعيد بس محدش هيفهمه إلا المتخصص أو الذكى اللماح وعشان كده اسمه معنى بعيد يعنى بعيد عن ذهن الحاضر معاك
(فاللفظ واحد لكن له معنيين: معنى قريب غير مقصود، ومعنى بعيد لكنه هو المقصود) فخمتو ولا؟؟؟
............
اه ومتتعودش علي كده .
مفيش حصص في المنتدى بعد كده.
عايز درس قولي وانا اجهزلك معاد وهقولك برده علي تمن الحصة.ومتخفش هكرمك برده.
ده انت ابن حتتنا قصدى منتدانا

[spider2009]

مش فاهم اي حاجة
بس ايه تقومي عليا البنات
انا مبخافش
وبعدين انا جايب الموضوع ده
من كتاب ابن الالفي
في الحقائق العلمية المؤكده
ياميس
حبيبة
بس انتي لسه صغيرة علي
مدرسة

[حبيبة]

هههههههههههههههه
طب شوف انا عرضت عليك ايه فوق لو مش فاهم الدرس

[spider2009]

اخد درس قصدك
بقي انا قدامي 5 شهور واتخرج
ارجع اخد درس تاني
ههههههههههه
حرام عليكي