للبنات فقط ((لو عايزة تحافظى على حبك وكرامتك فى وقت واحد تعملى ايه؟))

[ورده مصريه]

فى بنات كتير فاكرة انها عشان تفضل مع حبيبها و يكون راضى عنها لازم تعمل كل اللى يؤمر بيه من غير نقاش

و فى الاخر تلاقى ان كرامتها ضاعت و شخصيتها اتمحت ودا طبعا عمره ما ينفع يبقى حب حقيقى

عشان كدا لازم تعرفى الطريقة اللى تخليه بيها يفضل يحبك و مش يستغنى عنك و لا يقدر على بعدك

مش كل حاجة يقولك اعمليها تقولى حاضر عشان ترضيه قولى حاضر امتى ؟

لما تحسى انه بيعاتبك فى حاجة مهمة او حاجة غلط انتى عملتيها و بيلومك عليها و بيؤمرك تعملى حاجة معينة فيها كدا يعنى

ولما تحسى انه بيؤمرك تعملى حاجة فى صالحك و انه كدا خايف عليكى و عشان مصلحتك بيعاتبك وزعلان منك

مش بيعاتبك و زعلان عشان تروحى تصالحيه وتتحايلى عليه لغاية اما يذل كرامتك وفى الاخر يرضى عنك بالعافية

مع العلم انه ممكن يكون مش زعلان اوى و بيمثل عليكى عشان بيحب يشوفك ملهوفة عليه و مش قادرة على زعله

حاولى تسمعى الكلام بهوء بس بالمناقشة بردو و الحوار لان هو دا الى بيقرب الحبايب من بعضهم عشان يفهموا بعض اكتر

لازم يحس ان ليكى شخصية معاه و انك مش سهلة فى ردك ولا عادية فى طريقة تفكيرك وان ليكى رأى لازم يسمعه و يحترمه و شوفى انتى فى الاخر انتى مقتنعة بايه و اعمليه و بردو من غير ما تزعليه بردو

و لو لقيتيه زود اوى اوى فى الزعل و تقلان زيادة عن اللزوم اوعى تصالحيه تانى دا طبعا بعد ما تكونى عملتى اللى عليكى وسيبيه كدا و لا ترنيله و لا تبعتيله رسايل ولا ااااااااااااااااا اى حاجة و لا تعبريه و هو اللى هيجى يصالحك لو بيحبك فعلا

ولازم تتاكدى ان الحاجة اللى هو زعلان منها دى ليه حق فيها و بيسوء فى الزعل و عايز مشكلة وخلاص يمكن يكون بيعمل مشكلة عشان يسيبك و تقدرى تتاكدى من دا لو سبتيه و لقيتيه طنشك ع الاخر هتعرفى ساعتها انه مش يستاهلك اصلا

اتقلى انتى شوية و تعالى على نفسك حتى لو هتموتى عليه عشان كرامتك مش تضيع منك و انتى معاه

و اوعى تبررى لنفسك او ليه و تقولى ان الحب مش فيه كرامة بالعكس الحب =الكرامة كل اتنين حبايب كرامتهم من بعض و كل واحد فيهم تلاقيه بيحافظ على كرامة التانى و مش بيجرح مشاعره ولا يرضى باهانته سواء مع حبيبه او مع حد تانى لانهم بيكونوا زى روح واحدة و هما الاتنين من بعض

عشان كدا يا بنات لازم تاخدوا بالكوا من الحاجات دى و تكونوا لماحين كدا و جامدين مش متسهوكين و خلاص خلوا ليكوا شخصية و كرامة و افهمى و اعترضى لو فى حاجة مش عجباكى بردو بس بالا دب و الدلع بردو اصلهم بيحبوا يدلعوا شوية عشان تبقوا حافظتوا على كل حاجة و مش خسرتوا اى حاجة غالية عندكوا

معلش طولت عليكوا بس دا فى مصلحتكم طبعا و مستنية ردكم

[smsmty]

اشطه
كلام فعلا
من الاساس لازم حكايه الشخصيه دي

[spider2009]

اتقلى انتى شوية و تعالى على نفسك حتى لو هتموتى عليه عشان كرامتك مش تضيع منك و انتى معاه


اممممممممممممممم
اتكلموا براحتكم بس ساعت
لما تشوفيه هتنسي الكلام ده كله وتترمي عليه
مش دا اللي بيحصل ولا ايه

[رهف]

عندك حق بس كلامك جة متاخر اوووووووى
يا ريتك قولتى كدة من زمان بس يا خسارة

[احساس]

يابنتى كلام مليون فى الميه صح00ومتجرب وبقولك بجد الواحدمينفعش يعامل الجنس التانى الا كده00وبقول الكلام ده للبنات من زمان بس مين يصدق
ومرسى ليكى حبيبه قلبى على طرح الموضوع اللى اكتر من رائع ده بس ياريت كل البنات تقراه وتعمل بيه

[نور نور]

موضوع رائع بجد ووجه نظر اكيد صح بس فعلاااااااااا صعبه في التنفيذ
تسلم ايديك ورده علي الموضوع الاكثر من رائع

[ورده مصريه]

اشطه
كلام فعلا
من الاساس لازم حكايه الشخصيه دي

ميرسي على مرورك سمسمه وعلى فكره انا بحب الاسم ده قوي

[ورده مصريه]

اتقلى انتى شوية و تعالى على نفسك حتى لو هتموتى عليه عشان كرامتك مش تضيع منك و انتى معاه

اممممممممممممممم
اتكلموا براحتكم بس ساعت
لما تشوفيه هتنسي الكلام ده كله وتترمي عليه

مش دا اللي بيحصل ولا ايه

شكلك واثق من نفسك قوي
عموما نورت الموضوع الخاص بالبنااااااااااااات

[ورده مصريه]

عندك حق بس كلامك جة متاخر اوووووووى


يا ريتك قولتى كدة من زمان بس يا خسارة

مش متأخر ولا حاجه حاولي من دلوقت تاني نورتي الموضوع

[ورده مصريه]

يابنتى كلام مليون فى الميه صح00ومتجرب وبقولك بجد الواحدمينفعش يعامل الجنس التانى الا كده00وبقول الكلام ده للبنات من زمان بس مين يصدق
ومرسى ليكى حبيبه قلبى على طرح الموضوع اللى اكتر من رائع ده بس ياريت كل البنات تقراه وتعمل بيه

هو ده الكلام الصحيح برافو عايزين البنات كلهم كده
ميرسي على مرورك