عاجل لازم تدخلوا وتقولوارايكم يا شباب

[neven]

السلام عليكم ورحمة اللة

الحقيقة انا عايزة اكلمكم في موضوع شاغلني اوي وهخص بية بصراحة البنات وطبعا مفيش مانع ان الشباب يدخلوا ويقولوا رايهم
الموضوع هو:الاخلاص

انا دلوقتي يا جماعة لاحظت حاجة منتشرة اوي وكمان متبررلها يعني تلاقي البنت مرتبطة او مخطوبة وفي في حياتها اكتر من راجل يعني البنت تبقى مخطوبة اومرتبطة وعارفة كام واحد علية قال اية سيباة استبن تقول ان طار واحد التاني موجود لو واحد بيلعب التاني ممكن يتجوز لوواحد فقيرر خلية لحد مايجي اللي اغنى منة ويعيني تبرر اللي بتعملة دة انا هي بتشوف احسن الفرص وان دة مش عيب ولا حرام طيب واللي مخطوبة تقول اصل انا خطيبي يا حرام مش حنين عليا مش بيقولي كلام حلوعايزة حد يحسسني بؤنثتي عايزة حد يهتم بيا طيب متسبية بدل ما تخونية ؟تقول:لاما انا لوسبتة هضمن منين ان التاني هيتجوزني دة هيديني حاجة والتاني بيعوضني حاجة ما هي لازم تتقي ربنا في الشخص اللى معاها عشان ربنا يوفقها بس هتقول اية ازمة الجواز لحست دماغ البنات ولا كتر الاختلاط في الجامعةوالشعل والكافيهات هي اللي عملت كدة مبقاش حد راضي عن حالة والمقارنة موجودة دايما متستغربوش انا مش بهاجم البنات انا بس حبيت اطرح موضوع موجود كتيييير اوي دلوقتي للاسف مبقاش في اخلاق ولادين ولا حياء

يمكن دة يا شباب بيحصلكوا عشان الل كنتم بتعملوة في بنات الناس فبقى يضحك عليكم؟

[القطه الرومانسيه]

بصي يانيفين انتي بتقولي مبقاش في اخلاق ولادين ولا حياء بس بصي تقريبا صوابع ايديكي مش زي بعضهم يعني اكيد في الحلو وفي الوحش مش الحياه كلها مابقاش فيها لا حياء ولا ولاو لا .........

[نور نور]

[-Nona-]

متستغربوش انا مش بهاجم البنات انا بس حبيت اطرح موضوع موجود كتيييير اوي دلوقتي للاسف مبقاش في اخلاق ولادين ولا حياء

بصى يا قمر هما مش كتير اوى زى ما انتى بتقولى كده يمكن يكون فيه لكن مش كل البنات ولا كتير اوى
يعنى لو قولنا نسبه مئويه ليها مع انى مش مقتنعه بالنسبه الى هقولها نقول 10% زى ما انتى بتقولى لكن 90% البقين لا كويسين
لان لا يمكن كل الناس بتخون وكل الناس بتبيع وكل الناس عامله استبن مفتكرش ابدا
وحاجه مافيش دين ولا اخلاق وحياء
مافتكرش برده لان احنا مجتمع بحمنا دينا يمكن مش فى كل حاجه لكن فى دين لما هنكون مجتمع فسد فالدين موجود
والاخلاق بقى اكيد موجوده لان الانسان منغير اخلاق مش انسان والاحترام من الاخلاق وبرده لو قله مش عندها اخلاق الباقى عنده
اما الحياء موجود بس بنسب يعنى مش عند كل الناس بنفس البسبه علشان كده بيختلف بس
واسفه على الاطله ويارب تكونى فهمتى وجهة نظرى
ولو اى حد عنده اعتراد على كلام يقولى ايه الغلط فيه

[احمد طنطاوي]

اسمحي لي نيفين أن أقول رأيي المتواضع وهي كلمة صغيرة علي موضوع كبير وهي..
عجز المرأة علي حب رجل واحد والاخلاص له .. هو مرض يشقي المرأة كما يشقي الرجل ،
انه يؤدي بالمرأة نفسها الي المأساه ..
فلابد أن تتحطم حيانها في النهاية .. ولابد أن تقف في آخر الأمر أمام حياة كلها فراغ ..
وليس فيها ذكريات سوي الألم

[neven]

مرسي اوي يا جماعة على ردردكم الغالية

[Young DeviL]

صح يا نفين في كده بس بصراحه بنسبه قليله والبنت دي بتكوت معروفه من الكل انها متعلم عليها من كذا شخص وهتتعب في حياتها جامد

انما انا بصراحه مشوفتش موضوع الاستبن ده كتير وبرده مش البنات بس اللي بتعمل كده معظم الشباب هما اللي خلوا البنات تفقد الثقه في الشباب فبتقول لو ده سابني ابقي مع ده مع ان ده مش مبرر خالص لتصرفها يعني برده الشباب ليهم جانب من العتاب وكده هيا بتأذي نفسها مش حد تاني لانها في الاول والاخر البنت سمعه

[ابو تريكه]

ميرسى ع الموضوع

ده حقيقى بيحصل وبنسبك مش قليله

بس لازم يكون كده احنا بشر وبرده ف الحياء والاحترام

[حنين sss]

ممكن بيحصل بسمش فى ناس مؤدبة كتير
وربنا يهدى الجميع

[حنين sss]

شكراااااااااااااااااااااا اا