للبنات الجامده اوى......... حمام وبط محشى بالصور

**بسبوسة** · 9 - 2 - 2009, 11:47 AM

حمام وبط محشي بالفريك

الحمام ممكن أن يُحشى بالفريك أو الرز وسأضع الطريقتين إن شاء الله أما البط فعادة يُحشى بالفريك لأن البط يأخذ وقت أطول في النضج وهذا يناسب الفريك أكثر من الرز

أولا نبدأ بالحمام

المقادير
لكل زوج من الحمام نحتاج الى
من 1\2 الى 3\4 كوب فريك أو رز (حسب حجم الحمام )
بصلة متوسطة مفرومة
ملعقة صغيرة سمن
ملح + 1\2 ملعقة صغيرة فلفل أسود أو حسب الرغبة
حوايج الحمام يعني الكبدة والأونصة

الطريقة

يدعك الحمام جيدا بالدقيق والملح ويترك نصف ساعة ثم يغسل جيدا ويترك قليلا ليصفى من الماء

فى هذه الأثناء نحضر خلطة الحشو من الرز مع البصل المفروم المدعوك بالملح والفلفل + السمن + الكبدة والأونصة

أو الفريك وممكن أن يُحمر الفريك شوية قبل الحشو ثم بعد أن يبرد نضع عليه باقي المكونات ماعدا السمن لأنه قد تحمر بالسمن

يكتف الحمام

يدعك الحمام من الداخل بقليل من الملح والفلفل
نضع الحشو سواء كان الرز أو الفريك ونترك فراغ قليل بالحمام لأن الحشو سيتمدد

تخيط فتحته من اسفل وكذلك من عند الرقبه

نسلق الحمام في الماء المغلي والمضاف اليه بصلة متوسطة صحيحه وحبهان (هيل)ثم بعد شويه نهدي النار ونضع فص مستكة ويترك حوالي ساعة وفي نصف وقت النضج نضع قليل من الملح معه

بعد النضج يرفع طبعا من الحلة ويترك ليجف وهذا ضروري جدا

ثم يحمر في السمن ويقلب على كل الجوانب

نرش عليه قليل جدا من الملح والفلفل وننزع منه الخيط بحرص ثم يقدم

نقدم معه الفريك المفلفل او حسب الرغبة

ثانياً : البط المحشي

نفس الطريقة السابقة ولكن البط يأخذ كمية فريك أكثر وهذا يتوقف على الحجم ولكن في المتوسط 2كوب تقريبا

والفريك هنا لابد أن يحمر أولا لأنه سيأخد وقتا أطول في السلق

قبل الحشو ندعك البط بنصف ليمونه من الداخل لأن البط أحيانا يكون به ظفارة ( رائحة غير مستحبة )

ثم نتبله بالملح والفلفل من الداخل

نضع الفريك بداخل البط ونترك مسافة قبضة اليد فارغة لحساب تمدد الفريك

واذا كان هناك مجال لحشو الرقبة أيضا تُحشى واذا كان جلد الرقبة مقطوع فلن نستطيع حشوها ولكنها تخيط أيضا مثل الجزء السفلي

ويفضل ان نكتف البط بعد ذلك بالدوبار الخاص بالطهي حتي لا تتفتح

يسلق البط مثل الحمام ولكن سيأخذ ساعتين تقريبا وايضا هذا يتوقف على حجم ونوع البط لأن بعض أنواع البط تنضج بسرعة

بعد النضج نتركها تجف ثم نحمرها في السمن ان كانت صغيرة وان كانت كبيرة ولا نستطيع تحميرها بالسمن ممكن ندهنها بصلصة الطماطم مع السمن ونضعها تحت الشواية في الفرن لعدة دقائق

ثم تتبل بالملح والفلفل

ويزال الخيط

وتقدم أيضا مع الفريك

وبالهنا والشفا
>>> تابعـــــــــــونا

**أسوو** · 9 - 2 - 2009, 12:16 PM

يابنت الايه كدة عالصبح
انا ريقي جري حرام عليكي
يجننو وبالذات الحمامه رقم 3 دي شكلها مغري اووى
يخربيتك

**شيري العسولة** · 9 - 2 - 2009, 05:26 PM

اية الحلاوة دى بس يابسبوسة جامده جداااااااا
بس انتى لما عملتى الفراخ المحشية انتى وماما ماطلعتش حلوة لية انتى اكيد سرقتى الافكار دى من حد
ههههههههههههههههههههههههه هههههههههه

اية رائيك سيحتلك جامد اهو

**بسبوسة** · 9 - 2 - 2009, 08:48 PM

شكرا على السياح ده ....

بس على الاقل انتى اعترفتى انى بعملك اكلات من دى
وشكلها كده مبتتمرش فيكى .
ياجماعه دى كانت زى العسل , انتوا عارفين بسبوسه

اه , ياريت تقولوا لشيرى تجرب الاكل قبل عرضه عليكوا احسن هيه ما بتدخلش المطبخ اصلا ههههههههههه

**بسبوسة** · 9 - 2 - 2009, 08:51 PM

اى خدمه تحب ابعتهالك على اميلك وتتفرج عليها برحتك هههههههههههههههههه
شكرا على دخولك

**m.chezoo** · 10 - 2 - 2009, 11:51 PM

انا مليش تقل على الحمام خلينا فى البط شكله يجنن
واى حد الوقتى يعمل ويبعت

**رهف** · 11 - 2 - 2009, 12:02 AM

والله انتى زى السكر كان نفسى اكل حمام من زمان
بس محدش عارف يعملهولى صح انا بقى بكرة هجرب
وابقى اقولك ماشى ومستنين منك اكلات تانية كتيررررررررررررررر