اسئلة للبنات .........قفشات مع المعاكسات

[mano]

السلام عليكم ورحمة الله وبركاته
النهارده سؤالي للأنسات الجميلات
البنات الجامدين
سؤال جريء جدا جدا جدا
الشباب الهايف طبعا زي ما كلنا عارفين
مش بيسيبو حد في حالو
لا محترمه ولا غيره
لازم يدايقو الناس كلها , حتى لو كانت مدام او حتى ست كبيره
انا بقه عايزكم تحكو لي عن قفشات مضحكه حصلت ليكم في اثناء المعاكسه
زي مثلا حد قالك كلمه مضحكه
او حصل موقف طريف مع اللي بيعاكس
زي انك اديتي له الم على خلقته
او قلعتي الشوز وضربتيه
او اي حاجه مضحكه تانيه
خلونا ندردش
قولي قولي ما تتكسفيش
احنا منك وعليكي
وطبعا مش كل الشباب هايف وبيعاكس فى ناس محترمين زى اخوكم مانو كدة

[عروسة النيل]

اولا ربنا يوقفك فى النتيجه

وتسلم على مواضيعك مميزه

حكايه المعاكسات المضحكه كتيره جدااااااااااااااااااا اولا انو مره كنت ماشيه انا وبنت خالتو وفجاه لقينا واحد نام على الارض وعمل نفسه ميت او مغمى عليه معرفش
كل اللى عارفه انو مجنون ولقيت صاحبه بيقولنا معلش كلاميه عشان يفوق دى حاجه

بس تكون ماشى وتلاقى واحد فجاه بيصوت فى وشك
وعادى ويمشى يكمل مشوار المهم انو صوت فى وشك وخلاص
وغيره تحس انهم بيخترعوا ايه حاجه وخلاص

مع حبى

[شيري العسولة]

ههههههههههههههههههههههههه هههه

تسلم يامان موضوع جامد

انا بقى ضربت واحد عاكسنى وانا اضايقت فحبيت اشفى غليلي وضربتة ضرب والله جامد بس احسن يستاهل
انا ماشية في امان الله ولوحدى وفى جمب بيتى يعنى هاكون ازاى فضايقنى خالص مالص

ههههههههههههههههههههههههه هههههههههههههه

[لؤلؤة]

هههههههههههههههههههه

انا بقى متسجلة خطر

كل يوم بضربلي واحد( بلعب كراتيه بقى)



وف مرة كنت جاية من النادي هلكانة جدا

وانا ماشية بالعربية لقيت واحد بيكلكسلي

فقلت تلاقيه بس عايز يعدي ولا حاجة

المهم وسعتله عشان يعدي ويرحمني من ام الكلكسة اللي قارفني بيها

بس بردو فضل ورايا يكلكس ويضايقني فنزلت وانا العفاريت بتتنطط قدامي

وانا اساسا راجعة من النادي قرفانة من نفسي

المهم قلتله انت عايز ايه خنقتني

لقيته بيقول بكل برود معاكي مناديل اصلي عندي برد!!!!!!!!

(بيستخف دمه الاستاذ)

انا بقى روحت مدياله حتة بوكس وروحت راحة راكبة عربيتي

هو صحيح مسكتش وفضل يرزل عليا

بس انا بقى قلت دا شكله واخد قرص هيافة قبل مينزل ومعدتش عبرته

خاصة اني مكنتش فايقاله وهموووووت واروح انام


بصراحة فيه حبة شباب يستحقوا يتولع فيهم بجاز

وميرسي ع التوبيك يا نانو يا جامد

[Young DeviL]

انا هقولك علي موقف هو مش كعاكسه علي قد ما هو غريب

مره وانا خارجه من باب مدرستي وقفت مستنيه باقي صحابي يطلعوا لقيت عيل صغير بالبس الحضانه كده عسول اوي بصراحهعمال يقول يا انسه يا انسه طبعا قدام عيل قمر زي ده مقدرتش امسك نفسي قولتله نعم يا حبيبي لقيته بقولي ممكن اعاكسك يا انسه ؟

طبعا انا عملت كده

وطبعا قدام نظراته الجباره وانه عسول اوي وزي القمر انا ممسكتش نفسي رديت وقلتله ماشي عايز تقولي ايه؟
قالي خدي دي ولقيته طلع لبان من جيبه وخد لبانه واداني لبنانه
قلتله ماشي هكلها بس مش دلوقتي عشان انا مباكلش لبنات وانا ماشيه في الشارع عشان عيب
قالي ماشي انتي بتخرجي كل يوم في نفس الميعاد من المدرسه؟
قلتله اه ليه؟
قالي عشان ابص عليكي من الشباك واعملك باي كل يوم وشاورلي علي الشباك بتاع الشقه اللي ساكن فيها


طبعا كل ده وانا حاسه اني بحلم اساسا ومش عارفه ازاي طفل صغير برئ زي ده يعرف المعاكسه لحد بقي ما عرفت من مصادري الخاصه انه يبقي اخو واحد من مدرسه الصنايع اللي جنبنا واخوه صايع عشان كده قلت طبعا الصغير طالعله

ايه رأيكم في الحكايه الغريبه دي والمهم اني لقيت صحابي طلعوا من زمان ومستنيني علي المحطه اساسا
انا نفسي مش مصدقه ان في طفل صغير عسول كده بس خلاص بطلت اعمله باي عشان عيب بقي لحسن يسوء سمعتي اني ماشيه معاه ولا حاجه

[mano]

اولا ربنا يوقفك فى النتيجه

وتسلم على مواضيعك مميزه

حكايه المعاكسات المضحكه كتيره جدااااااااااااااااااا اولا انو مره كنت ماشيه انا وبنت خالتو وفجاه لقينا واحد نام على الارض وعمل نفسه ميت او مغمى عليه معرفش
كل اللى عارفه انو مجنون ولقيت صاحبه بيقولنا معلش كلاميه عشان يفوق دى حاجه

بس تكون ماشى وتلاقى واحد فجاه بيصوت فى وشك
وعادى ويمشى يكمل مشوار المهم انو صوت فى وشك وخلاص
وغيره تحس انهم بيخترعوا ايه حاجه وخلاص

مع حبى

اولا شكرا على احساسك الجميل وانتى بتدعيلى كدة
ثانيا فعلا بجد فى شباب مجانيين ممكن يعملو اى حاجة عشان يعاكسو البنات او يلفتو نظرهم
شكرا للمشاركة

[mano]

ههههههههههههههههههههههههه هههه

تسلم يامان موضوع جامد

انا بقى ضربت واحد عاكسنى وانا اضايقت فحبيت اشفى غليلي وضربتة ضرب والله جامد بس احسن يستاهل
انا ماشية في امان الله ولوحدى وفى جمب بيتى يعنى هاكون ازاى فضايقنى خالص مالص

ههههههههههههههههههههههههه هههههههههههههه

والله احسن حاجة عملتيها انك تضربى اللى بيعاكسك عشان يتحرج ويتكسف على دمة دة لو كان عندة دم اصلا وشكرا للمشاركة

[mano]

هههههههههههههههههههه

انا بقى متسجلة خطر

كل يوم بضربلي واحد( بلعب كراتيه بقى)



وف مرة كنت جاية من النادي هلكانة جدا

وانا ماشية بالعربية لقيت واحد بيكلكسلي

فقلت تلاقيه بس عايز يعدي ولا حاجة

المهم وسعتله عشان يعدي ويرحمني من ام الكلكسة اللي قارفني بيها

بس بردو فضل ورايا يكلكس ويضايقني فنزلت وانا العفاريت بتتنطط قدامي

وانا اساسا راجعة من النادي قرفانة من نفسي

المهم قلتله انت عايز ايه خنقتني

لقيته بيقول بكل برود معاكي مناديل اصلي عندي برد!!!!!!!!

(بيستخف دمه الاستاذ)

انا بقى روحت مدياله حتة بوكس وروحت راحة راكبة عربيتي

هو صحيح مسكتش وفضل يرزل عليا

بس انا بقى قلت دا شكله واخد قرص هيافة قبل مينزل ومعدتش عبرته

خاصة اني مكنتش فايقاله وهموووووت واروح انام


بصراحة فيه حبة شباب يستحقوا يتولع فيهم بجاز

وميرسي ع التوبيك يا نانو يا جامد

يا سلااااااااااااااااااااااا اام عليكى بجد انا فرحان فية مووووووووت وعلى فكرة انا كنت بلعب كراتية بردة بس فى ايام تانية وتالتة ثانوى
بس دلوقتى خلاص بقى ......................وبعد كدة انا اخاف انزل توبيكات رخمة عشان متضربينيش ههههههههههههههه
تسلمى للمرور

[mano]

انا هقولك علي موقف هو مش كعاكسه علي قد ما هو غريب

مره وانا خارجه من باب مدرستي وقفت مستنيه باقي صحابي يطلعوا لقيت عيل صغير بالبس الحضانه كده عسول اوي بصراحهعمال يقول يا انسه يا انسه طبعا قدام عيل قمر زي ده مقدرتش امسك نفسي قولتله نعم يا حبيبي لقيته بقولي ممكن اعاكسك يا انسه ؟

طبعا انا عملت كده

وطبعا قدام نظراته الجباره وانه عسول اوي وزي القمر انا ممسكتش نفسي رديت وقلتله ماشي عايز تقولي ايه؟
قالي خدي دي ولقيته طلع لبان من جيبه وخد لبانه واداني لبنانه
قلتله ماشي هكلها بس مش دلوقتي عشان انا مباكلش لبنات وانا ماشيه في الشارع عشان عيب
قالي ماشي انتي بتخرجي كل يوم في نفس الميعاد من المدرسه؟
قلتله اه ليه؟
قالي عشان ابص عليكي من الشباك واعملك باي كل يوم وشاورلي علي الشباك بتاع الشقه اللي ساكن فيها

طبعا كل ده وانا حاسه اني بحلم اساسا ومش عارفه ازاي طفل صغير برئ زي ده يعرف المعاكسه لحد بقي ما عرفت من مصادري الخاصه انه يبقي اخو واحد من مدرسه الصنايع اللي جنبنا واخوه صايع عشان كده قلت طبعا الصغير طالعله

ايه رأيكم في الحكايه الغريبه دي والمهم اني لقيت صحابي طلعوا من زمان ومستنيني علي المحطه اساسا

انا نفسي مش مصدقه ان في طفل صغير عسول كده بس خلاص بطلت اعمله باي عشان عيب بقي لحسن يسوء سمعتي اني ماشيه معاه ولا حاجه

انا عاوز اقولك ان واحد صاحبى عمل نفس الطريقة دى تقريبا بس بطريقة مختلفة شوية ..............كنا فى النادى وصاحبى عاوز يكلم بنت فجاب معاة اخوة الصغير وهو ولد بجد زى القمر وعسول اووى فراح للبنت وهو بيعيط وكلمها وكدة يعنى وبعد شوية راح صاحبى دة وشكرها وبعد كدة بقت البنت دى من شلتنا ههههههههههههههههههههههههه ههههههههه

[m.chezoo]

ههههههههههههههه
هى الولاد مش بتتعاكس خالص
انا عايز احكى انا كمان