هل البنت الجريئه قليلة الادب؟؟؟؟

[أسوو]

أتمنى من الكل المشاركه بالموضوع و خصوصاً

الشباب

لأن الموضوع موجه لهم اوك

عندي سؤال

((((هل تعتبر أيها الشاب بأن البنت المتفتحه انها قليلة أدب أم تعتبرها جريئه

أم ماذا؟؟؟))))

بوضح السؤال أكثر

عند ذهابك إلى جهة عمل ما

و تجد فتاة من الفتيات

تتكلم بجراءه

،تحاول إنها تساعد الكل

مستواها التعليمي عالي

تفهم في كل شئ

و يمكن تكون أحسن من مديرها بإداره أمور العمل

هل هذه البنت تكبر في عينك ام انك تزدريها وترى انها

تعدت حدودها في

انوثتها ، ام انك تفتخر بها وبجرأتها وسلوبها في الأخذ والعطى مع الغير


أم ماذا تقول ؟؟؟؟


وبتواجدكم يابنــات وردودكــم يكـون أحــلي

يلا اتمنـى التفــاعـل

[أسوو]

وانا كمان هقول وجهه نظري زيكو
لماذا لا نعتبر جرأتها وصراحتها هو من علم وخبرة وثقافة وثقة بالنفس اكتسبتها من الحياة
بس بحدود الأدب والاحترام ومراعاة مشاعر الآخرين وعدم التقليل من شأنهم و إلا فعلا اصبحت وقاحة
فالشجاعة صفه جميله المفروض الجميع يتصف فيها سواء بنت أو رجل

[m.chezoo]

اولا تسلمى علىالتوبك الجميل ... ثانيا بصى يااسو
فى بنات بتستغل عقلها اها بس بتستخدمه بطريقه غلط ... لان مهما كان بتلاقيها متاثره بتقاليد وعادات متنافيه مع امور دينا ...
يعنى تلاقى واحده عالمه ومتفهمه فى كل حاجة وقاعده فى وسط خمس ست رجاله بشعرها ... طب ليه مش بتكملى جمالك بامور دينك
تلاقى البنت صوتها عالى فى اى مناقشه طب ليه مع ان الحياء صفه النساء
هى دى القضيه انها مش بتبقى كامله والناس ليه الامور الظاهرة او الملفته بغض النظر عن المعدن والنيات من جوه
اتمنى تكونى فكرتى وصلت وليا راجعه تانى

[أسوو]

انا معاك وكلامك سليم ميه الميه
انا قولت كلو يبقي في حدود الادب والاحترام
ميرسي وبجد نورتني

[القطه الرومانسيه]

موضوعك جميل جدا زي بقية مواضيعك الحلوه طبعا
وانا من رايك انتي كمان
البنت ممكن تكون جراءتها ديه من الحياه اللي اتعلمتها واللي عايشه فيها بس طبعا بحدود الادب والاحترام
تقريبا نفس ردك
ميرسييييييييييي

[MR.Mahmoud]

جمال البنت او المرأة عموما هو الحياء
الحياء الذى اقصدة هنا هو الالتزام والالتزام بالقواعد الشرعية والدنية
ومن ثم فمن حق البنت ممارسة كافة ادوارها فى الحياة بكل حرية والابداع والنجاح
فى كافة المجالات
وبما اننى رجل اشعر بالفخر والسعادة بكل بنت متفوقة او مبدعة فى اى مجال ولكن
بالشرط الاساسى وهو الالتزام لانة من غير الالتزام سيتحول نجاحها وابداعها الى فتنة
اللهم احفظ جميع بنات المسلمين
والف شكر لموضوعك الجميل والهادف
تقبلى مرورى المتواضع

[سارة المصرية]

عند ذهابك إلى جهة عمل ما

و تجد فتاة من الفتيات

تتكلم بجراءه

،تحاول إنها تساعد الكل

مستواها التعليمي عالي

تفهم في كل شئ

و يمكن تكون أحسن من مديرها بإداره أمور العمل
طبعا مهم جدا ان البنت تكون مثقفة ومستواها التعليمى عالى وتكون لبقة فى كلامهما واسلوبها بس مش جريئة تعرض وجهة نظرها بكل احترام ووقار مش سورى يعنى مياعة يعنى تخلى اى حد يعمل ليها الف حساب ويفكر قبل ما يكلمها ....حكاية تساعد حد دى دا لو حد محتاج مساعدة ومتنساش انها بنت يعنى اهم حاجة فيها الحياء والادب والرقة

وميرسى ليكى يا اسو على الموضوع

[Young DeviL]

اولا تسلمى علىالتوبك الجميل ... ثانيا بصى يااسو
فى بنات بتستغل عقلها اها بس بتستخدمه بطريقه غلط ... لان مهما كان بتلاقيها متاثره بتقاليد وعادات متنافيه مع امور دينا ...
يعنى تلاقى واحده عالمه ومتفهمه فى كل حاجة وقاعده فى وسط خمس ست رجاله بشعرها ... طب ليه مش بتكملى جمالك بامور دينك
تلاقى البنت صوتها عالى فى اى مناقشه طب ليه مع ان الحياء صفه النساء
هى دى القضيه انها مش بتبقى كامله والناس ليه الامور الظاهرة او الملفته بغض النظر عن المعدن والنيات من جوه
اتمنى تكونى فكرتى وصلت وليا راجعه تانى

هو ده رأيي

وبرده

[ايمرى شوووو]

بصى انا ممكن اتكلم من وجهة نظرى انا بس ومليش دعوة برأى حد


انا من رأيى ان البنت الجريئة دى هيا البنت الصح البنت بتاعة الزمان اللى احنا عايشين فية دة بنت تسند جوزها بنت بتعرف قيمة كل حاجة محدش يعرف يضحك عليها ولا يشتغلها بت من الاخر تفل فى الحديد فيها اية يعنى انها بتبقى مختلفة عن بنات جيلها التانيين بس دى بتيقى حريات شخصية ودة العرض والطلب فية حد يحب الجريئة وحد يحب اللى مش جريئة الغلبانة انا بقى من النوع اللى بيعشق الجريئة بتحس معاها بالحياة بتبقة معاك بتدى طعم للحياة كدة بتخليك رايق والله بجد البنت الجريئة هيا بنت الزمن دة ممكن مكنتش تنفع زمان بس دة كان عصر مقفول على نفسة انما دلوقت معتقدش فية بنت مبتتفرجش على الدش ولا بتتدخل على النت دى بقت حاجة اساسية فطلما احنا سمحنا بكدة خلاص لازم نسمح بالتطور الطبيعى للبنت للعقلية نفسها عكس زمان خالص البنت لما كانت تسمع الراديو تبقى اجرمت .. ياجماعة اسمحولى ااااقول مبقاش فية فى زمنا دة مكان للطيبة الزيادة عن اللزوم لأن البشر بقوا شياطين فلازم نتكيف على كدة وطبعاااا من الاخر انا بحترم البنت الجريئة الواعية اللى بتعرف تعيش حياتها بمزاجها ولكن ولكن ولكن فى حدود الادب الذى يسمح بة مجتمعنا الشرقى ودى المفروض تبقى حاجة طبيعية وتبقى فاهماها اى بنت جريئة امال والنبى جريئة على اية

وشكرااا واسف للتطويل

بس خلاص

[أسوو]

طبعا جمال البنت وزينتها في خجالها وحياءها
لو دول مكنوش موجودين توقع منها اي شئ وانتو طبعا فاهمين
انا معاكو طبعا في كلامكو كلو
وكل شئ بالحدود
يعني الشئ لو زاد عن حدو بيتقلو ضدوو
يعني كل شئ بالادب والاحترام واظن جرائه البنت شئ مش وحش طالما في حدود الادب
ميرسي مرة تانيه ليكوو بجد