اشهر كلمات الاب و الام

**GOLDEN GIRL** · 13 - 2 - 2009, 10:06 PM

علي مراحل العمر المختلفه بيمر علي مسامع الواحد جمل بتتقال في اغلب البيوت اذا مكنش كلها .. لحد الواحد لما حفظها شوفوا معايا كده

*مش عايزة اسمع صوت
*ما تردش عليا
*لو مش فاهم حاجة ارفع ايدك واقول للأستاذ مش فاهم ... ما تتكسفش

*ومالها بس كتب الوزارة
*بص كويس وانت بتعدى الشارع
*البس شبشب ... ما تمشيش حافى

*قوم صلى ربنا يهديك
*اطفى التليفزيون واقوم ذاكر... التمثيلية مش حتنفعك بحاجة
*اقفل صدرك

*كل على مهلك وامضغ الأكل كويس
*كفاية رغى فى التليفون بقى
*ما تقفش فى تيارات الهوا وانت مستحمى

*ما تعليش صوتك عليا
*اللى يكذب ربنا يدخله النار
*يا بنى اللى ذاكر ذاكر وخلاص ... اقوم نام

*ادى دقنى اهه لو فلحت
*بلاش تلعب بالمقص ... بيجيب الفقر
*يا بنى كلم خالتك العيانة اسال عليها

*اوعى حد غريب فى الشارع يديلك حاجة وتاخدها
*لازم تاكل سلاطة خضرا
*عيب لازم تحترم اللى اكبر منك

*انت فاكرنى قاعد على تل فلوس ... اجيبلك منين
*انت ما بتشبعش طلبات
*قوم اقرالك كلمتين ينفعوك

*ما تتكلمش بصوت عالى فى الحمام
* والله ما انت فالح السنه دى
*ما تلزقش فى التليفزيون كدة ... نظرك حيضعف

*مش شايف ابن عمك فالح ازاى ... ياريت تبقى ربعه
*اللى بيعوز يذاكر بيذاكر انشا لله حتى على لمبة جاز
*ما تطلعش ايدك من شباك العربية

* كسر رقبتك على صدرك
*ربنا يرزقك بعيال يوروك اللى ورتهولى
*ما تطلعش ع الملاية النظيفة ورجلك وسخة

*حول القناة دى بلاش مسخرة وقلة ادب
*طلع ايدك من جيبك وانت بتكلمنى
*ما تحطيش ايدك فى جنبك وانتى بتكلمينى

*بتبرطم بتقول ايه
*انت فاكر انك كبرت خلاص ... مش حتكبر عليا
* ربنا يفتح فى وشك الأبواب المقفلة

** لو فاتورة النت جات عالية مش هدفعها
** يا ابنى وطى صوت البتاع الى انت مشغلة دا خلينى اعرف انام
اللي باللون الموف دايما بيتقالي لحد دلوقتي

لو ناسيه حاجه قولولي يلا انا مستنيه

**m.chezoo** · 13 - 2 - 2009, 10:13 PM

ههههههههههههه
لاكفايه اللى انتى قولتيه وانا اللى قولت هقعد ع المنتدى وانسى الكلام جاية انتى هنا كمان تفكرينى

**GOLDEN GIRL** · 13 - 2 - 2009, 10:16 PM

هههههههههههههههههههههه
معلش بقي يا شيزو
اومال انا اعمل ايه
نورتني بجد
ميرسي ليك

**كوووود** · 14 - 2 - 2009, 01:17 AM

هههههههههه
ولله كلامك صح

**GOLDEN GIRL** · 14 - 2 - 2009, 01:20 AM

المشاركة الأصلية كتبت بواسطة كوووود

هههههههههه
ولله كلامك صح

ميرسي علي ردك يا كوود
نورتني

**MR.Mahmoud** · 14 - 2 - 2009, 01:25 AM

توبيك جميل
الف شكر

وتسلم ايدك

**GOLDEN GIRL** · 14 - 2 - 2009, 01:27 AM

المشاركة الأصلية كتبت بواسطة MR.Mahmoud

توبيك جميل
الف شكر

وتسلم ايدك

منووووووووووووووووووووووو رني يا محمود بجد
ميرسي ليك خالص خالص

**mona roshdi** · 14 - 2 - 2009, 01:31 AM

بجد يابنتى انت مخلتيش حاجة دة كلة قلتى

بجد توبيك روووووعة

**GOLDEN GIRL** · 14 - 2 - 2009, 01:33 AM

المشاركة الأصلية كتبت بواسطة mona roshdi

بجد يابنتى انت مخلتيش حاجة دة كلة قلتى
بجد توبيك روووووعة

هههههههههههههههه
شوفتي بقي يا ماما مني
ميرسي ليكي علي المرور ده اسعدني جداااااااااا

**omaro** · 14 - 2 - 2009, 10:00 AM

هم الابهات والامهات دول مبيتغيروش وكلامهم كله واحد ومتكرر ومفهوش جديد ونفس الكلام دا يامااتقلى وخصوصا كلمة ( ادى دقنى لو فلحت ) مع انى فلحت والحمد لله واخدت شهادتين ليسانس وبقيت محامى فى شركة وبرضه الكلمة مع انى مبقيتش لسمعها انا بحكم انى خلاص فلت من التعليم الا انى بسمعها بتتقال لاخواتى الصغيرين اللى ان شاء الله حيفلحوا ويكونوا احسن منى

الموضوع: اشهر كلمات الاب و الام

أدوات الموضوع

اشهر كلمات الاب و الام

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة