الله على حبك انت

**مونمون** · 14 - 2 - 2009, 01:23 PM

بسم الله الرحمن الرحيم

طبعا كلنا بنحب بس احلى واصدق حب هو حب الله
لكن ياترى هو بيحبنا ؟؟
طبعا بيحبنا بس نعمل ايه عشان يحبنا اكتر واكتر؟؟
اسيبكم مع الموضوع.......

لكي نصل الي القرب الحقيقي لربنا سبحانه وتعالي اول حاجه الصلاه في اوقاتها والحفاظ عليها والرسول صلي الله عليه وسلم وضح لنا النقطه دي في الحديث الشريف ( احب الاعمال إلي الله الصلاه لوقتها)

1- الصلاه في وقتها من اهم النقط الاساسيه والفعليه لبدايه القرب إلي الله وتلبيه نداء الله في كل صلاه والتوجه إليه بالدعاء

2- تاني عمل للتقرب الي الله هو النوافل اداء النوافل ده بيقربنا من ربنا ده غير كم الحسنات الي ربنا سبحانه وتعالي هيجزينا بيها وفيه حديث قدسي تناول نقظه التقرب الي الله وانها فعلا بتؤدي إلي حب الله لعبده

فقد قال رسول الله صلى الله عليه وسلم عن رب العالمين في الحديث القدسي الذي يرويه عن ربه إن الله تعالى قالى: (... وما يزال العبد يتقرب إلي بالنوافل حتى أحبه، فإذا أحببته كنت سمعه الذي يسمع به وبصره الذي يبصر به ويده التي يبطش بها ورجله التي يمشي بها، وإن سألني لأعطينه ولئن استعاذني لأعيذنه...) رواه البخاري

3 - ذكر الله والمداومه علي الذكر قال تعالي (ألا بذكر الله تطمئن القلوب) وفوايد الذكر كتيره واهمها انها بتبعدنا عن المعاصي وبتطر الشيطان وبترضي الرحمن وبتزيل الهم والحزن وبتجلب الرزق وبتمحي السيئات

4 - الدعاء وخصوصا في السجود ,, قال رسول الله صلي الله عليه وسلم (اقرب ما يكون العبد إلي ربه وهو ساجد فأكثروا الدعاء في السجود)
الدعاء من اهم العبادات الي فعلا بتريح النفس وفعلا المسلم بيحس باتصال مباشر بينه وبين ربه إذا فعلا اخلص في الطلب والدعاء ودعي بقلب صادق ونفس راضيه ومسلمه لامر الله
ونعمل ايه علشان ربنا سبحانه وتعالى يرضى عنا ؟

نتقرب اليه بالطاعات ونبعد عن المعاصي نبعد عن المباحات بمعني ان فيه اشياء كتير بنعملها في حياتنا مباحه لو زودنا فيها هتؤدي بينا اللامبالاة ,عشان ربنا يرضي عنا زي ما قلت قبل كده نطيعه وعشان نرضي الله نحافظ علي علاقتنا باهالينا ونرضي الوالدين ودي نقطه مهمه جدا وهو بر الوالدين قال تعالي ( وقضي ربك الاتعبدوا الا اياه وبالوالدين احسانا ) في الايه ربنا امرنا بعبداته وبواحدانيته وبعدين بر الوالدين نظرا لمكانتهم عند الله .

اتمنى الاستفادة
احبكم فى الله
مونمون