غريب احساسي بيك

**ملكة القلوب** · 15 - 2 - 2009, 05:40 PM

رغم اني مشفتكش

ورغم اني ملمستش ايديك

لكن حسيت بدفاك فيهم

غريبه عرفت لون عنيك

واناعمري مابصيت ف عنيك

غريبه عرفت احوالك واطباعك

وحتى اهلك واصحابك

واناعمري مااعدت معاك

غريبه عرفت حتى الصور

اللي معلقها على حيطانك

واناعمري مادخلت بيتك

.....

معاك حسيت بأمان غريب

إزاي؟..معرفش

وانا حتى مجربتش ابدا

اني استخبى وراك

غريبه حتى ف بعدك انا حسيتك

حسيتك وكإن مابيني وبينك

يادوب مدة ايدك..

واحنا ما بينا مسافه بعيده

......

يمكن قلبك هو اللي لمسني

او يمكن خوفك عليا مريحني

لكن معرفش غير اني..حسيتك

رغم انه...غريب احساسي بيك

إحساسى بيك خلانى أحس ان القمر مالهوش

مكان وإن الزمن قالى خلاص دوقى الحنان

عايزة أنام فى حزن عينك وأحضنك وأملك

سنينك وانك تاخدنى للسما لأبعد مكان

إحساسى بيك صعب وأكيد يوم أوصفه

أحساس دفا قبل النهاردة ما أعرفه

لو سيبتنى هكتب كلام فوق الكلام

بس الهوى خلانى أقول أربع حروف ..فيهم أنا مالكة الزمان

ب-ح-ب-ك

**خاطر** · 15 - 2 - 2009, 05:43 PM

كلام جميل
تسم اديكى

**No TiMe** · 15 - 2 - 2009, 05:56 PM

بس الهوى خلانى أقول أربع حروف ..فيهم أنا مالكة الزمان

ب-ح-ب-ك

بجد احساس عالي وتسلم الايادي بجد موضوع هايل الي الامام

**الفرعون الصغير** · 15 - 2 - 2009, 09:46 PM

هو الموضوع جامد وكلمات اكثر من رائعة بس انا حاسس انى فى مبالغة كبيرة مخليا طعم الموضع دلع يعنى سكره كتير
سورى ده رايى الشخصى

**Romance Love** · 15 - 2 - 2009, 10:33 PM

بس الهوى خلانى أقول أربع حروف ..فيهم أنا مالكة الزمان

ب-ح-ب-ك

ده من أروع الكلام الذى قرأته
تسلمى حبيبتى على احساسك العالى
ويارب دايما متألقه ومبدعه

**عمروو** · 15 - 2 - 2009, 11:20 PM

الله عليك والله الكلمات فوق الروعه

انا عاجز عن تعبيرى عن قوة الكلمات وروعة معانيها الجميله

فعلا الموضوع ده يستاهل كل الاعضاء تقرائها

تقبل مرورى المتواضع

القلب الكبير