مشكلتى كبيرة ومحتاج حل

[omaro]

انا مشكلتى كبيرة جدا وهى انى معنديش حب يعنى انا مش بحب ومش لاقى الحب خالص تصوروا شاب عمره 25 سنة ومش لاقى الحب الصادق حتى الان بذمتكم مش مشكلة كبيرة تستحق انى اقلكم عليها يمكن القى عندكم حل

[Mr.Mo0ody]

فى البدايه أخى كنت احب انك تحط موضوع فى

للمخنوقين فقط

لأن هناك كلن بنتكلم عن مشاكلنا

لكن
انا شايف ان دى مش مشكله خالص
ربنا مش رايدلك الأرتباط دلوقتى

((عسي ان تكرهوا شئ وهو خير لكم ))

انت ماتعرفش ربنا مخبيلك ايه ؟
أصبر على رزقك

وأحنا بنعيش علشان نحب
مش بنحب علشان نعيش

لا تستعجل

وشكرا ً

[اميرة الجراح]

اولا احب اقولك يا عمر ان دى مش مشكله خالص بس انت عندك فراغ ونفسك تملاه وده حقك بس فكر فى حاجه واحده وهى انك متدورش على الحب الحب هيجيلك لوحدووبعدين ممكن تتجوز جواز عادى تقليدى يعنى وبعد الجواز تعيش احلى قصه حب فى الدنيا وممكن تحب واحده من غير متتجوزها وتجرحلك قلبك ومشاعرك الجميله اللى اتمنيت تحب وساعتها هتكره كل حاجه حواليك وتخسر حاجات كتير انت دلوقتى بتعتز بيها فكر كده وشوف انت عايز ايه
وتقبل مرورى يا قمر

[حنين sss]

فعلا كلامهم صح ولازم الواحد يكون عنده صبــــــــــــــر ومسيرك تلاقى الفتاة اللى تستاهلك
ان شاء الله

[مشمشه العسوله]

اكيد فيوم من الايام هتلاقي الحب اللي هتحس معاه انك اتولدت من جديد ونسيت حتا انك عندك 25 سنة حتحس ساعتها انك اتولدت من جديد والحب ده قبل ما بندور عليه بنلاقيه بس مش نقول عيزين نحب وخلاص لان ده مش هيباه حب وبعدين متقلقش انت مستعجل على ايه

[RoRoO]

يا شيخ يا بختك
بلا وجع دماغ
حب ايه وقرف ايه
خليك كده احسلك

[ابو الليل]

أنا معاك لان مفيش أنسان بيعيش من غير حب

[باسل وحود]

خلااااص بكرة لما أتجوز وربنا يرزقني بعيلة حخليك تحبها وتحبك

[شمس]

يعني ايه يا عمر معندكشي حب المعنى يفرق هنا
لو على السن مش مبرر
والحب لا هو حيجيلك ولا حيقولك أنا جيت يلا تعالى حب الي انت عاوزها
الحب مشاعر وأحاسيس يوم محيخفق قلبك ليها مش حتستأدن منك ولا حتاخد منك ميعاد
الأول شوف انت عاوز ايه
مرة تتكلم عن الحب الصادق ومرة تقول معندكشي حاجة اسمها حب
ده مش مشكلة ولا حتكون مشكلة لأنك ببساطة شديدة لسة مش عارف ايه هو الحب ولا معناه ايه
ولسة مش عارف انت عاوز ايه وزي مقالك مودي الواحد بيعيش عشان يحب مش بيحب عشان يعيش
حتى لو كان رأينا حيريحك أو ممكن يضايقك فده كله في علم الغيب
عش حياتك كما هي والحب حييجي حييجي وكله بأمر الله
ولا تتعب حالك وتعتبرها مشكلة

[عاشقة الرومانسية]

هو انت ليه حاسس عشان عندك 25 سنة ان عدم ارتباطك خليتها مشكله
بص يا عمر لو فضلت تدور على الحب مش هايجى
بجد خلى الحب هو اللى يجى لحد عندك علشان تقدر تدوق طعمه لانك بالشكل ده عند اول كلمة حب هاتعمل العلاقه وهاتكون مبنيه غلط
عيش مراحل الحب خطوة بخطوة وانت تحس اكتر بطعم الحب سيب نفسك وخليها على الله
واللى انت فيه دلوقتى ده مش مشكله
وعسى ان تكرهوا شيئا وهو خير لكم
يارب اكون قدرت اوصلك حاجة