ماذا تكون فى حياة حبيبك؟

[اميرة الجراح]

اكيد كلنا جربنا الحب قبل كده واكيد كنا يوم
ظالمين ويوم مظلومين وكنا يوم جارحين ويوم مجروحين
وكنا يوم قاسيين وكنا يوم منسيين
وكتير اوى عاشقين ومعشوقين
بس استنى واقف مع نفسك شويا واسئل نفسك
انا ايه فى حياة حبيبى
متقولش اكيد كل حاجه
انا هقولك تصرفات واحد بيحب بتبقى ازاى
وتصرفات واحد بيسد فراغ عاطفى بتبقى ازاى
وتصرفات واحد بيعيش لحظه برضوه تبقى ازاى
اولا تصرفات واحد بيحب
هيشوفك اجمل حد فى الدنيا
استحاله يحسسك ان فى حد احسن منك
دايما هتلاقى بين جفونه نظرات احترام واعجاب
دايما هتسمع منو احلى كلام نابع من القلب ومش مصتنع
اكيد هتحس وتلمس ده بمشاعرك
هتلاقى كلمه بحب دى فى كل افعاله
هيخاف عليك وهيغير وممكن يدارى الغيرة دى
بس اكيد هتحسها





تصرفات واحد بقا بيسد فراغ عاطفى

هتلاقى مش بيحب ينفرد بيك
كلامه ليك فى حدود وانت دايما اللى تصالحو حتى لوهو اللى مزعلك
دايما هيقولك مش هقدر ابعد عنك ويحلف بكده
ودايما برضوه يتهرب من ميعاد اللقاء بينكم
دايما هيخلق حجج واعزار ويرجع يبرر لك وانت هتصدق عشان عايز تصدق
دايما هيخليك تشوف نفسك اقل منه وانو احسن منك
وانو فرصه بالنسبالك متحاولش تضيعها
وديما هيهددك بالبعد
لانو متاكد انك صعب تبعد وتغيب
والنوع ده بقا بيبقى كثير الكلام عن المشاعر والحب وباختصار
هتلاقى مكالمه التليفون بينكم بتنحصر فى
بحبك ووحشتنى وبس
وهموت واشوفك دلوقتى وكلام من النوع ده
وبمجرد ميلاقى اللى قلبو يدقله بجد هيتغير معاك ويتلكك لك ع الصغيره قبل الكبيرة ويسيبك
ويجرحك وتعرف انو بيلعب بيك




تصرفات واحد بقا بيعيش اللحظه
ده ممكن يقعد معاك وعقلو فى حد تانى
وهتلاقى ممكن يفوت اسبوع عشر ايام وميسئلش ولما يحب يقضيها يكلمك






فياريت نعرف احنا ايه فى حياة الناس اللى بنحبهم

وشكرا

[حنين sss]

بجد موضوع جميل ولما احب ان شاءالله هجاوبك
شكراااااااااااااااااااااا ا

[اميرة الجراح]

مرسيه ليكى يا حنين

[out of love]

انا الحقيقة لا اعتبر اى شئ فى حياة اللى بحبه لان حبه ليا انتهى
بس هو مازال كل شئ فى حياتى
ميرسى

[اميرة الجراح]

مرسيه لمرورك يا قمر
وان شاء الله تلاقى حد يعوضك حبك اللى ضاع وينسيك ليالى العذاب اللى شفتها

[شمس]

وفيه الحب الصامت الي متبقاش عارف لو هو بيحبك ولا بيقولك أي عبارة تدل على حبه
ده بقا نعمل فيه ايه
مشكوووووووووووووووورة على الطرح

[اميرة الجراح]

مريسيه لمرورك يا قمر
الحب الصامت علاجه المواجهه حتى لو كانت صعبه بس اكيد هيكون لها تأثير فى حياتنا هنعرف نعيش صح بعدها
نورتى التوبيك ياشمس

[مشمشه العسوله]

انا متاكدة اني احلى حاجة فحياة حبيبي لان انا بحسها منه وهو بيقولهالي نظرة عنيه بتقولها قبل ما شفايفه تنطقها واكيد هو كل حاجة فحياتي واغلى حاجة فدنيتي ومقدرش اتخيل حياتي الا بوجوده فيها والحاجات دي بتتحس وبتبان في العيون اكتر حاجة .....

[اميرة الجراح]

ربنا يوفقك يا مشمشه ويتوجلك الحب ده بالزواج السعيد قولى امين يا بنت

[كلمـــــــــــــــــات]

موضوع جميل اوى
فعلا كل واحد لازم يعرف هو ايه ف حياة حبيبه بدل ما النتيجه تبقى مفاجاءه