ايمن نور...........

[احمد التيتى]

بأعتذر يا جماعة على التاخير فى اكمال الموضوع بس بسبب ظروف شغل و كده و ان شاء الله الاعضاء اللى يحبوا يسألوا اى اسئلة ممكن يبداو فى طرح الاسئلة و ان شاء الله ربنا يقدرنى و ارد عليها

[احمد ابراهيم]

مش معنى انك متحيز لشخص ما توضح ايجابياتة بس ومتوضحش سلبياتة
انا رايى انك مش معنى انك متحيز لحزب معين
تعطى لة اكتر من حقة الطبيعى

[احمد التيتى]

مش معنى انك متحيز لشخص ما توضح ايجابياتة بس ومتوضحش سلبياتة
انا رايى انك مش معنى انك متحيز لحزب معين
تعطى لة اكتر من حقة الطبيعى

احمد بيه ابراهيم اولا انا بارحب بيك و باشكرك على اهتمامك بس انا عاوز افهمك حاجه اولا عاوزك تبص لعنوان موضوعى و عنوان الاستفتاء حاتلاقى ان العنوان باسم ايمن نور و قضيته بمعنى ان الهدف من العنوان مش نشر فكر شخص معين او حزب معين لا احنا هنا بنحاول اننا نلقى الضوء على قضية من وسط قضايا كتير لحاجة اسمها المعتقلين السياسيين بس قضية ايمن نور شغلت الرأى العام سواء المصرى او العالمى بغض النظر عن المؤيد او المعارض لفكره او لحزبه بسبب ظروف تاريخية معينة انه كان مرشح لانتخابات رئاسية و كان هو المرشح الوحيد اللى واخد الموضوع جد جدا و فعليا بعد كل عمليات التزوير اللى حصلت مركزه كان التانى فى الترتيب ، و عاوز اقولك على حاجه انا واجهت صعوبة كبيرة فى محاولة الفصل بين قضية ايمن و بين الحزب بمعنى انى القى الضوء بس على الجانب الانسانى فى القضية ايمن كشخص و ليس كرئيس حزب بالرغم من ارتباط القضية بالحزب ، تانى حاجه انت قلت فى ردك انى مش معنى انى متحيز لحزب معين او شخص معين انى اعطى له اكتر من حقه الطبيعى بالرغم من اختلافنا مع بعض التيارات السياسية و دا مؤكد طبعا علشان كده احنا حزب قائم بفكره و ذاته بالرغم من كده كل التيارات تضامنت مع الدكتور ايمن فى مؤتمر التضامن اللى كان فى 5 ديسمبر 2007 بغض النظر عن اختلافنا معاهم فى الرؤية السياسية او الفكر السياسى و بعدين مافيش حد هنا فى وضع مقارنة علشان ابين العيوب و المزايا احنا هنا بنتكلم عن قضية اتظلم فيها شخص ظلم بين وواضح للعيان و اللى بيفكر
مشكور مرة تانية على اهتمامك و اتمنى انى اكون وضحت لك الصورة

[عمر المختار]

ارجو الاجابة عن الاسئله بحياد وارجو ان لا تأخذ علي صراحة الاسئله

1. لماذا لا يوجد ل نور شعبيه في مصر
2. ما هو سر استفسار كوناليزارايس الدائم عن ايمن نور
3. لماذا الان ايمن نور واتباعه يطالبون بالليبراليه بعد ان اعطت اميريكا الضؤ الاخضر للعرب بالمطالبه بالديمقراطيه على طريقتها والمتمثله في الليبراليه
4. هل ايمن نور علماني ام ليبرالي لان هناك فرق شاسع بينهما

[احمد التيتى]

الاخ العزيز عمر المختار ارحب بك مرة اخرى و انتظر ردى على اسئلتك

[احمد التيتى]

1. لماذا لا يوجد ل نور شعبيه في مصر
2. ما هو سر استفسار كوناليزارايس الدائم عن ايمن نور
3. لماذا الان ايمن نور واتباعه يطالبون بالليبراليه بعد ان اعطت اميريكا الضؤ الاخضر للعرب بالمطالبه بالديمقراطيه على طريقتها والمتمثله في الليبراليه
4. هل ايمن نور علماني ام ليبرالي لان هناك فرق شاسع بينهما

اهلا بيك الاستاذ عمر و اجاوب على اسئلتك و مافيش اى مشكلة من اى اسئلة
نبدأ بالسؤال الاول شعبية ايمن نور
البداية ازاى حكمت على شخص ان ليس له شعبية و بعدين لو كان مالهوش شعبية ازاى وصل مرتين لمجلس الشعب و اول مرة و هو عنده 30 سنة و قدامه عميد امن دولة سابق يعنى مش حانقول انه اتزوت له نتيجة الانتخابات ولا هو حزب وطنى ، ثانيا انتخابات الرئاسة هل انت شايف ان حزب وليد عمره حوالى سنتين و رئيسه شاب فى الاربعين من عمره و بعد كل التزوير اللى حصل يطلع التانى فى الترتيب و يتغلب و يسبق حزب عريق زى الوفد اللى موجود من 87 هل انت شايف كده انه مالهوش شعبية (على ما اظن انك من السعودية بالتالى كمان يمكن ان المعلومات اللى بتوصلك اكيد اقل من شخص موجود جوه البلد اللى فيها الحدث).

نيجى للسؤال التانى: كوندليزا رايس و سبب استفسارها:
اولا لازم نكون متفقين على نقطة و هى ان اللى متغطى بالامريكان عريان دا اولا و احب اكد لك حاجه لو ايمن نور رجل امريكا كان زمانه طلع عضب عن عين النظام لان النظام المصرى بيخاف من امريكا بس الموضوع مش اكتر انهم بيستخدموه كورقة ضغط بعبع يعنى للنظام لانهم شايفين انه هدد النظام فعليا فى انتخابات الرئاسة و مازال بيهدده و لعلمك موضوع الامريكان دا اضر بيه جدا و بقضيته بس الامريكان مش اكتر انهم لما بيحسوا ان النظام شم نفسه شوية يقولوا ايمن نور ييجى منفذ مطالبهم على طول يفتحوا قناة السويس للمدمرات الامريكية و يضغطوا على الفلسطنيين و يقفلوا على حماس فى قطاع غزة يعنى زى ماقلت لك الموضوع كله مصالح امريكية ليس لنور دخل بها و هو لا يستطيع انه يعلق على كلام امريكا لانه ماطلبش من الاساس مساعدتها

السؤال التالت:الديموقراطية الامريكية:
اوضح حاجه انت لما بتشوف حاجه كويسة و حاتضيف لك كتير بتعملها ولا لا اكيد اى شخص فينا بيعمل اللى شايفه كويس له خلينا نتكلم بالمنطق اولا ايمن معروف عنه من مجلس الشعب انه نائب معارض و من قبل مجلس الشعب ايام ماكان فى حزب الوفد كان له مواقف كتير تحسب له فى محاولة تغيير الوافع الاسود اللى موجود و بالتالى هوا ما اتحركش لما امريكا اعطت الضوء الاخضر و لا حاجه الكلام دا هو بيحاول يعمله من 95 فى مجلس الشعب و من قبله فى الوفد و بعدين مافيش حاجه اسمها ديموقراطية امريكية ولا اسرائيلية ولا يهودية و لا ملحده انا اعرف نظام كويس ناجح احاول اطبقه حاليا اسرائيل اللى بنتهمها بالعنصرية اكتر ديموقراطية من كل الدول العربية بلا استثناء يمكن موريتانيا كسرت القاعده دى و المغرب على الابواب بس شوف اسرائيل رئيس وزراء ييجى يعمل حاجه غلط يقولوا له فى اول انتخابات اقعد فى بيتكم و يحاسبوه مين بيعمل كده فى اى دولة عربية اتحداك ان وزير يستقيل علشان اى غلط حصل فى وزراته او اى كارثة يعنى ملخص كلامى موضوع اننا نقول ديموقراطية امريكية و اسرائيلية و نسميها بمسميات نخوف بيها الناس و نكره فيها الناس دا مش اكتر من تشنيع من الانظمة الحاكمة اللى عاوزة تكبس على انفاس شعوبها و لما تحس ان فيه واحد ممكن يهددها تقول عليه عميل امريكانى و ديموقراطية امريكانى

السؤال الرابع بالنسبة للعلمانية و الليبرالية بص ياسيدى ايمن ليبرالى و فى نفس الوقت علمانى بمعنى علمانية جزئية بتطبق قوانينها على الامور الاقتصادية و السياسية و ليست علمانية تلغى او تتدخل فى الامور الدينية بالتالى احنا مش زى النظام العلمانى التركى ولا الفرنسى احنا بنطبق فعليا المقولة اللى بتقول الدين لله و الوطن للجميع

مشكور على اسئلتك و اتمنى انى اكون اوفيت باجابات توضح بعض الحقائق

[طيف عابر]

اشكرك جدا احمد على المتابعه للموضوع والاجابات الشاملة جدا

اتمنى ان يستفيد منها المهتمون بكل ما يخص د. ايمن نور

[احمد التيتى]

مشكورة طيف على مساعدتك لانجاح الموضوع بداية من طرحه اولا ثم متابعتك له و انا بانتظار مشاركة الاستاذ احمد محمود ميلاد (رئيس لجنة الغد بالبحيرة) و هى خاصة بملابسات القضية و الحكم فيها و بعدها ان شاء الله حابدا نشر اهم المقالات و البيانات اللى صدرت من المنظمات المصرية و الدولية لحقوق الانسان اللى بتنتقد الحكم على نور و بعض المقالات فى الصحف الامريكية و المصرية

[أحمد محمود ميلاد]

اذا لابد أن نحلل جيدا ما حدث في محاكمة د / ايمن نور لنتفهم ورقة التوت التى يضعها البعض ليرمي نور بما ليس فيه....و حقيقة الأمر أن هناك الكثير ممن أختلفوا مع نور فكريا أو شخصيا لم يجمعوا على شيئ مثلما اجمعوا على أن نور تمت محاكمته سياسيا و بغض النظر عن صحة الوقائع أو عدم صحتها فانه يجب النظر بعين موضوعيه لمجرى الأحداث و محاولة فهم المجرى الغريب للقضيه من الشق القانوني...
و طبعا لن ندخل في خضم الجدل القانوني و الذي يحتاج ألى متخصصين لفهم التجاوزات القانونيه فيما حدث و أن هناك ترتيب مقصود للأحداث لتنتهي ألى هذه النهايه......
كل ما سنطرحه هنا هو أمور موثقه من قبل العديد من منظمات المجتمع المدني و بالتالي فنحن قد أبتعدنا عن كل مالم يثبت بدليل أو برهان
أولا -- القاضي الذي أصدر الحكم
------------------------------------
المستشار عادل عبد السلام جمعه
-----------------------------------
مع كامل الأحترام لقضاء مصر النزيه فان هذا القاضي تتهمه منظمات حقوق الأنسان بأنه متخصص في اصدار أحكام لصالح الحكومه مثل -- تأييد التحفظ على أموال الأخوان في القضية الأخيره للأسير خيرت الشاطر -- الحكم ضد صحفي جريدة الشعب -- الحكم ضد صحفي المصري اليوم -- الحكم ضد سعد الدين ابراهيم
http://www.egyptwindow.net/modules.php?name=News&file=article&sid=4626
http://www.karabeeg.com/news/news/4678.html
http://emenem.tigblog.org/post/194753?setlangcookie=true
و قد نقلت جريدة الشعب و بعض الصحف مثل الدستور و المصري اليوم أنه متهم في بلاغ رشوه
قاض حكم بحبس مشاهير المعارضة في مصر يواجه تهما بالرشوة
واجه مستشار مصري شهير تهما بأنه تلقى رشوة أثناء نظره قضية سب وقذف رفعها نائب رئيس الحكومة ووزير الزراعة السابق د. يوسف والي، انتهت بإدانة وحبس صحفيين مصريين وإغلاق الصحيفة التي كانوا يعملون فيها قبل سبعة أعوام.

وكان المستشار عادل عبدالسلام جمعة هو القاضي الذي أصدر أحكاما في قضايا شهيرة وأثارت جدلا محليا وخارجيا، مثل حبس الناشط الحقوقي د. سعد الدين ابراهيم، ورئيس حزب الغد د. أيمن نور الذي حل ثانيا بعد الرئيس حسني مبارك في أول انتخابات مباشرة لاختيار رئيس الجمهورية العام 2005 كما رفض مؤخرا طلبا باخلاء سبيله لأسباب صحية، والحكم بحبس الصحفي أحمد عز الدين، وصحفيين اثنين بجريدة المصري اليوم، وأيد التحفظ على أموال قيادات اخوانية كبيرة.
وقال مجدي حسين الأمين العام لحزب العمل، المجمد منذ عدة سنوات" إن الحزب تقدم ببلاغ إلى مكتب النائب العام ظهر الثلاثاء، لاعادة التحقيق في القضية التي نال فيها حكما بالحبس عامين عندما كان رئيسا لتحرير جريدة "الشعب" لسان حال الحزب ورئيس لجنة الحريات بنقابة الصحفيين، بالاضافة إلى زميله صلاح بديوي الصحفي بالجريدة، وعاما واحدا لرسام الكاركتير عصام حنفي، بالاضافة إلى الغرامة المالية لكل منهم، ولأمين عام الحزب السابق عادل حسين 20 ألف جنيه.

وأضاف حسين لـ"العربية.نت" إنه تم الاستناد إلى اعتراف أحمد عبدالفتاح المستشار القانوني لوزير الزراعة الأسبق في البلاغ الذي قدمه إلى النائب العام بأنه كان وسيطا للوزير من أجل رشوة المستشار عادل عبدالسلام جمعة رئيس محكمة جنايات القاهرة، في سبيل اصدار حكم بحبس هؤلاء الصحفيين.

أحكام مثيرة للجدل

وأوضح مجدي أحمد حسين أننا نريد إنهاء مهزلة اغلاق جريدة الشعب وعودتها إلى الصدور، وتبرئة ساحتنا من الاتهامات التي غيبتنا خلف أسوار السجن، على خلفية اعترافات مستشار الوزير.

وحوكم عبدالفتاح مؤخرا بواسطة القاضي نفسه بالسجن عشر سنوات في قضايا فساد. واتهم البلاغ الذي تقدم به محاميه أمير سالم، رئيس هيئة الرقابة الإدارية الأسبق هتلر طنطازي بابتزازه من أجل الحصول على رشوة تقدر بتسعين ألف جنيه نظير غض النظر عن تسجيلات يملكها حول وساطته بين والي والقاضي في موضوع الرشوة.

تسجيلات الرشوة

وأوضح سالم للنائب العام نيابة عن موكله أحمد عبدالفتاح، أن "طنطاوي استغل نفوذه كرئيس لهيئة الرقابة الادارية وسجل لموكله اتصالات مع جمعة رئيس الدائرة القضائية التي كان يمثل أمامها هؤلاء الصحفيين من أجل رشوته لحبسهم وتقديم تسهيلات له تتعلق بجمعية الأمل لاستصلاح الأراضي، والتي منح وزير الزراعة فيها العشرات من الأفدنة للقاضي، وأن عبدالفتاح فوجئ بطنطاوي يبتزه بعد ذلك بتلك التسجيلات، ويطلب منه رشوة تقدر بتسعين ألف جنيه، حصل عليها بالفعل". حسبما ورد في البلاغ.

وقال مجدي حسين لـ"العربية.نت" إنه بدأ بالفعل في "استئناف طنطا" الاستماع إلى أقوال مستشار وزير الزراعة بخصوص ما جاء في بلاغه، حيث ينفذ هناك سنوات حبسه بعد أن رفض النقض الذي تقدم به مؤخرا، ومنع محاميه من حضور التحقيقات.

وأضاف أن عبدالفتاح كان مستشارا ليوسف والي لمدة 17 عاما في الشؤون القانونية، ورئيس هيئة التنمية الزراعية، وقبض عليه أيضا في قضية رشوة لتسجيل أراض على طريق الاسكندرية الصحراوي لصالح أحد رجال الأعمال.

وتابع مجدي حسين: تم أخذ أقوال عبدالفتاح في "استئناف طنطا" بينما يحتاج التحقيق مع جمعة إلى رفع الحصانة القضائية عنه، بعد اجراءات يتخذها مجلس القضاء الأعلى.

ويرى حسين أن ذلك ليس مستبعدا، لأن المحاكم شهدت قبل ذلك قضايا رشوة قضاة، وكان معنا بعض منهم في السجن محبوسين على ذمة ذلك، لكن لن يتم شيء بخصوص القاضي عادل عبدالسلام جمعة إلا إذا وجدوا جدية في بلاغ مستشار وزير الزراعة حسب ما سيترتب على التحقيقات التي تجري معه حاليا.

نقلا عن موقع قناة العربية
http://www.alarabiya.net/articles/2007/08/28/38418.html
كل ما سبق و غيره منقول عن الجرائد و مواقع الأنترنت
و نذكر بقول شيخ القضاه المستشار الخضيري بأن هناك قضاء موازي للقضاء المصري يتم عرض قضايا معينه عليه لتخرج الأحكام طبقا لما تريده الحكومه و نادى المستشار بتنقية صفوف القضاه من هؤلاء- طبقا لوجهه نظره-
كما أن هناك نظام تلقائي لتحديد القاضي الذي ينظر النزاع بحيث تختص كل دائرة بأرقام محدده يتقدم المحامي الى الجدول ليقيد دعواه فيمنح رقم تلقائي طبقا لترتيب التقدم دون تدخل من أحد و بذلك تضمن العداله الأختيار العشوائي للقاضي و هذا ما لم يحدث هنا....؟؟؟؟

هذه هي الحلقة الأولي و الخاصة بما يتردد حول القاضي و سنستكمل أن شاء الله في مرات آخرى باقي الموضوعات و غيره

[عمر المختار]

وانا اتابع معكم ان شاء الله للنهايه ثم نتناقش عن بعض النقاط
جزاكم الله خيرا