شاهد شاف كل حاجة

[m.chezoo]

شاهد شاف كل حاجة


هل فى مجرم فى العالم يفكر يسرق محفظة ظابط شرطه وهو واقف وسط مجموعه ظباط وجنود ؟؟؟!!!

هل يجرؤ قاتل أن يقتل مذيع وهو يذيع الأخبار على الهواء مباشرة ؟؟؟!!!

هل يجرؤ أحد أن يعمل جريمة فى مكان مراقب بكاميرات مراقبة ؟؟؟!!!

ليه ياترى محدش يقدر يعمل كده ... السبب بيسط جدا ... لأنه عارف إنه متراقب وإنه بسهولة جدا هيتقبض عليه ويعاقب على إللى عمله ...

طيب ... معنى كده إن وجود رقابة عليك ... بتمنعك من إرتكاب أى جريمة ....

طيب لو إللى عمل الجريمة عملها وهو مش عارف إنه متراقب ... ياترى هيكون أد إيه شعوره بالندم بعد مايتمسك ... ويشوف صورته من كاميرات المراقبة وهو بيعمل الجريمة دى وهو مش قادر ينكر أو يقول أنا معملتش حاجه ...

ولو كان عارف إنه متراقب ... أد إيه هيكون تأنيبه لنفسه بعد ما يتمسك ... بعد ما عمل الجريمة وهو بيقول لنفسه ... ما إنتا كنت عارف انك هتتمسك وكنت عارف إنك متراقب ... ليه عملت الجريمة دى؟؟؟

فمابالك لو كانت الرقابة مش رقابة من كاميرا ... لا ده كانت الرقابة أشد شويه ...

ده كان فى كاميرات مراقبة ... وكمان اتنين بيراقبوا مراقبة لصيقة ... وكمان أداة الجريمة نفسها كان فيها تسجيل للأحداث صوت وصورة ...

ده بقى لا يمكن أى عاقل يعمل الجريمة تخت المراقبة دى ...

طب ... لو حد كان تحت المراقبة دى ... وبيعمل جرائم برده تقول عليه إيه ؟؟؟ ...

تقول إيه لو كنت أنا وأنت إللى بنعمله كده ... أهو إحنا بنعمل كده فى كل مره بنعصى فيها ربنا ... ياترى مش يبقى الأمر محتاج وقفة للتفكير ...

أفهمك ... إنت عارف إن ربنا رقيب عليك ولا لاء ... وإن كل حركة هتعملها ربنا يعلمها ولا لاء ...

أنت مش عارف إن ربنا خلق ملكين ملك يمينك وملك عن شمالك بيكتبوا كل حاجه بنعملها سواء كانت خير يكتبها ملك اليمين أو شر يكتبها ملك الشمال ...

إنت مش عارف إن عينيك وأذنك ولسانك وإيدك ورجلك ... بل وجلدك كمان ... كل دول شهود عليك يوم القيامة وهيعترفوا بكل ذنب عملته ...

{وَمَا كُنتُمْ تَسْتَتِرُونَ أَنْ يَشْهَدَ عَلَيْكُمْ سَمْعُكُمْ وَلَا أَبْصَارُكُمْ وَلَا جُلُودُكُمْ وَلَكِن ظَنَنتُمْ أَنَّ اللَّهَ لَا يَعْلَمُ كَثِيراً مِّمَّا تَعْمَلُونَ }فصلت22

لكن حتى الأمنية دى مش هتتحقق ...خلاص كل حاجه إنتهت:

{قَالَ الَّذِينَ اسْتَكْبَرُوا إِنَّا كُلٌّ فِيهَا إِنَّ اللَّهَ قَدْ حَكَمَ بَيْنَ الْعِبَادِ }غافر48

كان أمامهم فرصة فى الدنيا ... كان أمامهم عمر طويل 50-60 سنة ... لكن ضيعوا عمرهم فى لذات وشهوات ... ولم يتبقى لهم إلا الندم والبكاء والعبرات ...

خلى بالــــــــــك ...

ممكن دى تكون فرصتك الأخيرة فى التوبة ... ممكن تكون اللحظة دى أخر لحظات حياتك ... أوعى تقول بعدين ... أوعى تقول لسه أمامى عمر طويل ... أوعى تأجل توبتك لحظة واحدة ... فمهما طالت حياتك فأخرتها الموت : {كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ }العنكبوت57

ومهما كانت ذنوبك وتبت ربنا هيغفرهالك كلهعا : {قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ }الزمر53

فى الحديث القدسى قال الله تعالى : ( يا ابن آدم ! إنك مادعوتنى ورجوتنى غفرت لك على ما كان منك ولا أبالى يا ابن آدم ! لو بلغت ذنوبك عنان السماء ثم استغفرتنى غفرت لك ولا أبالى يا ابن آدم ! لو أنك أتيتنى بقراب الأرض خطايا ثم لقيتنى لاتشرك بى شيئا لأتيتك بقرابها مغفرة )

كمان لو رجعت دلوقتى ممكن ربنا يخلى كل الذنوب إلى عملتها حسنات : {إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً }الفرقان70

قبل ما أنهى كلامى أفكرك إن نهايتنا فى الدنيا كلنا الموت وبعدها ... إما للجنة ... وإما للنار ...

وصدقنى متستحملهاش ....

{وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً( 27) يُرِيدُ اللّهُ أَن يُخَفِّفَ عَنكُمْ وَخُلِقَ الإِنسَانُ ضَعِيفاً }28 النساء

[MR.Mahmoud]

فعلا يا مصطفى الانسان بيخاف من رقابة البشر وبنسى رقابة الخالق
ربنا يهدينا جميعا الى الطريق الصواب
الف شكر مصطفى على الموضوع الجميل والمميز كما عودتنا
تسلم ايدك
دمت بكل خير وود واحترام

[m.chezoo]

فعلا يا مصطفى الانسان بيخاف من رقابة البشر وبنسى رقابة الخالق
ربنا يهدينا جميعا الى الطريق الصواب
الف شكر مصطفى على الموضوع الجميل والمميز كما عودتنا
تسلم ايدك
دمت بكل خير وود واحترام

بارك الله فيك اخى العزيز
ودام الود والكلام الطيب

[القطه الرومانسيه]

الاونه الاخيره ديه ياشيزو بقى الكل بيفكر ف كل همه ف دنيته لكن الاخره عمره ماهيفكر فيها الا اذا كان ف موقف صعب واحتاج لربنا وقتها..او ممكن يقول لسه العمر قدام بكره اتوب ان شاء الله
يعني بجد ولا هايفكر ف اخرته الا بعد مايفوت الاوان..
بس هانقول ايه غير ان ربنا يهدينا ويهدي الكل ويرحمنا برحمته ان شاءالله..
بجد موضوع جميل ومميز ورااائع جداااااااا
تسلم يامصطفى
تقبل مروري

[طيف عابر]

ممكن دى تكون فرصتك الأخيرة فى التوبة ... ممكن تكون اللحظة دى أخر لحظات حياتك ... أوعى تقول بعدين ... أوعى تقول لسه أمامى عمر طويل ... أوعى تأجل توبتك لحظة واحدة ... فمهما طالت حياتك فأخرتها الموت : {كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ }العنكبوت

بالفعل مصطفى ممكن من اكثر المواضيع افادة
للتذكير الذي نحتاجه دوماً
مسكين الانسان يلهث وراء دنيا فانية تنتظر ان يغادر لتستقبل غيره فتغريه بلذتها الانية

تسلم الايادي
بالفعل روعة

[همسة ولاء]

اللهم احسن خاتمتنا

بارك الله فيك مصطفى على الطرح المميز

[شمس]

ومش كدا وبس يا مصطفى فيه ناس وقعت في الغلط وعرفت انه غلط واستغفرت من خالقها
ومع دلك رجعت لنفس الغلط من ثاني
الدنيا مسيطرة علينا بشكل رهيب ناسيين دنية الخلد الي مستنيانا
عارفين ومؤمنين بأن ربنا هو راقبنا وناظرنا وشاهدنا
لكن للأسف .................
ربنا يهدينا ويحسن خاتمتنا
موضوع مميز بارك الله فيك

[Mr.Mo0ody]

واللهم احسن خاتمتنا

دمت متألق

[أسوو]

{وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً( 27) يُرِيدُ اللّهُ أَن يُخَفِّفَ عَنكُمْ وَخُلِقَ الإِنسَانُ ضَعِيفاً }28 النساء

(( وتزودوا فإن خير الزاد التقوى ))
وربنا يهدينا جميعا لصراطه المستقيم فى الدنيا والآخرة
ويجمعنا فيها على طاعته
وفى الاخرة على نعيم جنته
اللهم آآآميييين
بارك الله فيك
موضوع اكثر من رائع

[ساندرا]

جزاك الله خيرا اخى شيزوو وبارك الله فيك