يوميات طارق كوميديا

**رزان** · 11 - 6 - 2009, 12:10 PM

الحلقه الثامنه عشر
----------------------
بمجرد أن فتحت الأم الباب حتى ارتمى (وائل) بين ذراعيها يبكى ، فشعرت الأم بانزعاج شديد و انقبض صدرها
الأم : إيه يا (وائل) .... مالك يا حبيبى؟

وائل : ضربونى يا ماما و قلعونى هدومى

الأم : يا لهوى إلحقنى يا (عبده) .... إلحقنى يا (كرم

يهرع إليها زوجها و أخيها من حجرة المعيشة فيجدان وائل و قد ارتمى فى حضن أمه يبكى
فأخذه خاله تحت ذراعه و سار به إلى حجرته و وراءه أبواه و أجلسه على سريره و قد انتبه أن (وائل) يرتدى فانلة داخلية ممزقة
و بنطلون بيجامة و قد بان أن صدره مكتوب عليه شيء بقلم أصفر فسفورى

الأب : إيه اللى حصل يا (وائل

)

وائل : (من بين دموعه) مشجعين الإسماعيلى متعصبين قوى يا بابا

الأب: ضربوك فى الاستاد ... مش كده ؟

وائل : عجنونى يا بابا ... و قلعونى هدومى ... و أخدوا فلوسى و بطاقتى .... و خلونى آجى من الاسماعيلية على عربية خضار ، و صعبت على السواق راح ملبسنى بنطلون بيجامة بتاعه

الأم : يا حبيبى يا بنى ... كان إيه جبرك على ده كله ؟

كرم : و إيه اللى مكتوب على صدرك ده ؟

وائل : كتبولى بقلم لونه ما بيرحش : أنا بحب الإسماعيلى

الأب : (ثائراً ) مقلتلهومش إنت ابن مين ؟

وائل : هو أنا لحقت أقول حاجة يا بابا

الأب : (بغضب ) تعرف شكلهم كويس؟ .... يعنى لو جيت معاك تقدر تتعرف عليهم؟

وائل : ليه يا بابا ؟ ... دول عالم شرانية

الأب : ( ما زال ثائراً ) هو انت فاكر إنى حاسيب اللى حصلك ده يعدى على خير ؟ ... دا أنا حاجيب عاليها واطيها
نظرت الأم إلى الأب نظرة خاصة و كأنها تذكره بشنبه الذى ضاع بحركة تهور سابقة

...

فاستدرك سريعاً و كأنه [يلم الدور ] على رأى أولاده
الأب: إحم .... طيب قوم انت يا (وائل) خدلك حمام و بعدين نبقى نشوف الموضوع ده

وائل : حد اتصل بيه ؟

الأم : صاحبك (جورج) اتصل بيك ثلاث مرات

كرم : ( بانزعاج ) جورج ؟ ... إنت ليك صاحب إسمه (جورج) ؟

وائل : آه ... بس طلع ندل ... سابنى و جرى

يهز (كرم) رأسه فى أسف ، ثم يخرج هو و (عبده) إلى جحرة المعيشة و يتركان (وائل) و أمه تعد له ملابسه
يجلس (كرم) قبالة (عبده) صامتاً ، يشربان الشاى الذى أوشك أن يبرد
يسمعان جرس الباب ، فتهرع الأم إلى إلى الباب و هى تقول :
الأم : ده (طارق) ... ده معاده

تفتح الباب فيرتمى طارق بين ذراعيها يبكى
الأم : إيه يا (طارق) .... مالك يا حبيبى؟

طارق : (يبكى ) اترفدت من الشغل يا ماما

الأم : يا لهوى إلحقنى يا (عبده) .... إلحقنى يا (كرم )
يهرع إليها زوجها و أخيها و (وائل) من حجرة المعيشة فيجدون (طارق) و قد ارتمى فى حضن أمه يبكى
يدخلون به إلى حجرته و يجلسونه على السرير و قد ارتفع نشيجه و الأم بجواره تربت على كتفه و تبكى
الأب : فيه إيه يا (طارق) ؟

طارق : رفدونى من الشغل يا بابا

كرم : ليه يا (طارق) ؟

طارق : عشان فيه عربية اتسرقت منى

شعر الأب بالخطر فانتفض و قال

:

الأب : عربية إيه اللى اتسرقت ياد ؟

طارق : متخافش يابابا ما إحنا لقيناها تانى الحمد لله

ثم بدأ يحكى لهم على كل شيء

طارق : .......... و لما رجع الحاج (فوزى) من القسم قال لى : مش عاوز أشوف وشك هنا تانى

الأب : ما هو انت غلطان برضه يا (طارق

الأم : خلاص يا خويا هو فى إيه و لا فى إيه؟ .... كفاية الخضة اللى اتخضها

كرم : قوم يا طارق غير هدومك و تعالى عشان نتعشى

يتركون (طارق) فى غرفته ، و يدخل (وائل) الحمام و تدخل الأم المطبخ لتعد العشاء و يدخل (كرم) و (عبده) حجرة المعيشة و يجلسان فيها ساهمين ، و بعد طول صمت يتكلم (كرم

كرم : و بعدين يا (عبدو) ؟

عبده : آديك شايف يا (كرم) العيال مش نافعين فى حاجة ... لا فى تعليم و لا فى شغل و لا حاجة خالص

كرم : و حتسيبهم كده لحد ما يضيعوا خالص ؟

عبده : طيب قولى أعمل إيه

كرم : لازم تشوف حل ... دول ملزومين منك ... كلكم راعٍ و كلكم مسئول عن رعيته

عبده : دبرنى يا خويا ... أنا من إيدك دى لإيدك دى .... مبخليش فى جهدى جهد ... اللى عاوزينه باعمله على قد ما أقدر ... عاوزين موبايل يا بابا ...حاضر ... عاوزين دش يا بابا ... حاضر ... عاوزين هدوم يا بابا .. حاضر ... عاوزين فلوس يا بابا ... حاضر .. عمرى ما اتأخرت عنهم فى حاجة .... مش عارف أعمل إيه بس

كرم : يا (عبده) مش كل حاجة فلوس و طلبات تتقضى ... لازم يكون فيه شوية جد و حسم

عبده : إزاى ؟

كرم : الشاعر بيقولك : و من يك حازماً فليقس أحياناً على من يرحم

عبده : يعنى أضربهم و هم فى السن ده ؟

كرم : لأ طبعاً أنا ما أقصدش كده

عبده : أمال إيه ؟

كرم : يا عبده الموضوع أكبر من كده بكتير ... أكبر من الضرب و أكبر من إنك تمنع عنهم المصروف .... دول خلاص كبروا ... عاوزين طريقة تانية فى التعامل و التربية

عبده : يعنى إزاى برضه ؟

كرم : يعنى إحنا بنجرب كل حاجة ... إيه المشكلة لو جربنا الدين ؟

عبده : الدين ؟! .... هو إحنا كفره و لا إيه يا ( كرم) ؟

كرم : يا أخى أنا مقولتش كده ... أنا أقصد إن إحنا نقرب الولاد من ربنا .... نحببهم فيه و نخوفهم منه

.

عبده : إزاى ؟

كرم : (متبرماً) هو كل حاجة إزاى يا عبده ؟

عبده : يا عم إنت قارى و عارف الحاجات أكتر منى ... رسينى ... أنا خلاص تعبت

كرم : يعنى الأولاد و هم صغيرين ممكن يتوجهوا و يتربوا بالزعيق بالضرب لو لزم الأمر بالحرمان من المصروف ، إنما لما يكبروا بيبقى فى طريقة تانية إسمها القدوة ... لازم يكون فيه شخص قدام عينيهم يكون قدوة ليهم يقلدوه و يحبوا يكونوا زيه ... و القدوة دى لازم تبقى الأب

عبده : طيب ما أنا أهه ... قدوة و زى الفل ... إنت شايف حاجة تانية ؟

كرم : ( يبتسم رغماً عنه ) طبعاً يا عبده إنت كويس و طيب و بن حلال .... بس محتاج تتعرف على طرق التربية السليمة

عبده : يا عم طرق إيه و متاهات إيه .... إحنا اتربينا بالعصاية ... أنا لحد ما اتجوزت مكنتش أقدر أشرب سيجارة قدام أبويا ... لحد ما مات الله يرحمه ... الفاتحه له

ثم رفع كفيه أمام وجهه و أغمض عينيه فى خشوع و بدأ فى قراءة الفاتحة بتلك الطريقة السريعة ثم مسح وجه بيديه و رفع صوته و قال

:

عبده : و لا الضالين آمين

ثم فتح عينه فوجد (كرم) يبتسم و لم يقرأ شيئاً

عبده : ( بعتاب ) إيه يا (كرم) ... بقولك الفاتحة على روح أبويا متقرهاش ؟

كرم : ( يبتسم ) فاتحة إيه بس يا (عبده) ؟ ... مفيش حاجة اسمها الكلام ده

عبده : ( متعجباً) الله الله ... إنت بتقول إيه يا (كرم) ؟ .... مفيش حاجة اسمها الفاتحة ؟ أقوم أجيبلك المصحف تشوفها

كرم يضحك ) لأ يا أخى طبعاً فيه سورة اسمها (الفاتحة) دى أعظم سورة فى القرآن ... إنما مش عشان نقراها على الميتين

عبده : إزاى بقى ... الدنيا كلها بتقرا الفاتحة فى الأفراح و فى المياتم ... ده حتى الشيخ بتاع الراديو بعد قرآن الفجر بيقول : إلى سيدتنا صاحبة هذا المقام العظيم الفاتحة

كرم : (يبتسم و يتنهد ) بص يا عبده ... مش ممكن الإنسان يفضل طول عمره مؤمن بحاجة و فاهمها بطريقة معينة و ييجى فى وقت يكتشف إنه كان غلط أو إنه فاهمها غلط ؟

عبده : آه فعلاً ... أنا كنت فاكر ( فرغلى ) زميلى فى الشغل وصاحبى من عشرين سنة ، و كلنا مع بعض عيش و ملح ، كنت فاكره جدع أتاريه نتن و ندل ... ادانى إسفين عند المدير طلع من نافوخى

كرم : ( يضحك) ماشى ... حاجة زى كده .... إيه بقى المانع إن يكون بعض الحاجات اللى إنت فاهم إنها صح تتطلع غلط ... و منها موضوع الفاتحة دى على الفاضى و على المليان

عبده : بس القرآن حلو برضه يا (كرم

كرم : ( ينفجر فى الضحك حتى تدمع عيناه) و حد قال إنه وحش ... إحنا بس عاوزين نفهم صح

عبده : نفهم إزاى يعنى ؟

كرم : مش الفاتحة دى سورة من القرآن ؟

عبده : آه

كرم : و القرآن كله حلو مش كده ؟

عبده :آه أمال ليه

كرم : ينفع يا (عبدو) تقرا الفاتحة بدل التحيات و إنت بتصلى ... أو تقرا الفاتحة و إنت راكع أو ساجد

عبده : لأ .. مينعفش

كرم : الله ينور عليك .... كل حاجة و ليها حاجة .... و إحنا بنعملش حاجة فى الدين بمزاجنا ... لازم يكون لينا فيها إذن

عبده : إذن من مين ؟

كرم : إذن من النبى صلى الله عليه و سلم ...مفيش غيره

...

عبده : يعنى النبى مكانش بيقرا الفاتحة على روح أبوه و أمه

كرم : (يضحك من جهل بن عمه ) صلى الله عليه و سلم ....لأ طبعاً ... بس علمنا إن فيه حاجات تانية نعملها ليهم بعد وفاتهم

عبده : حاجات زى إيه ؟

كرم : إن إحنا ندعيلهم ... دى أحسن حاجة نعملها ليهم

عبده : استنى ... أنا كنت سمعت إن إحنا ممكن نقرا قرآن و نوهبه ليهم ... دا أنا كنت بجيب فقها يعملوا ختمة فى السنوية بتاعة أمى و أبويا و أوهب القراية ليهم

كرم : لأ طبعاً ... كل ده كلام فارغ

عبده : بصراحة يا (كرم) أنا لما بقعد معاك باتعقد ... باحس إنى حمار

كرم : العفو يا (عبده) .. إنت أخويا الكبير ...و أنا باتعلم منك حاجات كتير ... بس انت محتاج تقرا شوية فى الدين

عبده : قال بعد أما شاب ودوه الكتاب

كرم : العلم ملوش كبير يا عبده ... لازم تتعلم حتى عشان خاطر عيالك

عبده : و الله باين عندك حق يا (كرم

كرم : نرجع تانى لموضوع العيال ... كنت بقولك إن السن ده بيتعلم بالقدوة ... يعنى لازم يكون الأب قدوة لأولاده ... يشوفوك بتقرا قرآن كتير فى البيت ... يشوفوك بتصلى فى الجامع ... يشوفوك محافظ على صلاة الفجر .... يشوفوك بتتصدق .... مش يشوفوك بتشرب سجاير .. و قاعد طول النهار قدام التليفزيون ؟

عبده : ربنا يهدينا يا (كرم

كرم : ربنا حيهدينا إن شاء الله إن شافنا أهل للهداية ... يعنى لازم نقدم خطوة الأول

عبده : إن شاء الله يا (كرم) ... فيه أخ فاضل عندنا فى الشغل كان دعانى كذا مرة إنى أروح معاه جلسة بيعملها فى بيته كده و أنا كنت باعتذر ... إن شاء الله حابقى أروح

كرم : كويس ... روح... أكيد حتستفيد

عبده : إن شاء الله ... ربنا يسهل

تدخل الأم فى هذه اللحظة معلنة أن العشاء قد تم إعداده فينهضون حيث السفرة و يتخذ كل منهم مكانه
و تدخل الأم إلى حجرة (طارق) لتناديه
و ينتظر (كرم) اكتمال الأسرة ليبدأ الأكل معهم و لكن (عبده) يبدأ على الفور ، فرؤية الطعام تنسيه كل شيء ، و ينظر إليه (كرم) و يبتسم

كرم : إيه يا (عبده) إنت كنت صايم و لاَّ إيه ؟

عبده : (يبتسم) معلش أصل عصافير بطنى بتنهق

كرم : دى مش عصافير يا (عبده) ... دى حدايات

عبده : ( يضحك) فعلاً اللى قال الجوع كافر كان عنده حق

كرم : جوع إيه يا (عبده) إنت عامل زى ما تكون مكلتش من أسبوع

عبده : أصلى من ساعة الغدا محطتش حاجى فى بقى

كرم : يا (عبده) إنت لسة متغدى من ساعتين ... متفتريش على معدتك

عبده : ( يربت على كرشه) متخافش ... حديد

كرم : بس الحديد بيصدى برضه ... إنت مش بتشتكى من الحموضة

عبده : آه و الله ... دى لما بتقفش فى صدرى بتبهدلنى

كرم : ما هو من الزيت و السمنة الى عمال تحشرهم فيها

عبده : سمنة ؟... دا أنا كنت زمان لما أمى الله يرحمها تسيح السمنة كنت باخد كباية و اشربها زى العصير

كرم : ( يتقلص وجه كرم ) يا ستير يارب

عبده : بتقول يا إيه ؟

كرم : بقول : يا ستير

عبده : إيه يا ستير دى ؟ يعنى يا ساتر ؟

كرم : لأ مفيش حاجة إسمها يا ساتر ... ساتر يعنى سد ... و مش من أسماء ربنا ... ما ينفعش نقوله

عبده : يا عم الدين يسر .....متحبكهاش كده

كرم : ( يبتسم ) لأ مش بحبكها ... إنت ينفع حد يناديلك بإسم غير إسمك ؟

عبده : لأ

كرم : برضه ... مينفعش نسمى ربنا بإسم غير إسمه .... إسمه ستير .. مش ساتر

عبده : أفادكم الله ... يلا كل

كرم : لأ أنا حاستنى الجماعة

عبده : و أنا برضه حاستناهم ... بس و أنا باكل

يضحكان ، و تخرج الأم وحدها من الحجرة و الأسف ظاهر على وجهها

كرم : فى إيه يا (فتحية) ؟

الأم : معلش يا (كرم) حاتعبك ... (طارق) مش عاوز ييجى ياكل معانا ... قوم كلمه

كرم : سبحان الله .... ليه بس ؟

الأم : من ساعة ما جه و هو قاعد لوحده فى الضلمة ... قوم كلمه الله يخليك

حاضر
ينهض و يدخل حجرة (طارق) فيجده جالساً على مكتبه فى الظلام و قد عقد يديه و أراح عليهما جبينه ، فأضاء النور ووقف على الباب ينظر إلى (طارق) و يبتسم ابتسامه رقيقة ، و رفع (طارق) عينيه إلى خاله فابتسم ابتسامه باهتة و نهض و هو يقول

:

طارق : تعالى يا خال... اتفضل

كرم : لأ مش حاجى ... مش عيب أول يوم آبات فيه عندكم تسيبنى أتعشى لوحدى ؟

طارق : ( يتنهد) و الله يا خال ما لية نفس لحاجة

كرم : ليه يا بنى إيه اللى حصل لده كله ؟

طارق : أسكت يا خال... أنا حاسس إنى محطم

كرم : ( يضحك ) محطم .. إيه يا عم الكلام الكبير ده ؟

طارق : آه و الله يا خال

كرم : بقولك إيه أنا جعان و مش حاقعد آكل إلا لما تيجى إنت و أخوك ... حتقوم و لاَّ أخش أنام من غير ما اتعشى

طارق : و النبى يا خال متضغطش على

كرم : ( يطقطق بلسانه ) تؤ تؤ ... مش قلنا متقولش و النبى ... قول لا إله إلا الله

طارق : لا إله إلا الله

كرم : يلا دلوقتى و بعد الأكل لِيَّه قعده معاك إنت و أخوك

طارق : يا خال

...

كرم : ( مقاطعاً ) أنا قلت لك على اللى عندى ... تعالى و لماتقعد على الأكل نفسك حتتفتح ... أول ما تشوف الـشكشوكة اللى ماما عاملاها حتنسى إن نفسك مسدودة

طارق : حاضر ... حاجى أقعد معاك بس مش حاكل

كرم : ماشى ... و أنا مش حا...
يقطع كلامه فجأة على صوت صرخة (وائل) من الحمام
... إيه اللى لحصل لوائل ؟

الى اللقاء فى الحلقة القادمــــــــة

(19)

**ملكة القلوب** · 11 - 6 - 2009, 12:15 PM

**رزان** · 21 - 6 - 2009, 05:02 PM

الحلقة التاسعة عشر

خرج الجميع على صوت وائل وهو يصرخ فى الحمام
من اللون الفسفورى الذى ملا جسمه ولا يذوب مع الاستحمام بل يزيد ولا يعرف ماذا يفعل به كيف يستصرف فى هذا اللون الاصفر يغطيه من راسه الى قدميه مشكلة فعلا 0

الام

تسال مالك ياوائل فيك ايه يابنى رد عليا في ايه وائل اللون ياماما مش عارف اعمل ايه فيه
مش راضى يطلع وملا جسمى يالهووووووووى الام : اخرج يابنى بلاش كلام فى الحمام لما تطلع نتكلم اطلع
يلا خرج وائل من الحمام والكل ينظراليه فى تعجب من اللون الذى ملا جسمه قال الخال: خير ياوائل
هيطلع ان شاء الله بس كل شوية استحمى ماتقلقش وائل :
ياخال انا مش هعرف انزل الشارع خالص
لغاية اللون لما يروح والدراسة اعمل ايه ياريتنى مارحت الماتش المرة دى الام : أحسن عشان تهتم
بدراستك وتبطل الكورة دى اللى لحست مخك وتعوض السنة اللى فاتت خجل وائل من نفسه عشان
خاله موجود وعرف انه لم نجح وانه كدب المهم نرجع لطارق وخاله وطعام العداء الذى ينتظر
الخال واهل المنزل الخال ها ياطارق يلا انا مش هاكل غير لما تيجى معايا عشان تفتح نفسى يلا

طارقّ

:سأجلس معك ياخال لكن والله مالى نفس اكل خالص طارق المسكين يفكر ماذا سيفعل اين
الشغل الذى سيلتحق به ماذا سيعمل كيف سيتصرف فى حيـاته

كرم يقول لطارق

:ايه رأيك تخلص الدراسة وتسافر تشتغل معايا يلا شد حيلك وذاكر كويس عشان
تنجح وتخلص وان شاء الله تشتغل معى فى شركة البترول محاسب

الاب

:والله ده احسن حل بس يارب يتجدعن ويخلص ده بياخد السنة فى سنتين (الاب فى سره ياريت الواد يسافر وينعش الحال شوية والواحد يعيش بقى شوية )

الام

:يارب يخليك ياخويا دايما شايل همنا كدا (بس ده لسا فى سنة تانية يادى الغلب لسا بدرى)
ياترى ماذا سيفعل طارق فى الشغل واين سيجد وظيفة جديدة0
طارق يفكر فى مشروع لايتحكم فيه احد ويصبح هو رئيس جمهورية نفسه ولا احد يتحكم فيه
فكر ثم قال لخاله انا نفسى فى مشروع بس الفلوس مقصرة وحضرتك عارف ابويا الحال مش اوى معاه قال كرم:
ايه المشروع ياطارق يارب يكون مفيد وتقدر تسد فيه

طارق

: نفسى افتح مكتب كمبيوترتصليح وبيع وقطع غيار وتجميع وسيبر بس المشروع ده عايز فلوس كتير ومش عارف اعمل ايه حتى اصحابى مش معاهم نشترك سوا ونعمله والمحل موجود
وممكن انا ووائل نتحمل المسؤلية ونقف فيه وانا ليا واحد صحبى حيعلمنى حاجات كتير وفيه واحد صحبى قالى مستعد لتصليح اى شى يعنى ربنا يسهل ونشوف نعمل ايه واشترى جهاز نت واوصل للناس وللسيبر وربما يسهل ان شاء الله قال كرم: نت والانعيازو بالله ابه اللى بتقول عليه ده ياطارق
انا فاكرك انك بتفكر فى مشروع شغل يكون كويس مش كلام فارغ ومواقع ابيحة وحاجات من دى

طارق

:لا ياخال انت فاهم غلط المواقع الابيحة دى لها برنامج يمنعها من الظهور وانا حعمله فى السيبرباذن الله واخليه عال العال مش انا اللى اعصى ربنا بعد ربنا ماتاب عليا وصليت الحمد لله
اطمن ياخال انا عمرى ماعمل شى بطال ابدا فرح كرم بكلام طارق وقال له نبقى ندرس الموضوع ده ونشوف يتكلف كام ونقدر التكلفة واللى فيه الخير يعمله ربنا و متقلقش يعدلها ربنا
انبسط طارق جدا من كلام خاله وعرف انه سيفكر فى الموضوع بطريقة جدية وان المشروع ان
شاء الله سيتم . واخذ يفكر فى المشروع كيف يبحث عن مكان يصلح لمكتب اصلام للاجهزة وسيبر كافيه نت . كلم هيما طارق: فينك بتعمل ايه انا عايزك فى موضوع مهم جدا جدا جدا
قابلنى على القهوة وهات معاك الواد محمد بتاع النت الى انت موصل منه عشان عايزه فى موضوع ضرورى جلس طارق فى غرفته يحلم بالمشروع وماذا سيفعل فيه والمحل اين سيكون موقعه قكر ثم قال بيت جدى فيه محل موقعه جميل والناس كلها تعرفنى هناك وكمان اولاد خالتى
بيحبونى وهيسعدونى اكيد وهيقفوا جنبى خصوصا بسام لانه جدع اوى وراجل رغم صغر سنه
خالتى الصغيرة عنها اربعة اولاد كلهم صبيان اصغرهم عبد الفتاح سبع سنوات واكبرهم مجدى
فى سنة ثالثة سياحة وفنادق وبسام هو الاوسط وانا بحب خالتى جدا فهى كريمة معى لابعد الحدود
وتحبنى مثل اولادها وكثيرا ما تساعدنى بالمال لما اكون مزنوق فهى اختى الكبيرة وليست خالتى فقط استيقظ طارق على صوت التليفون الام: طارق هيما على التليفون

طارق

حاضر ياماما انا جاى
هيما:انا عند محمد وجاى انا وهو على القهوة انزل استنانا بسرعة يلا
طارق اوكى ياهيما وقفل معه ولبس ملابسه بسرعة ونزل الى القهوة
محمد ابن المحامى على بطاطا محامى فى الشارع عندهم ومحمد ليه اخ تؤام اسمه هانى والاثنين
جايبين نت وبيوصلوا للناس فى البيت وعاملين المشروع ده وهما فى الكلية لزيادة الدخل برضوه
فعندهم فكرة عن الشغل وازاى يشغل الكمبيوتر فى السيبر وازاى يصلح بعض الاصلاحات البسيطة يعنى يقدريساعد معه فى الشغل البسيط ونزل طارق الى القهوة وهو فى رأسه افكار كثيرة واخذ يرتب افكاره وماذا سيفعل وماذ سيقرر خاله فى الموضع سينجح ام يفشل مثل جميع الافكار السابقة افكار كثيرة فى راسه الله المستعان قالها وتوكل على الله 0

تقابل الاصدقاء طارق وهيما ومحمد بطاطا الى القهوة وتحد ثوا فى الموضوع فقال هيما مشروع كويس وقال محمد : مشروع جميل بس لازم تخلى بالك من دراستك وبعدين اغلب الشغل بالليل
يعنى الدراسة بالنهار والشغل بالليل وربنا يوفقك ان شاء الله ويكون فاتحة خير عليك
ووضح له ان الاجهزة ستشتريها من روكسى وساكون معك لاتحمل هم اى شىء اى وقت تتطلبى انا فى الخدمة بس ياريت يكون يوم جمعة عشان اكون فاضى طول النهار

طارق

: بامر الله اول ماجهز هكلمك على طول

محمد :

اى خدمة انا تحت امرك فى اى وقت بعد اذنكم انا ماشى عشان عندى شغل سلام
استاذن محمد منهم ومشى فالتفت هيما الى طارق وقال له كيف يتم هذا المشروع وانت مفلس وليس معك اى فلوس طارق : خالى كرم سيساعدنى لفتح هذا المشروع سيقف جانبى

هيمـا

: ازاى لوجه الله كدا معقول حد بيرمى فلوسه كدا

طارق

: هو وعدنى هيفكر ويدرس المشروع وحيرد عليا توقع الخير دايما ياهيما الناس مش كلها وحشة لسا الدنيا فيها خير
أاخذ يفكر طارق يارب خالى يوافق على المشروع يارب واشتغل بقى حر نفسى يارب ولا حد يتحكم فيا واصحى على كيفى واروح على كيفى ان شاء الله خير

الى اللقاء فى الحلقة القادمة