ما تفــــــــــــوق يــــا عبقــــــــــــــرينــو

[BA7IBAK YA BOY!]

ما تفوق يا عبقرينو
عاملى فيها راجل وانت بكتيرك بامبينو
وبتتكلم كتير .. وبتعمل قليل
ليل ونهار قهوة ونت وعايش عويل
بتحب فى بنات .. وماشى فرحان بنفسك بتقول انا واد فتاك
بتحرق سجاير وتضرب حاجات .. و مضيع فلوسك فى اكبر هلاك
على القهوة مع صحابك تتسابقو فى القفشات .. والجامد اللى يكسب ويعلم اكتر علامات
بتتخانقو عالبنات .. كل واحد فيكم ماسك بنت وهاريها اشتغالات
تليفونات ومقابلات .. كل يوم بنت وقلة ادب ومعاكسات
طب بس خللى بالك كل دا ممكن يحصل فى اخواتك البنات


*
*

بتقول ان انت جامد .. وفى عز الشدة بارد
طب قولى ياعم الجامد .. ظروفك ايه لو حرب قامت
هتشغل التكيف وتشيت فى اللذيذ
وتحط صورة عرض جندى من المارينز
وساعة ما يزنقوك .. هتقعد فى البيت مرعوب.. قايم نايم خايف من اى حركة او سكوت
ولو جات فرصة هروب.. هتنفد بجلدك واول ناس هتبيعهم هما امك وابوك
وساعتها يا كتكوت .. منظرك ايه قدام المزة اللى عامل عليها حوت


*
*


رمضان شهر الصوم .. مقضيه كله نوم
بتقول امتا يخلص ..وتعده يوم بيوم
ولو قريفت مرة تقول هموت.. وتجرى ع السجارة وتقول مرة تفوت
لا صلاة ولا قرآن .. وكمان بتسلى وقتك فى النت والادمان
جاتلك فرصة ايمان .. سيبتها ومش ندمان .. اصلك قدامك عمر وليالى كتير فرحان
طب قولى ياعم المان .. تعمل ايه لو جابوك فى يوم غرقان
دينك دين الاسلام .. والنبى منك خجلان
طب حتى حس على دمك وقول انك زعلان


*
*


نبيك خاض حروب .. وشاف كتير كروب
وعمره ما فى مرة ضعف .. وعمره ما قال هروب
اصحابه كانو رجال .. وفى عز الشدة جبال
بيواجهو الموت بسيوفهم .. اسود فى ارض القتال
لا يغريهم جاه ولا مال .. صابرين على شهوتهم لحد ما ييجى الحلال
دول اصحاب بصحيح .. اصحاب مش لعب عيال
بيسعو على رزق الله .. لا يقولو مش قادرين ولا بيقولو اعذار
لو صاحب فيهم مال .. يجرى الباقى فى الحال
يساعدوه بقوتهم .. ويدولو راحة البال
دول ابو بكر وعمر .. دول على وعثمان
دول اصحاب بصحيح .. دول هما الرجال

*
*

لفيت حوالين نفسك ؟ .. حسيت بالتوهان ؟.. اتقفلت كل البيبان؟

لما بتتقفل البيبان .. هتلاقى باب ربك مفتوحلك يا حيران

قوله انك غلطان قوله انك ندمان وهتقضى ليالى كتير بتدمع على الذنب والعصيان
ولما تبعد يوم و يرجع تانى التوهان .. ارجع تانى وتالت حاول ولحد آخر الزمان
كلامى كان شديد؟ .. كلامى كان فى المليان .. صدقنى انا زيك غرقان فى العصيان
هنقضيها توهان؟ .. هنصدق اوهام؟
هنمشى ورا امريكان؟ ... وندور على حلول مبتنفعش غير فى الاحلام؟
هنعيد ونزيد كلام؟ .. وبعدين نيجى فى الآخر نقول يللا ننام؟
ولا هنقوم ونعمل بالسنة والقرآن؟
ونقول كفاية كدا جه وقت الصحيان
هنطلع فى وش الدنيا ونقول احنا ولاد الإسلام؟

[العوامى]

إيه يابنتى حرام عليكى إنتى شردتى الواد على الأخر

على العموم انا هقوله وهو حر يتصرف معاكى براحته بس ياريت تبقى تقوليلنا العزا فين

[BA7IBAK YA BOY!]

إيه يابنتى حرام عليكى إنتى شردتى الواد على الأخر

على العموم انا هقوله وهو حر يتصرف معاكى براحته بس ياريت تبقى تقوليلنا العزا فين

الله الله
احنا فينا من الخيانه ولا ايه
طبعا انت واقف جمبي مش كده
ربنا يستر ههههههه
تسلم علي مرورك الكريم وردك اللطيف

[Young DeviL]

ربنا يسترها (لو هيبقا في دم انا عايزه اتفرج مليش دعوه)

ميرسي للموضوع الي هياخد حياتك معاه

[BA7IBAK YA BOY!]

ربنا يسترها (لو هيبقا في دم انا عايزه اتفرج مليش دعوه)

ميرسي للموضوع الي هياخد حياتك معاه

يالهوي هي وصلت للدم
ربنا يسترها معاكي يا ديفيل مكنتش عملتي الموضوع احسنلك
انا عن نفسي حهديه من نحيتك اه امال ايه

[العوامى]

بصراحة أنا قولتلو خلاص
ماتزعلش ياجميل أنا جاى أهدى النفوس
وأحب أطمن young أن الدم هيبقى للركب
معانا مش هتغمض عينك
وأحب أقول لروللى فى مثل بيقول
"وجنت على نفسها مراكش"

[TiMo0oR]

حرام عليكى يا رولى ايه اللى انتى عملتيه فيه ده

ده كده هيبقى فى عركه بالدم

انا عاوز اتفرج انا بحب العراك

اه يا عبقرينو لو عاوز ناس علشان تقفلك اى منطقه انا فى الخدمه هو تليفون واحد بس

و كل هيبقى فى التمام

[BA7IBAK YA BOY!]

بصراحة أنا قولتلو خلاص

ماتزعلش ياجميل أنا جاى أهدى النفوس
وأحب أطمن young أن الدم هيبقى للركب
معانا مش هتغمض عينك
وأحب أقول لروللى فى مثل بيقول

"وجنت على نفسها مراكش"

علي فكره انا مش خايفه


انا مرعوبه هههههههههه
ياتري ايه اللي حيحصلك يا ريم
حتموتي ولا حتعيشي
ياخرااااااااااااااااااابي هههههههههه
ماشي يا العوامي يجيلك يوم

[طيف عابر]

كل ده من عبقرينووووووووووووو


ونا كنت فاكراه كويس

دمك مهدوووووووووورون مهدووووووووووووووووورون يا ريييييييييييييييم

بدل مهدورٌ يعنى

[Young DeviL]

احســــــــــــن يا رولي
بس ياريت تبقي تقوليلي بعد ما تموتي
عشان اجي اعمل الواجب وارقص في العزا
وانا عايزه اتفرج علي الخناقه علي فكرا مليش دعوه