كلام دكاترة

**نور نور** · 21 - 2 - 2009, 03:46 PM

لما الدكتور يقول الموضوع ده ما يستناش لازم نتصرف فيه فورا.. يبقى قصده: لازم نلحق نعمل عليك شغل لأن لو استنينا هو هيخف لوحده وتضيع علينا الفرصة!!

لما الدكتور يقول استعمل الدواء ده وعدى عليا بعد بكرة.. يبقى قصده: ده دواء لا بينفع ولا يضر تعالى لى بعد يومين أكون سألت حد بيفهم!!

لما الدكتور يقول أشوفك بعد عشرة أيام..يبقى قصده: علشان تدفع كشف جديد انت مش قرأت اليافطة وانت داخل مكتوب عليها "الاستشارة فى خلال أسبوع من الكشف"!!

لما الدكتور يقول احنا هنتابع تطورات الحاله أسبوع كمان قبل ما نقدم على أى اجراء.. يبقى قصده:

الصبر طيب يمكن البلوة دى تتحول لحاجة نعرف لها علاج!!

لما الدكتور يقول اعمل التحاليل فى المعمل ده أنا بثق في النتائج بتاعتهم..يبقى قصده بيدفعولى عمولة 40% من تمن التحاليل!!

لما الدكتور يقول أنا هاحولك على أخصائى يشوف حالتك أحسن منى..يبقى قصده: أنت صحتك زى الفل بس الراجل ده مزنوق فى قرشين وواجب ننفعه!!

لما الدكتور يقول أنا هوصفلك دواء جديد ممتاز.. يبقى قصده: هجرب فيك الدواء ده أنا محتاج حالات أعمل عليها البحث بتاع الترقية!!

لما الدكتور يقول المضاد الحيوى ده ممتاز جدا مع انه غالى شوية سيبك من البديل الرخيص بتاع زمان بقى غير فعال..يبقى قصده: مندوب المبيعات بتاع الشركة لسة خارج من عندى ومدينى شنطة دعاية جلد تجنن!

**~~الفارس سيف N~~** · 21 - 2 - 2009, 06:47 PM

ايه الحلاوه دى

**خوخا** · 21 - 2 - 2009, 07:38 PM

ليـــــــــــــــه كدا يانور ....
ياعنى اخرتها كمـــــــان تتريقوا علينا
بقلنــــــا مية سنة فى الكلية العجيبة تى .... وبردو بتتريقوا
طيب بجد زعلتينى جدا

**سهرالليالي** · 21 - 2 - 2009, 08:01 PM

ههههههههههههههههههههههههه تسلم ايديك علي التوبيك جامد اوي

**haboosh** · 21 - 2 - 2009, 10:24 PM

**نور نور** · 21 - 2 - 2009, 11:47 PM

ايه الحلاوه دى

تسلم سيف

**نور نور** · 21 - 2 - 2009, 11:50 PM

ليـــــــــــــــه كدا يانور ....
ياعنى اخرتها كمـــــــان تتريقوا علينا
بقلنــــــا مية سنة فى الكلية العجيبة تى .... وبردو بتتريقوا
طيب بجد زعلتينى جدا

لا وانا ماقدرش علي زعلك والله ربناا معاكي لاني بجد عارفه انتوا بتتعبوا اد ايه
تسلمي ياحبيبتي علي المرور

**نور نور** · 21 - 2 - 2009, 11:51 PM

ههههههههههههههههههههههههه تسلم ايديك علي التوبيك جامد اوي

مرورك هو اللي جامد اووي تسلمي ياقمر

**نور نور** · 21 - 2 - 2009, 11:52 PM

مرسي ياحبيبتي علي المرور

**القطه الرومانسيه** · 21 - 2 - 2009, 11:57 PM

تؤتؤتؤتؤتؤتؤتؤتؤتؤتؤتؤتؤ
ليه الغلط عن الدكاتره بس كده

لما الدكتور يقول المضاد الحيوى ده ممتاز جدا مع انه غالى شوية سيبك من البديل الرخيص بتاع زمان بقى غير فعال..يبقى قصده: مندوب المبيعات بتاع الشركة لسة خارج من عندى ومدينى شنطة دعاية جلد تجنن!

ههه
ده اللي ناويه اعمله بعد ما اتخرج
هههههه
تسلمي ياقمر على التوبيك

الموضوع: كلام دكاترة

أدوات الموضوع

كلام دكاترة

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة