نفسيات ليمونية

[BA7IBAK YA BOY!]

التليفون بيرن ....
رد ع التليفون ......
لا ردي انتي انا كل مرة ارد ..........
يوووووووووووووووووووووه بقى...... عايزة انااااااااام
ردي بقى
امري لله هرد
الو .... اهلا ازيك يا طنـــــــــــــــــــــــ ـط
حبيتشى حبيبتشى.................أزيك ياحبيبتشى
أهلاً ياطنـــــــــــــــــــــ ــــــــط ( لخصى )
ايه مابتردوش ليه بسرعة.........فيه حاجة كف الله الشر ( يارب يكون فى ).........عندكم حد ولا أيه؟؟؟؟؟؟؟
لا أبداً ياطنـــــــــــــــــــــ ــــــــط .....بس كنت نايمة
فيه حد ينام دلوقتى !!!!!!!!!!!!
ده أنا من صباحية ربنا واقفة على رجلى بطبخ وأغسل المواعين وأغسل الغسيل وأنفض الشقة ولا تعبانة ولا حاجة
ربنا يديكي الصحة يا طنــــــــــــط ..... انتوا جيل المستحيل .......... انما احنا يادوب .... جيل شعر بتلاتة ابيض
لا مش حكاية اجيال .... عندي اسم الله عليها بنتي ماهي من سنك بردك ..... بس شقيانة زيي كدا ..... هيا الدنيا كدا .... حظووووووووووظ ..... في ناس مولودة وفي بوقها معلقة دهب
وفي ناس ياطنــــــــــــــــط ..... ربنا مديهم صحة عن اللى عندهم معلقة دهب
الله اكبر .... كول اعوز برب الفلك
( قصدها " قل اعوذ برب الفلق " بس معلش بقى تعليم اللغات ماثر عليها )
انا في سري ( من شر ماخلق )
ربنا يديمها عليكي نعمة يا طنــــــــــــــــــــط.... ... ويدي كل واحد على اد نيته
( لسه بردوا فيها نفس تكمل المكالمة وتسال على بقية اعداء الاسرة ..... اه اعداء )
وازى بابا وماما ..... بيتصلوا بيكوا .....
اه يا طنـــــــــــــــط ... الحمد لله كويسين
سلميلي عليهم كتير لما يتكلموا ...... ماتصلوش بيا من زمان ..... تلاقيهم مشغولين بقى ..... اكل العيش
ان شاء الله يا طنـــــــــــــــط .... يوصل ان شاء الله .....
هيعملوا عمرة السنادي ..... ولا ح يحجوا
(لا ح يهجوا )
لا مش عارفة ظروفهم ايه .....
مواعيد شغل بابا يعني مش مناسبة .......... ولا معهوش موقدرة دلوقتى
( مقدرة يعني .... خلاص بقى قلنا اللغات ليها تاثير )
والله ياطنـــــــــــــــط الحياة هناك غليت .... يادوب بيلاحق على مصاريفنا ........ والغربة صعبة اوي يعني .... ربنا مايكتبها على حد
ميكتبهاش ليه يا حبيبتشي .......... انا عايزاها تتكتب ......... ولما هيا صعبة ايه اللى مقعدهم هناك
( انا ايه اللى سحبني من لساني بس ياربي ......... مش هنخلص النهاردة في يومنا البنفسجي دا )
( ربنا يكتبهالك ياشيخة تزكرة ذهاب من غير عودة )
ساكتة ليه ......... الوو ..... هوا الخط قطع ولا ايه !!!!!!!!!
احححم اححححح مم ......... ابدا يا طنـــــــــــــــط انا اهو
ازي ولادك يا طنــــــــــــط عاملين ايه ........ وعمو عامل ايه ............ ان شا الله يكونوا بخير
خير ياحبيبتي روضا من عند ربنا ........اهههمم(تنهيده)
مالك ياطنـــــــــــــــــــــ ط في حاجة
( هتبدأ بقى اسطوانة بين الناس .... مين السبب ....... مشكلات من الحياة ..... الخ الخ )
مش عارفة اعمل ايه .... اللى بنبات فيه بنصبح فيه ........ ادبر ايه ولا ايه
ايشي جمعية عشان اجهز البت
وايشي اقساط عشان عربية للافندي الكبير
وايشي فواتير
واللى له مزاج في اكله التاني مبيحبهاش
واللى عايز واللى عايز
كله هاتي ياماما هاتي ياماما لما جابولي الكيت كات ........ مفيش مرة حد يقولى خدي ياماما
( قطعتشي قلبي ...... بس ممعاييش فكة والله دلوقتى ...... وبعدين ربنا اللى بياخد ........ هيا فاكرانى من سنها
بتقولى انا الكلام دا ليه ........ مكتوب على اورتي ( الاورة هي الجبهه ... مش جبهة القتال ....لا الجبهه اللى بيبقى فيها حاجبين عاملين تمانية وتمانين ) حاوي حلول المشاكل !!!!!!!!!!!!!)
معلش هيا الدنيا كدا ....... تعب كلها ...... ربنا يعينيك
بس في ناس مرتاحة .....
( تاني .... ياساتر يارب )
ربنا يباركلك في رزقهم يا طنـــــــــــــــــــــــ ـــــــــــــــــــــــــ ـــط
( ياربي ارحمني )
وانتى لقيتي شغل ولا لسه ؟؟؟؟؟؟؟؟؟
لا لسه ..... ماحضرتك شايفة حال البلد ......... الشغل عمله نادرة دلوقتى
( اه طبعا هتشتغلي ليه مانتى مش محتاجة ...) ربنا كريم
البت بتدور على شغل يا عيني لحد ماجزمها دابت من اللف ..... اهي تساعد بردك في جهازها وتشيل عنى شوية
ربنا يكرمها احسن دي غلبانة اوي والله
( يعني انا اللى بقرنين مثلا )
يكرمنا جميعا
طاب اقوم بقى احسن المكالمة كدا داخلة على الساعة ..... وعشان اشوف النابت اللى ع النار
( حد طلب منك تتصلي ..... على اساس ان عندنا لحمة يعني )
طاب يا طنــــــــــــــط بالهنا والشفا ....


انا
انا بيني وبينكوا
واحد من اعداء الاسرة
طنـــــــــــــــــــــــ ــــــــــط


وللحديث بقية

[Young DeviL]

ياساتر علي الرخامه دا ايه الرخامه دي
ياتري باقي الحلقات هتبقا مكالمات ولا هتطور(وتشلنا معاها) وتبقا زيارات؟
ربنا معاكي بصراحه

ميرسي علي الموضوع عايزين نشوف الباقي

[أحمد عمر]

ياساتر علي الرخامه دا ايه الرخامه دي
ياتري باقي الحلقات هتبقا مكالمات ولا هتطور(وتشلنا معاها) وتبقا زيارات؟

وبعدين ايه اللون الاصفر اللى مستخدمها دا انتى بتنتقمى منا ولا ايه

[BA7IBAK YA BOY!]

ياساتر علي الرخامه دا ايه الرخامه دي
ياتري باقي الحلقات هتبقا مكالمات ولا هتطور(وتشلنا معاها) وتبقا زيارات؟
ربنا معاكي بصراحه

ميرسي علي الموضوع عايزين نشوف الباقي

هههههههههههههه
شوفتي يا ديفيل اللي بيحصلي هههههههه
تسلمي يا قمر علي المرور
والباقي في السكه

[BA7IBAK YA BOY!]

وبعدين ايه اللون الاصفر اللى مستخدمها دا انتى بتنتقمى منا ولا ايه

اه امال الرخامه تبقي عليا لوحدي ههههههههه
تسلم علي المرور