بجد الاحساس ده احساس صعب اوي

[xXx SHaDY xXx]

صعب
صعب اوي لما انسان يكون كل حياتك
فجأة يضيع من بين يديك

صعب
صعب تشوفه بيتألم وبقربله الموت
وانت مش عارف تعمل حاجة

صعب
صعب بعد ما كان هو كل حاجة بدنيتك
بقيت بس بتحتفظ بذكرياته

صعب
صعب تشوفه روحه بتطلع منه
وبتتخيل حياتك من غيره

صعب
صعب تعيش حياتك فرحان وسعيد
وصورته قصاد عينيك

صعب
صعب تروح البسمة الي كانت تهز كيانك
وتمحي كل جراحك وتهون عليك الايام الصعبة

صعب
صعب تحس ان انت غريب وسط الناس
عشان هو بعيد عنك

صعب
صعب تحس ان انت وحيد
بعد ما راح كل حبايبك وناسك

اد ايه صعب نفقد انسان غالي علينا
اد ايه صعب نفقد انسان ساب بصمة بحياتنا ومش ممكن نساه
اد ايه صعب تحس ببعده عنك وتتعذب بعد ما كانت طبطبته عليك اجمل فرحة بحياتك
اد ايه صعب انك تشوف الناس حوليك بتعايط وانت من صدمتك مش قادر تنزل دمعة واحدة
اد ايه صعب تشوف التراب حوليه وبيدفنه بيه وانت حساس ان قلبك بيندفن معاه
اد ايه صعب انك تشوف وجهه البريئ الطافربيتغطى بالتراب وانت بتبص عليه وبتفتكر ايامك الجميلة معاه

بجد بجد رحيل الحبيب وموته صعب صعب جدا وياما فقدنا بحياتنا الطيبين المخلصين اعز ناس الي راحو وسابونا نتعذب الي عمرنا ماحننساهم ابدا

الله يرحم كل انسان عزيز علينا وكل ميت يارب العالمين

[No TiMe]

تسلم يا كبير كلمات بالفعل صعبه والاصعب انهم اغليي ما تملكو ويا رب ارحم كل واحد عزيز راح منها ويغفر ليهم يا رب تسلم احساس بجد عالي

[Mr.Mo0ody]

حرام عليك يا شادي

الواحد كان فاكر نفسه مرتاح

توبيك فقري جدا جدا

تسلم بجد روعه واثر فيا قوى

[xXx SHaDY xXx]

ميرسي يااسلام انت ومودي

وانا اسف جدا اذا كنت دايقتكم بالتوبيك ده بجد

مكنش قصدي والله

[No TiMe]

لا ولا يهمك يا كبير بس خد بالك كل الي بيدخل هنا بيحب بس انت جايب موضوع يقطم الظهر ههههههههههه جامد والله يا كبير عادي بس خد بالك

[xXx SHaDY xXx]

ياعم انا مش بحب ودخلت عادي

حد فيكم يقدر يقولي متدخلش

اللي يقدر يقولي متدخلش يكلمني علي الرقم ده بسرعه

0000000

وميرسي علي مرورك ياجامد

[عاشقة الرومانسية]

طبعا يا شادى دى اصعب حاجة فى الدنيا دا الواحد لما بيفقد حد وهو عايش بيقول لحظة صعبه فما بالك من فقدان اعز الناس وخلاص مش هانشوفه تانى بجد لحظة صعبه اوى اوى

يارب ماحدش يمر باللحظة دى عشان بجد دى لحظة صعبه اوى اوى
تسلم ايدك يا شادى على التوبيك الجامد ده

[xXx SHaDY xXx]

ميرسي ياسندس

نورتي بجد ياجميل