اشكرك جدا على انك جبتى القصيدة دى دى قصيدة صديقى الشاعر مصطفى الجزار والجزار عنده قصايد جميلة جدا للاسف انا جهازى مش بقدر انقل اى مواضيع (جهاز b d a ) كنت جبت اكتر من قصيدة ليا ولاصدقائى شكرا ليكى
صلاح الدين الايوبى والعودة
في القرآن ربّك قال للناس: "ادعوني"
علشان هوا كريم وبيِدّي
والناس بتصلّي
تملا الجامع في فى صلاة الجمعة
وإْمامهم يدعي ويعيّط
واللي وراه بيقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
يا الله
رجّع لينا صلاح الدين...
يا الله
دا احنا بشوق مستنيّين
يا الله
لو جالنا هنقوم واقفين
يا الله
نمشى وراه ونكون طايعين
يا الله
و نحرّر أرض فلسطين
يا الله
بس ييجيلْنا صلاح الدين
يا الله...
*******
ربك دايماً..
ربّ قلوب
بيحبّ العبد اللي بيطلب
وامّا لقى الملايين بيقولوا
رجّع لينا صلاح الدين
سبحانُه.. حقّق رغبتهم
ولقينا الأرض بتنشقّ...!!!
قُدرة ربّك
مين هيكدّب ويقول: "لأ"؟!
ولقينا فارس من نور
وحصانه بيجري ويْدُور
وف إيده السيف المتعافي
استعجِبنا...!!!
وسألناه: "انت اسمك إيه؟!"
قال بالفُصحى:
أنا يا قومِ صلاحُ الدينْ
قد أحياني اللهُ القادرُ
حين دعوتم
أنْ يبعثَني اللهُ إليكم
ها أنا ذا
قد جئتُ إليكم
لكنْ نُبّئتُ بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه... للأنجاسْ!!
لكن.... لا بأسَ... فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا...
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"
*******
كل الناس كانت ف ذهول
م اللي بيحصل
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف...
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع و أهِيص
لكن حرب؟!!!
سلامُو عليكم... أنا مش فاضي"
*******
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
وانا غلبان
باقْطَع من جسمي وبادّيهُم
لو رُحت معاك -افرض يعنى-
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق... مش إحنا
بس انا خايف
والبَرَكه ف باقي الرجاله
هُمّا يسدّوا بدالي هناك
وانا هادعيلكُم كل صلاه"
*******
واحد تالت
قال: "انا تاجِر
عندي المصنع والدكّان
ومشاغِل أشكال والوان
أبقى عبيط لو سِبت مصالحي وْجيت ويّاك
لكن هابقى معاكو بقلبي
*******
واحد رابع...
واحد خامس...
سادس...
سابع...
عاشر...
ألف...
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر دِين...
يِبقى خلاص ما احناش عايزين
إحنا هنقعد منتظرين
وهندعيلَك بالملايين:
يا الله
إِبْعِد عنا صلاح الدين
يا الله
إحنا بحالنا كده راضيين..
يا الله...
*******
بعد ما قالوا كل كلامهم
بَصّ صلاح الدين بعينيه
مالقاش ولا واحد حواليه
يعمل إيه؟
الأرض انشقّت من تاني
علشان تاخدُه
مارضيش ينزل تحت الأرض
عايز يعمل حاجه ف بالُه
فوق "الأرض"
غَيَّر لِبْسُه
ولِبِس زيّ شباب القُدس
نفْس الشكل ونفْس اللون
كان متغاظ
من كل الناس اللي سابوه
جَمّع غِيظُه.. تحت هْدُومُه
ودخل وسط كلاب الأرض.. وفجَّر نفْسُه...
علشان يفضل
زي ما هوا... صلاح الدين
لكن ساب في القدس رساله
بيقول فيها
إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
لما يقولوا: "يا الله..
رجَّع لينا صلاح الدين"
لازم يدعوا كمان و يقولوا:
يا الله
عايزين جيشُه يكون ويّاه
علشان إحنا مش فاضيين
مش هَنْسِيب المال والجاه
مش هنسيب الدنيا الحلوه وْنِمشي وراه
يا الله...
مش عايزينُه ييجي لوحْدُه
لازم جِيشُه يكون ويّاه
لازم جِيشُه...
يكون...
ويّاه...
تحـمنى رشدىـياتى
التعديل الأخير تم بواسطة mona roshdi ; 22 - 2 - 2009 الساعة 12:15 PM
اشكرك جدا على انك جبتى القصيدة دى دى قصيدة صديقى الشاعر مصطفى الجزار والجزار عنده قصايد جميلة جدا للاسف انا جهازى مش بقدر انقل اى مواضيع (جهاز b d a ) كنت جبت اكتر من قصيدة ليا ولاصدقائى شكرا ليكى
شكرا لك يااخى هانى
فقد اعجبتنى كتاباتة وعندى جميع ماكتب
فانا اهتم جيدا بما يكتب
لان اسلوبة رائع فى الكتابة
ويتكلم من قلب ملئ بلمحبة والحب للجميع
يتكلم من خلال قلب مصرى اصيل أن كان صديقك
فاتحياتى لة كثيرا ونعم الصديق
وكدة بقى انت مش محتاج يكونو على الجهاز
لانك تتمتلك الكتب ممكن تكتب منها قصائدة
ياريت يا اخ هانى
وشكرا لاهتمامك
أضحكتنى ضحك أمر من البكا
هوحالنا حيث غرتنا الحيا
فتركنا فرضاً أخضع الرقاب لنا
فلا عذراً لدينا إن أدركنا الفنا
شكراًلحسن إختيارك
ياطيف طيفك فى القلوب وأمة الله الساجدةوقلوبنا لن تنساك أختنا ساجدةولكل خبرا مبتدا ذكرى لكم ولياربى بارك ساندرا ربى بارك دالياالبحث على جميع مواضيع العضو zezo1
شكرا لك زيزو ولمشاركتك الطيبة
جزاك الله كل الخير
دمت دائما بود
رائع رائع رائع الله يبارك فيك
فعلا هو ده حال الامه مش عايزين صلاح الدين وبس لا عايزين جيش حطين معاه زى قصه بنى اسرائيل لما سيدنا موسى قالهم نحارب
قالولوا لا الناس اللى فيها جبارين
" اذهب انت وربك فقاتلا انا هاهنا قاعدون "
لكن ربنا يوفقنا وننصر الاقصى بجد
اللهم ارزقنا صلاة ف المسجد الاقصى او شهادة على اعتابه
يجب على الأمة أن تعلم أن نهج صلاح الدين لم يمت وأن في الأمة لو صدقوا وأنصفوا وأخلصوا من يمكن أن يكون صلاح دين جديد أو ربما أعلى همة متى وجد حوله ذات الرجال وذات الوفاء والولاء؟؟
شكرا أختى الغالية على هذا الاختيارللشاعرالمبدع مصطفى الجزار
مع خالص تحياتى وتقديرى لحسك الراقى وقلمك المبدع
دمتِ رائعة
التعديل الأخير تم بواسطة ibrahimalex ; 24 - 2 - 2009 الساعة 12:43 AM
فعلا أخى الغالى ان جيش حطين مازال موجود وان الرجال الاشداء موجودين فى كل مكان
وان الله سبحانة وتعالى لن يضيع أجر من أحسن عملا
وبأذن الله سيظهر صلاح الدين آخر من يدرى طول ما هناك ايمان وعذيمة سيكون النصر
ورجوع الارض المغتصبة
وبأذن الله سنصلى فى الاقصى وهذا والله أملى
اللهم اجمعنا فى حب الله جميعا ونصرة الحق على أعداء الدين
بارك الله فيك اخى ابراهيم ونورت كتير بكلماتك التشجيعية
جزاك الله رضاة والجنة
التعديل الأخير تم بواسطة mona roshdi ; 25 - 2 - 2009 الساعة 11:34 AM
الذين يشاهدون الموضوع الآن: 1 (0 من الأعضاء و 1 زائر)