تعالوا نتناقش كده

[m.chezoo]

اريد فقط معرفه السبب عمل هؤلاء الشباب فى مجال بعيد عن تخصصهم
والضغوط التى يواجهونها التى اضطرتهم للعمل فى مثل هذه المهن البعيدة عن شهادتهم الجامعيه
طب كان لزمته ايه التعليم والشهادات من اولها
ياريت نتناقش فى الموضوع ده شوية

[طيف عابر]

فعلا موضوع لفت نظري ولسه داخلة بقول لا اله الا الله لكن حبيت ارد قبل ما اضيعه لاهميته
كلامك فعلا صحيح وواقعي يا مصطفى
للاسف انا اخي لسه مكمل هندسة حاسوب وكهرباء ومحصل مجموع مرتفع بالثانوية وبالجامعه ولكن لم يجد فرصة عمل في تخصصه والمؤسف والمحزن انه اصدقاء له من نفس التخصص واوائل دفعاتهم بيشتغلوا برواتب ضئيله واماكن متواضعه متل كافيه نت او مصنع تجميع قطع اجهزة وحتى منهم اشتغل بخدمة الزبائن بشركة يرد على التلفونات وكمان والله منهم بيشتغلوا بدون رواتب انتظار لفرصة ممكن تحصل ويحصلوا على عمل في نفس المكان

اتوقع بعد كل الامثلة اصبح السبب واضح
انه مفيش فرص عمل
اما بيقعدوا متل اخي اللي من يومين لقى شغل مناسب لتخصصه براتب جيد جدا
او بيشتغلوا اي شيء
المشكلة وقت اختار يدرس هندسة حاسوب مكنتش منتشرة وكانت مطلوبة والهندسة المدنية كان فيها زيادة
للاسف انقلبت الاية واصبح خريجي هندسة الحاسوب كتار

إذن فرصة العمل وتفضيل عدم البقاء بدونه هي السبب
تخيا الان اخي ندمان انه تعب ودرس وبيتمنى لو درس اي شيء سهل وخلاص
لانه كله محصل بعضه
الف شكر

[ابو الحارث]

بسم الله الحمن الرحيم

فعلا موضوع مثير للاهتمام والنقاش
لانى انا شخصيا عانيت منة كثيرا والحمد لله فى الاخر وجدت فرصتى وعملت بنفس تخصصى
انا خريج اقتصاد وعلوم سياسية جامعه الخرطوم وحاصل على درجة البكلاريوس وهاجرت الى السعودية بمجرد تخرجى وعملت فى مجالات عدة بعيدة جدا عن تخصصى
اول عمل لى بمحل تاجير سيارات ثم محل ملابس جاهزة ماركات عالمية (بياع)
ثم كسائق لاسرة كفيلى
ثم اخير وجدت فرصتى وعملت كمستشار اقتصادى لبورصة الاسواق المالية السعودية (مكتب الخلف للاستشارات المالية ) ثم منة الى مجموعة عبد الخالق سعيد كمدير مالى للشركة ومازلت اعمل بها
فلكم ان تنظرو مدى المعانا التى عانيتها وانا بعيد عن مجالى
فى نظرى ان المحسوبية والقبلية تسيطر سيطرة كامله على الوظايف والمهن
فكل من له قريب او نسيب فى وزارة ما ضمن توظيفة ولو كان امى جاهل
هذا ما تعانية امتنا لذا ناتى دايما فى اخر الركب الاقتصادى والثقافى والاجتماعى حتى
انا قلت الاجتماعى لان المهندس اليوم نجدة جالس على المقاهى ويدخن النرجيله (الشيشه) ونجد من لا موهل له جالس على مكتب ليس له علاقة بتخصصة
الله المستعان


ابو الحارث

[boba_H]

السبب بكل بساطه يا مصطفي ان مفيش فرص عمل متوفره
وده لان اعداد الخريجين اكبر من الجهد المبذول من الحكومه لتوفير فرص عمل للشباب
وكمان تلاقي الواحد ماسك اكتر من منصب في اكتر من مكان وميبقاش محتاج رغم انه لو اتخلي عن
منصبه في اي مكان هيوفر فرصه لحد محتاج الشغل ده اكتر منه
انا طبعا مش بتكلم علي الناس اللي بتشتغل فترتين عشان تحسن دخلها
وكمان فرص العمل القليله الموجوده الوسطه هي شعارها الوحيد

يبقي الشاب مش قدامه غير انه يقعد علي القهوه مستني فرصه تناسبه او يدور سنين عليها
او يشتغل اي شغله يقدر بيها يعين نفسه علي الحياه وقسوتها

ميرسي ليك يا مصطفي علي طرح الموضوع المهم والحساس ده

[mona roshdi]

من وجهة نظرىا لاعداد المتقدمة للثانوية العامة ثانوى عام اعداد كبيرة جدااا
والكل عاوز يدخل جامعات القمة
هندسة
طب
علوم
اقتصاد وعلوم سياسية
صيدلة
طيب مين يدخل الجامعات التانية ....؟؟؟
ومين يدخل تانوى تجارى ...؟؟؟الخريجين للجامعات بيكون أعدادهم مهولة
طيب حيجيب شغل منين؟؟؟وفين الاماكن اللى تستوعب هذا الكم من الخريجين لازم نهتم بلتعليم المتوسط
البلاد المتقدمة بتهتم كتير بلتعليم المتوسط لدرجة لو واحد عاوز يفتح محل كوافير لازم يدرس 2 سنة فى مهنة الكوافير وعلشان كدة مفيش حد بيستعيب المهن الصغيرة

انما هنا للأسف اللى بيشتغل مهنة ((مهنى يعنى )) بينظر الية نظرة انة صغير
((فى المقام يعنى))

البنت دلوقت عاوزة الدكتوراة
والوظائف الكبيرة

اتمنى ان الفكرة دى تروح من عقول شبابنا وبناتنا

موضوع اكتر من رائع
لك كل احترامى مصطفى

[عاشقة الرومانسية]

بص يا شيزو مافيش فرص عمل متوفرة وكمان اقولك على حاجة بكل بساطة لو بصيت هتلاقى الشباب اغلبيتها بتشتغل وهى بتدرس عشان لو كل شاب استنى يخلص تعليمه وياخد شهادته وبعدين يشتغل بيها عشاني يكون نفسه يبقى هيلاقى نفسه عنده 30 سنه ده كمان لو خلص الدراسه فى اربع سنين مش فى 6 ولا 8 فطبعا بيتشغل وهو بيدرس اى شغلانة ممكن يقف فى محل وممكن مندوب مبيعات او اى شغلانة بعيد عن تخصصهم وممكن جدا يبنى مكانه فى الشغل ده ايا كان تقدر تضمن انه بعد ما ياخد شهادته يلاقى شغل فى تخصصهم ولو ساب الشغل اللى هو فيه هايقدر يشتغل بنفس المكانه اللى بناها فى الشغل الاولانى وده بقى يا عمر على مايحصل عشان كده الشباب بتصرف امورها وده مش غلط ده صح ربنا يعينكم جميعا على ظروفكم الصعبه دى
والله المستعان

سورى يا شيزو للإطاله وياريت اكون قدرت اوصل وجهه نظرى
نايس توبيك يا قمرى

[Serag Magdy]

بص يا عم الحاج
الموضوع كبير
الموضوع كبير اوي علي فكرة
بس لعلمك
العيب مش في الحكومة لوحدها
العيب الناس برده
يعني مثلاً
ها تقولي نظام التعليم فاشل
اقولك ايوة فاشل
وفاشل جداً
انما المشكلة في التعليم وبس
المشكلة ممكن تكون في الاهل برده
يعني مثلا انت ممكن تكون عايز تدخل معهد موسيقي مثلا - مش انت يعني - بافتراض انك موهوب
وتلاقي والدك مصمم انك تدخل هندسة
واحد تاني عايز يدخل هندسة
وتلاقي اهله مصممين انه يدخل طب علشان يشتغل في عيادة والده الدكتور
يعني كمثال بص برة
انت بتبص من الشباك ليه؟؟؟؟؟
في اميركا والدول المتقدمة
ها تلاقي التعليم بيبقي نظام منحة
والله انت موهوب في حاجة معينة ها تدخل الجامعة بتاعتها
وبعدين مش بنظام الدرجات زي مصر
ما يمكن واحد اهبل
يغش في الثانوية
ويظبط المراقبين
وبسم الله ما شاء الله الواد الاهبل يدخل طب
يقعد في الكلية قيمة عشر سنين ويبقي دكتور ويعالجني
واموت انا
انما برة اولا المرتبات كويسة
ثانياً كل حاجة بتخصص
ثالثاً بيبقي في اختبار زي اختبار القدرات وتحديد المستوي في كل كلية علشان يشوفوا اللي عايز يدخل الكلية ده ينفع يدخل ولا مش من قدراته
يعني هنا
غير برة
علشان كدة ممكن تلاقي الواحد هنا دكتور وحاصل علي اعلي الشهادات
بس برة مش بيسوي حاجة

تاني وحاجة ودي الاهم
احنا عددنا كتير جدا
يعني قارن اي دولة كدة في العالم من عشرين سنة وشوف عددهم كان كام
واي دولة عربية من عشرين سنة وشوف عددهم كان كام وبقي كام حالياً
ها تلاقي هنا النسبة اكبر بمراحل
طب واحنا مش بنفكر في اي حاجة جديدة
يعني احنا بنستني المستثمر الاجنبي انه ييجي ويعمل مشروع ويشغل فيه كام واحد
طب ماحنا عندنا اغني اغنياء العالم
والله لو حرقوا فلوسهم ها يموتوا قبل ما تولع كلها
انا مش بحسد علي فكرة
طب ليه كل واحد مش يعمل قيمة عشر مصانع
اهو منها يشغل ناس في كل التخصصات
ومنها يزود دخله المتواضع
ونبطل نستورد
بس ها تقول لمين
تسلم يا كوماندا ع الموضوع الجامد ده
ومعلش طولت شوية