قالى الوداع قلتله قشطه

**No TiMe** · 26 - 2 - 2009, 04:21 PM

قالى الوداع قلتله قشطه

*بعد ماعرفوا بعض بأسبوعين......

هو: أنا عايز اقولك على سر شلته فى قلبى سنين
هى: قول مالك؟
هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى
هى: وأنا كمان ياحبيبى بحبك بقالى 3 شهور و5تيام و6ساعات وربع
هو: صحيح؟ يااااااااااه ...ده احلى يوم فى حياتى
هى: وأنا كمان..بس هنعمل ايه؟ واهلى واهلك والدنيا والناس؟
هو: هحبك وتحبينى ياعمرى وكفاية نبقى سوا
هى: طب ياحبيبى أنا بقول كده برضه بس مانطولش فى الحكاية ماشى؟

*فاتت سنة غرام وهيام وأحلى كلام.........

هى: احنا هنفضل كده كتير ياحبيبى واهلينا مايعرفوش؟
هو: ليه ياحبيبتى أنا بسش اظبط نفسى فى الشغل واجى اتقدملك على طوووووووول
هى: امتى بقى يحصل ده؟....يااااه ده أنا هبقى أحلى كركوبة فى الدنيا
هو: قريب ياحبيبتى قريب كلها 12 سنه بالكتير

*فاتت كمان سنة وهو ولا هنا وهى هتطق من الغيظ......

هى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك-
هو: كده ازاى ياحبيبتى؟ مااحنا اشطه اهو وآخر تمام
هى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟
هو: تقصدى ايه ياروحى؟ اصبرى بكره يبقى عندنا بيت وأولاد
هى: ده عند أمه ياادهم ... أنا متقدملى عريس كويس وإذا مالحقتنيش هيخطفونى منك
هو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى
هى: لأ انا مش عايزاك تعمل كده أنا هكلم بابا وماما وانت تاخد خطوة بقى

*أسبوع...اتنين...تلاته.تليفون ه غير متاح...مابيردش ....وأما رد....

هى: انت فين مش لاقياك؟
هو: معلش تليفونى كان فاصل شحن وكنت بشحنه
هى: بقاله شهر فاصل شحن وبتشحنه؟! ليه انت كنت بتشحنه غاز؟
هو: خلصنا بقى..قصرى ..خير؟
هى: وهييجى منين الخير ياروحى وانت مانفذتش اللى اتفقنا عليه؟
هو: هو احنا اتفقنا على حاجه؟!
هى: نعم ياروح أمك؟ امال تقطيع شرايينك واوردتك وشرب مية النار ده كان ليه؟
هو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة اتناشر وخمسه الضهر
هى: ياواطى ياندل....ماهيتاب؟!!!! طب وأنا؟
هو: ماتغلطيش بس وانسى الجرجير واللمون...انتى مش فاهمه حاجة
هى: انسى؟ ده اخر كلام عندك؟..اصلى مش ناوية افهم
هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...لكن أهلى قالولى إما ماهيتاب أو الطرد من البيت
هى: اوك..اشطه يامان...سى يو...باى

الخلاصة

- مابنى على باطل فهو باطل
- كلمة بحبك بقت اسهل كلمة بتتقال واسهل كلمة بتتنسى

**احساس** · 26 - 2 - 2009, 04:37 PM

ايه يااااااااااااواد اسلام الجمال ده
والله يجى احيانا منك00مع انك كنت دايما راكن هههههههههههههههههههه
بس والله جامــــــــــــــــــــد التوبيك وملوش حل
يارب اتحفناااااااااااااا كده علطول

**نور نور** · 26 - 2 - 2009, 05:03 PM

هى: اوك..اشطه يامان...سى يو...باى

حلوووووووووة اوي دي
توبيك جااااااااامد اخر حاجه
تسلم يااااااااااسلام علي التوبيكات الجامده دااااايماااا

**mano** · 26 - 2 - 2009, 06:34 PM

مع ان انك واخد العنوان من توقيعى اللى فات لكن نايس توبيك

**خوخا** · 26 - 2 - 2009, 07:27 PM

ههههههههههههههههههه

يروح واحد ييجى األف

موضوع جامد يافارس تسلم الايادى

**No TiMe** · 26 - 2 - 2009, 08:40 PM

المشاركة الأصلية كتبت بواسطة ريناردا

ايه يااااااااااااواد اسلام الجمال ده
والله يجى احيانا منك00مع انك كنت دايما راكن هههههههههههههههههههه
بس والله جامــــــــــــــــــــد التوبيك وملوش حل
يارب اتحفناااااااااااااا كده علطول

لالالالالالالالالالالالال الالالالالا مستحيل غيرتي اللون قولي غير كدا لا مش مصدق وراكن دي علي اساس اني عربيه كنت راكن ماااااااااااااااااااشي مااااااااااااااااااشي يا رشا تفرجلك بس امي اشوفك دا انا هرحب بيكي طبعا متتوقعيش حاجه تانيه تنورينا وتشرفينا يا اكبر مني سنانا ودا احترام بس مش اكتر نورتينا والله

**No TiMe** · 26 - 2 - 2009, 08:42 PM

المشاركة الأصلية كتبت بواسطة نور نور

هى: اوك..اشطه يامان...سى يو...باى

حلوووووووووة اوي دي
توبيك جااااااااامد اخر حاجه
تسلم يااااااااااسلام علي التوبيكات الجامده دااااايماااا

يسلمووو نور والله شرفيتنا وانستينا ويا ميت ولكم نورتينا بجد

**No TiMe** · 26 - 2 - 2009, 08:43 PM

المشاركة الأصلية كتبت بواسطة mano

مع ان انك واخد العنوان من توقيعى اللى فات لكن نايس توبيك

ههههههههههههههههههههههههه ولا تزعل يامانو انا علشان خاطرك ازيل الموضوع مش اغير اسم الموضوع والله منورنا يا مانو بجد شرفتنا

**No TiMe** · 26 - 2 - 2009, 08:47 PM

المشاركة الأصلية كتبت بواسطة خوخا

ههههههههههههههههههه

يروح واحد ييجى األف

موضوع جامد يافارس تسلم الايادى

الله يخليكي يا خوخا والله نورتينا بجد

**mano** · 26 - 2 - 2009, 08:49 PM

المشاركة الأصلية كتبت بواسطة فارس بلا قيود

ههههههههههههههههههههههههه ولا تزعل يامانو انا علشان خاطرك ازيل الموضوع مش اغير اسم الموضوع والله منورنا يا مانو بجد شرفتنا

يا بومبو دة من زوقك والله يا روح قلبى يلا احذفة بقى ههههههههههههههههههههههههه هههههههههههه
بهزر طبعا

الموضوع: قالى الوداع قلتله قشطه

أدوات الموضوع

قالى الوداع قلتله قشطه

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة