حمدلله علي السلامة ... بس ما عرفناش
طلعت من المشتشفي ميريش ولاّ بمأمأ ..
حمدلله علي سلامتك من الآه
السنة اللى فاتت بعد ما رجعت أجازة للمحروسه ( اللى هى مصر ) بارك الله فيها ومنيها وعليها وعالجيران اللى جنبيها --
والنساوين جيرانا كل واحده منهم وقفت علي شباكها وأستلمونى قر ونح هههههههه ( قال يعنى مفيش منى اتنين ) .
واحدة تقول : ياختى الواد مانو ابن الحاج محمد ربنا كرمه ورجع من أمريكا لسه واصل إمبارح وشايفاه شايل ومحمل .
واحدة تانية : لأ يا ختى أمريكا مين دا انا سمعت إنه كان في البرازيل راح يجيب بُن من هناك ولعب شوية مع الواد رونالدو .
واحدة تالتة : رونالدو إيه وبُن إيه يا وليه يا هبلة منك ليها .. هايروح البرازيل علشان يجيب بُن ما كان يجيبه من عند عم سالم البقال ..
دا هو كان في المانيا اللى هى بعد دوران شبرا علي طول بعد الترعه علي إيدك الشمال .
وواحدة رابعه : ترعه إيه اللى في المانيا يا وليه يا هبلة أنتى وهي هى المانيا فيها ترعه .
( خدولكم أسبوعين بقي قر ونح ونميمة علي العبد لله واللى يشوف كده يقول إنى عملت اللى ما يتعملش )
..و كانت النتيجة الحتمية للقر والنميمة هو إنى أترميت في السرير عيان وطالع عينى وعين اللى خلفونى وبينى وبينكم كنت بين الحيا و الموت هههههههههه ( مش قوى يعنى ) بس كان جسمي مولع من الحمى ودرجه حرارتى ييجي 40 ونص .
كنت امد ايدي و هيا بترتعش و أشاور علي الكمبيوتر وأقول الكومبـ الكومبـ ( الكمبيوتر يعني )
وأمى تطبطب عليا و تقوللي ..سلامتك يا بنى .. بتخترف من الحمى يا عيني
كومب إيه بس يا حبيبي ده الكومبيوتر بتاعك ..لا حول ولا قوة إلا بالله
وأبويا يصرخ و هو ماسك دموعه بالعافية.. يا جماعة شوفوا حل ..الواد هايضيع مننا حد يشوف دكتور بسرعه
قام نط الواد محمد فانتوم صاحبى اللي في كلية الطب يعدل النضارة على طرف مناخيره ولقيته بيقول :
ما أنا دكتور لاحقآ يا اونكل وبصراحه كده أنا شاكك انها حالة انفلونزا طيور ميه في الميه
الواد سمير ( فاكرينه طبعآ ) بتاع الكراتيه ربنا ينتقم منه ومن اللى جابه هههههههههه
راح باصص لي وقالى : أنفلونزا الطيور ههههههههههه أنت كده هاتبيض بقي يا عمو مانو هههههههه
بس ما تنساش يا عمو تحجزلي بيضه بصفارين هههههههه ( ظريف البعيد )
( وأنتوا بتضحكوا علي إيه أنتوا كمان )
و انا أصرخ فيه تع..تس..أد.. .. بد .. وم..عج..تا..مك
يعني تعرف تسكت ياد بدل ما أقوم أعجنك أنت وأمك
الواد حامد أخو سمير يشد الواد سمير من قدامى ويقول لأبويا .. إنتوا أكلتوا فراخ قريب يا عمي
أصل أنا شايف مانو اليومين دول ( مريش ) وبيحب يسمع أغنية ( كوكو واوا ) كتير
أبويا قالوا يا بنى من ساعة العيد و إحنا بناكل في لحمة الخروف اللى كنا دبحناه
الواد محمد فانتوم قرب من أبويا و حط ايده على كتفه وقاله : أنا عايزك تفكر كويس يا اونكل قبل ماتجاوبني
الخروف اللي انتوا دبحتوه ده يا عمي متأكد إنه كان بيـ ماء ماء
أبويا يرد عليه بإستغراب ( يماء ماء ) ؟!! لا كان بينهق
انت هاتهرج ياض أيوة كان بي ماء ماء ليه ؟
محمد فانتوم: يعنى متأكد يا عمى إنه ما كانش بيكاكي
أبويا : بيكاكي ؟...لالالالالا ..دانا كده إطمنت على مستقبل الطب في البلد..إمشي يالاه ..إمشي روح العب بعيد.. يلا إمشي
محمد فانتوم : الحق عليا يعني كنت عايز أوفرلكم أجرة الدكتور
أبويا :إمشي يالاه بأقولك بدل ما أهبدك بأى حاجه في وشك
المهم يا جماعة خلصت الموقعة دي على إن أخوكم اللى هو أنا - إتنقلت المستشفى
ولسؤ حظى اللى هو زى الزفت لقيت مين هناك جاي ياخد تدريب عملي -- هاه عرفتوه -- أكيد عرفتوه
الواد محمد فانتوم ( حسبي الله ونعم الوكيل فيه ) أول ما شافنى قال يا نهار اسود
وراح حاتط الكمامه علي مناخيره -- وضارب أنبوبة الأكسجين علي بوقه..
خلي مجموعه الطلبه اللى معاه اللى جري واللى صوتت واللى لبس الكمامه
ربنا يسامحك يا بعيد ( أفتكرونى عندى سارس ههههههههههه )
الحمد لله الموضوع خلص علي خير وخفيت وطلعت من المستشفي علشان اقرفكم هنا في المنتدى
ههههههههههههههه
حمدلله علي السلامة ... بس ما عرفناش
طلعت من المشتشفي ميريش ولاّ بمأمأ ..
حمدلله علي سلامتك من الآه
.. للمعرفة وسائل كثيرة .. النظرة معرفة .. اللمسة معرفة .. اضطراب القلب معرفة .... الاهتمام معرفة ... السكوت أحيانا معرفة ..البحث على جميع مواضيع العضو احمد طنطاوي
واد يااااااااااامانو
سيبك من كل الرخامه اللى بنااااااااااااااااااا
اللى انتى كاتبه ده بجد ملهوش حل00انا كنت بقرأه كام مره وانا بدمع من كتر الضحك
والله يجد يخرب عقلك كلمات هتنطق00بجد والله حكايه00يااااااااااااابتاع الكومبو الكومبو
بس ممكن سؤال يااابنى00اوعى تكون المانيا اللى بيكلموا عنهااااااااا ديه هيا اللى انتى فيهاااااااااااا دلوقتى ومصدعنا بالممرضات المووووووووووز اللى هناك فيها
ويكون المرض اللى عندك ده هو اللى كاتبه00انا شااااكه فيك من الاول ان مكن موضوع المرض ده مقلب من مقالبك اصلا00والله مبقتش استغرب عنك حاجه اصلا دلوقتى ههههههههههههههههههههههههه ههههههههه
بصراحة يا مانو انت مشكلة بجد
بس مشكلة دمها خفيف والحمد لله انك خفيت وقومت بالسلامة
ومعلشى يا سيدى مش هتقرفنا ولا حاجة امرنا لله هنستحملك
لا بجد واللهى يا مانو انت عامل فى ركن الفرفشة شغل جامد
والحمد لله وازمة وعدت
اولا يا رينا ربنا يخليكى يا حبيبتى على الكلام العسل دة بس انا عاوز اقولك حاجة كل حاجة انا ممكن اهزر فيها لكن الا المرض والموت لان دول مش فيهم هزار وعلى فكرة انتى ممكن تلاقينى بهزر كتير وبرخم على البشر لكن انا فى وقت الجد والحمد لله عقلى كبير اوى والحمد لله بعرف اتعامل مع المشاكل كويس وبشهادة الجميع وعلى العموم التوبيك اللى انا كاتبة دلوقتى هزار وقلت بما ان صاحبى محمد فى كلية الطب ادخلة مكان سيد سلوع الشخصية الاساسية اصلا فى التوبيك وتسلمى يا قمر على مرورك النايس دة
هههههههههههههههه
حمد الله عالسلامة وكويس انها جت على اد كده
الله اعلم من قر النساوين كان هيوديك فين
بجد حمدلله على السلامه المنتدى كان مضلم من غيرك
وجيت نورته و الف سلامه عليك من التعب
الذين يشاهدون الموضوع الآن: 1 (0 من الأعضاء و 1 زائر)