احـنـا لـيـه بـنـعـمـل تـوبـيـك ؟! || اللى يدخل يقـفـل الباب وراه :@

**شيري العسولة** · 1 - 3 - 2009, 04:47 PM

بسم الله الرحمن الرحيم

بسبب
بداية الليل ونهاية الليل فى موسمه الاخير

وبسبب
هطول الرياح الغزيره على قسمنا الجميل

وبسبب
مود الفرحه والتهييس و الروقان اللى مش شايفاه فينا

قررت انا المدعو عليا \ ........

ابقو اكملو النقط انتو بقا

ام على بقا
قررت ايه انا بقا
مش فاكره يانهارى

____________

اهاا
خلاص الحمد لله افتكرت

اه كنت عاوزه اسألكو فى حاجه كدا
قد تكون بايخه بالنسبه للبعض منكم

وقد تكون غامضه للبعض الآخر

والحاجه دى هيا

احنا ليه بنعمل توبيك ؟؟

ايون بالظبط زى ما شوفتو

احنا ليه بنعمل توبيك ؟!
مجرد ما تفتح الويب بيدج بتاعتك
تقوم داخل فاتح الاكاونت بتاعك على اللافرز
وهوب تدخل على قسمنا الجميل او اى قسم يعنى
وتقوم دايس و بغيظ اوى على موضوع جديد

يعنى انا نفسى اعرف
احنا ليه بنعمل توبيكس؟!
ايه اللى بيوصلنا لكدا ؟؟
ايه الاحساس اللى بيكون مسيطر علينا ساعتها ؟؟

مش جريمه انك تعمل توبيك
ومش عيب انك تعمل توبيك
ومش حرام انك تعمل توبيك

بس الواحد بردو
لازم يفكر هوا ليه بيعمل الحاجه دى ؟؟
هل فى نفع بيعود عليه ؟؟
هل هوا بموضوعه دا اللى طرحه بيفيد حد؟؟

وبس

وياريت اى شخص او اى شخصه
تخش التوبيك او يخش التوبيك
يرد

لان الموضوع ذو اهميه بالنسبالى

وياريت كل حد او حده وانتو خارجين من التوبيك
تسيبوا ربع جنيه فى الحصاله اللى على الباب

واللى ماعهوش مصرى يسيب اللى معاه

تصبحوا على خير يارب

**m.chezoo** · 1 - 3 - 2009, 05:00 PM

ههههههههههههه
ايه الرخامه دى عامله توبك تقولى ليه بنعمل توبيكات

شوفى ياستى انا بعمل التوبيكات لاسباب

اولها .. لازم نجدد المنتدى بتتوبيكات يوميا
تانيها .. بحب احط مواضيع مفيده نوعا ما حتى لو بالهزار والضحك

تالتها .. عشان واحدة زيك تيجى ترد واتريق عليها

**No TiMe** · 1 - 3 - 2009, 05:04 PM

السلام عليكم كالعاده لازم ارد عليكي اعمل ايه نصيبي هههههههههههه بصي يا ستي الواحد بيعمل موضوع مثلا في الحب بيهديها للي بيحبا
والي بيعمل موضوع هنا مثلا حابب يعرف الناس حاجه وفي ناس بتعمل مواضيع كترت مشاركات ويكسب نجوم ويكسب عدد مشاركات فكل واحد في دماغو حاجه اما بالنسبالي والله الموضوع الي يستاهل اني اجيب او احط بحطو مش لغايه او لسبب بس ممكن يكون الناس حابه تعرف حاجه وتعرفها من الموضوع او معلومه جديده تنضاف للمعلومات الي في المنتدي مش شرط انك تستفيدي لوحدك
بالعكس لو الموضوع مش متككر وتحس انك هتلاقي فيه فايده لغير حطو مش علشان تساعدو علشان تكسب فيه ثواب وانا الحمد لله المضوع الي بحطو اكيد لازم يستفيد مني غيرو ومبحطش اي كلام والسلام موضوع هايل شيما والربع جنيه لاقيتو وحطيتو فيجيبي ومنتيش وخداه

والباب سيبو مفتوح علشا الي في الموضوع يبردو يلا بقي رخم انتي عارفاني انا رخم

هايل كالعاده شيماء تقبلي مروري المتواضع دا

**شيري العسولة** · 5 - 3 - 2009, 10:42 PM

ماشي يارخمين
من غير شكرا ليكوا انتوا الاتنين بقي

ههههههههههههههههههههههههه هههههههههههههه

ولا حرام شكرا لردكوا الجميل عليا شيزو وفارس

**mona roshdi** · 5 - 3 - 2009, 11:03 PM

شوفى ياعسولتى ----مش كل اللى بيدخل ذى بعضة
فيةناس بتدخل منظرة وفى ناس بتدخل علشان تتعرف على ناس
وفى ناس بقى هوايتها النت يعنى بتدخل مجرد هواية
وفى ناس بتضيع وقتها عندها فراغ يعنى
وفى ناس بتدخل علشان تفيد وتستفيد

وفىناس عاوزة عدد مشاركات كتييييييييييييييييييييييي ييير علشان تكسب نجوووووومكتيييييييييييييي ر
يعنى مش كلنا ذى بعض بس اللى اقدر اقولهولك بلنسبة ليا
انى فى الاول كنت بفتح الموقع الاخبارى اخبار اليوم والاهرام اسمى مصراوى
كل يوم اتصفح الجرائد فية
وفى يوم فتحت بدل مصراوى بس فتح معايا مصراوى كافية
وكان اللقاء وحبيت كل الموجودين ومش استغنى عنهم صحيح فى ناس بتكرهنى
ولكن قلة والحمد الله على كدة كل الناس فى كل مكان لة اللى بيحبة
والحمدالله انى قابلت احلى ناس
وبحبكم كلكم
وبفيد وبستفيد
وتصبحى على الف خير
موضووووووع رائع عسولة

**عاشقة الرومانسية** · 5 - 3 - 2009, 11:16 PM

ايه يا قمر الموضوع الجامد ده
بصى يا شيرى انا لما بعمل توبيك بيكون عشان افيد واستفيد
ولو التوبيك مضحك يبقى عشان اشاركم فرحتى واشوف فرحتكم
ولو التوبيك للمناقشه عشان نتناقش مع بعض ونقدر نوصل وجهات نظر لبعض علشان نعرف بعض اكتر
وطبعا مش كل اللى موجودين هدفهم كده
بس الحمد لله احنا بجد نتميز بالحب والاحترام والتقدير لبعض
يمكن يكون ده سبب كافى لعمل التوبيكات للمشاركة والتفاعل
تسلم ايدك يا احلى شيرى فى الدنيا موضوعك هايل بجد

**شيري العسولة** · 6 - 3 - 2009, 10:34 PM

المشاركة الأصلية كتبت بواسطة mona roshdi

شوفى ياعسولتى ----مش كل اللى بيدخل ذى بعضة
فيةناس بتدخل منظرة وفى ناس بتدخل علشان تتعرف على ناس
وفى ناس بقى هوايتها النت يعنى بتدخل مجرد هواية
وفى ناس بتضيع وقتها عندها فراغ يعنى
وفى ناس بتدخل علشان تفيد وتستفيد

وفىناس عاوزة عدد مشاركات كتييييييييييييييييييييييي ييير علشان تكسب نجوووووومكتيييييييييييييي ر
يعنى مش كلنا ذى بعض بس اللى اقدر اقولهولك بلنسبة ليا
انى فى الاول كنت بفتح الموقع الاخبارى اخبار اليوم والاهرام اسمى مصراوى
كل يوم اتصفح الجرائد فية
وفى يوم فتحت بدل مصراوى بس فتح معايا مصراوى كافية
وكان اللقاء وحبيت كل الموجودين ومش استغنى عنهم صحيح فى ناس بتكرهنى
ولكن قلة والحمد الله على كدة كل الناس فى كل مكان لة اللى بيحبة
والحمدالله انى قابلت احلى ناس
وبحبكم كلكم
وبفيد وبستفيد
وتصبحى على الف خير
موضووووووع رائع عسولة

بجد كلامك كلة جميل اوى يامنى وعلى رائيك الكل مش زى بعضة ويارب كلنا
نفيد ونستفيد من بعض
تسلمى ياقمر لمرورك الجميل ده

ايه يا قمر الموضوع الجامد ده
بصى يا شيرى انا لما بعمل توبيك بيكون عشان افيد واستفيد
ولو التوبيك مضحك يبقى عشان اشاركم فرحتى واشوف فرحتكم
ولو التوبيك للمناقشه عشان نتناقش مع بعض ونقدر نوصل وجهات نظر لبعض علشان نعرف بعض اكتر
وطبعا مش كل اللى موجودين هدفهم كده
بس الحمد لله احنا بجد نتميز بالحب والاحترام والتقدير لبعض
يمكن يكون ده سبب كافى لعمل التوبيكات للمشاركة والتفاعل
تسلم ايدك يا احلى شيرى فى الدنيا موضوعك هايل بجد

تسلمى ياسندوسة ياقمراية والله كلك زوق
ويارب نستفيد كلنا
تسلمى ياحبيبتى لمرورك اللى بيسعدنى وكلامك الجميل ده

الموضوع: احـنـا لـيـه بـنـعـمـل تـوبـيـك ؟! || اللى يدخل يقـفـل الباب وراه :@

أدوات الموضوع

احـنـا لـيـه بـنـعـمـل تـوبـيـك ؟! || اللى يدخل يقـفـل الباب وراه :@

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة