مـــــــــواقـــــــــــف

**على الرومانسي** · 1 - 3 - 2009, 05:09 PM

السلام عليكم ورحمة الله وبركاته

طول ما احنا عايشين بنشوف مواقـف

طول ما احنا ماشين بنشوف مواقـف في الشارع او في الجامعة او في الشغل

في مواقف لما بنشوفها بنقول الدنيا لسة بخير وبتدينا امل ان لسة في ناس كويسين

وفي مواقف لما بنشوفها بنحزن ونتحسر على الحال الي وصلنا ليه

المواقف الايجابية بنتمنى نشوفها كل يوم بس للاسف بنشوفها كل فترة

والمواقف السلبية بنتمنى تنتهي بس للاسف بنشوفها كل لحظة

قولنا بقى ايه الموقف الي شوفته بعينيك وقولت الدنيا لسة بخير ؟

والموقف الي شوفته وقولت الخير راح عليه ؟

وايه الي بتقابله اكتر المواقف الايجابية ولا السلبية ؟

وسوري لو طولت عليكم

مستنى الرد

**m.chezoo** · 1 - 3 - 2009, 05:24 PM

انا اى حد بشوفه بيساعد حد ضعيف او مسكين
او بيقف فى صف حد محتاج .. بحترمه جدا وبحترم المواقف دى

اما عن المواقف السلبيه فاحنا بنشوفها كل يوم
من معاكسات وشتايم وقله ادب ووووو وحاجات ملهاش اول من اخر

**esra2** · 1 - 3 - 2009, 06:12 PM

بداية تقريباً كل المواقف سلبية و خصوصاً فى مصر بقت أخلاق الناس وحشه أوى

بقى العيل يعاكس و البلد مليانه حراميه و خطافين و حاجه تقرف

**MR.Mahmoud** · 2 - 3 - 2009, 02:06 AM

هو فى مواقف ايجابيه اصلا
الموقف الايجابى الوحيد
هو موقف بتكرر كل يوم
الصلاه
كل ما اسمع الاذان واشوف الناس راحه تصلى برتاح نفسيا

انما السلبيات لو اتكلمت عنها يبقا هتكلم لبكره

الف شكر على الموضوع الجميل
تسلم الايادى يا رب

**mona roshdi** · 2 - 3 - 2009, 02:50 PM

بقول الدنيا لسة بخير لما::

لما بشوف ناس فى اى مكان بتحب بعضها ولا تغتاب وتطبق ما قالة القرآن الكريم
لما بشوف أبناء بارين بوالديهم وبيساعدوهم فى كبرهم
لمااشاهد واحد بيمسك يد كبير فى السن بيعدية الشارع مواقف بقول فيها الدنيا بخير

بقول الخير راح لما::
الاقى ابناء عاقين لوالديهم لما الاقى اخت ملتزمة امام الجميع وفى نفس الوقت تغتاب الاخرين
لما الاقى ناس يقذفو ناس بلسب بس علشان بيكرهوهم (المسلم الحق يترك الامر لله وحدة ))

اخى فى الله
السلبيات كتييييييير جدااااعلشان كدة لازم نرجع للقرآن مش بس شعار انى مسلم مكنش مسلم بلبطاقة اكون مسلم عن يقين
ياريت كلنا نترك ما لا يعنينا طالما الاخرين فى حالهم كون فى حالك يامسلم واقرأ القرآن ونفذ الموجود فية حترتاح
ومش حيكون فية سلبيات كتير على الاقل حتقل شوية
بشكرك اخى وجزاك كل الخير

**عاشقة الرومانسية** · 2 - 3 - 2009, 03:30 PM

المواقف الايجابيه لما بلاقى الناس بتراعى بعضها
وتانى حاجه انا شوفتها بنفسى من كام يوم شوفت شاب بيعدى واحد كفيف الشارع رغم ان فى كام واحد عدوا من جمب الراجل ده وهو عمال يستغبث عدونى عدونى الشارع مش شايف لما شوفت الشاب ده انا فضلت باصه عليه وحسيت انى مبسوطة اوى بجد
وطبعا علاقات الابناء بأهلها لما بتكون كويسة
واجمل منظر وانا واقفه فى البلكونة وشايفه الشباب وهى رايحه تصلى بجد احساس جميل جدا يارب ثبت قلوبنا على دينك وارحمنا برحمتك

اما بقى عن السلبيات اتفرج على التليفزيون واقرأ جرايد وانت تعرف
بقت كتيرة مووووووووووووووت

وطبعا انا شايفه ان السلبيات بقت اكتر من الايجابيات
ربنا يهدى الجميع وينور بصيرتهم

**على الرومانسي** · 4 - 4 - 2009, 12:19 AM

ميرسي جدا لردكوا الجميل

الموضوع: مـــــــــواقـــــــــــف

أدوات الموضوع

مـــــــــواقـــــــــــف

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة