مش عايزة خجل لكن عايزة الصراحه ***سندس***
رد مع اقتباس
هـــاى هابتدى بنفسى عشان ماتقولوش انى بدبسكوا وخلاص
أنا بقى فى البدايه كده من عشاق المصاصات
المهم كنت فى ايام ثانوى كنت بجد بمارسها صح طبعا فى الاول برضا من اصحابى كنت باخد من كل واحد خمسين قرش وده طبعا بعد ما بصرف فلوسى المهم انزل اجيب مصاصات واحوشهم عشان احب اشوف منظرهم وهما كتييير المهم احطهم فى الايس كاب يبقوا كتير كده وانا ببقى فرحانة اوىالمهم وكانت اللى عايزة تصالحنى كانت تجيبلى مش مصاصة واحده لا مثلا خمس مصاصات لحد ما فى مرة حصل موقفين الأول وانا نازلة من المدرسة ومروحه لقيت واحد واقفلى ومعاه تلات مصاصات وبيقولى انا معجب بيكى ها قولتى ايه
ساعتها انا ضحكت اوى واستغربت موقفه وعرف منين .
تانى موقف برضه كنت فى الدرس وبعدين كان عندنا امتحان لقيت المستر بيقولى سندس بجد انتى لو جيبتى النهائية ليكى عندى مفاجأة طبعا انا قلت عريس يا بوى لكن المفاجأة كانت والله عارفين البيتاعه البلاستيك دى اللى بتكون مليانة مصاصات لقيت نفسى جيبت النهائية معرفش ازاى لا وايه اخدت المصاصات وكنت طايرة من الفرحه مش عشان النتيجه طبعا
وجاءت لحظة الفراق
لحظة فراقى للمصاصات
كنت لما بشيل المصاصات طبعا كانوا بجد عددهم كتير مش قادرة اوصفلكم ابديت ارمى الكتب فوق على المكتب وحوالى درجين مليانين
مصاصات المهم
جيت فى مرة صحيت من النوم وروحت على الدرج اجيب مصاصة
عاملة زى مدمنين السجاير اللى بمجرد ما يصحوا من النوم قبل ماتفتح عيونهم السجاير تبقى سابقه اى حاجة اهو انا كده مع المصاصات
المهم جيت فى مرة اخد مصاصة لقيت بؤى فى حاجة غير طبيعيه ولسانى بياكلنى اوى وكانت مليانة نملولسانى خلاص هاموت واقطعه
ومن ساعتها لا مصاصه بعد اليوم بقيت اخاف منها وممكن اجيبها كل سنة مرة مثلا
طولت عليكم بس يلا مش مهم عشان اشجعكم شويه
قهوتنا على الانترنت
المشاركة الأصلية كتبت بواسطة jewel_lowis
