مشكورة على الشرح
السلام عليكم ورحمة الله وبركاته
دي أول مرة أشارك معاكم بالمنتدى وأتمنى أقدم شيء مفيد.
بصفتي مدرسة لغة إنجليزية ومترجمة حبيت أوضح لناس كتير الفرق بين المضارع البسيط والمضارع المستمر لإن كتير من الناس بتتلخبط بينهم.
طبعاً أنا حاجرب أشرح الفارق بين الزمنين دول، وفي إنتظار التعليقات. وإذا عجبكم شرحي ممكن أشرح لكم باقي القواعد المتشابهة.OK?
The Present Simple
Talks about general facts and habits.
ex: The Sun rises everyday.المقصود هنا طبعاً هو إن الشمس تشرق كل يوم لكن مش لازم دلوقتي. بمعنى آخر ممكن أقول الجملة دي بعد المغرب ومش حأبقى باكذب لإني باتكلم عن حقيقة.
ممكن برضه أقول
I drink tea
والمفصود هو إني بأشرب الشاي عموماً حتى لو كنت صايم وقت ما قلت الجملة. أنا قلت باتكلم عموماً مش عن شيء في الوقت الحالي.
لكن لو أنا بأِشرب الشاي وقت ما باتكلم في الحالة دي حلجأ للمضارع المستمرThe Present Continuous
Talks about current events happening at the moment of speaking.
ex: I'm drinking tea now.هنا بقى أنا بأشرب الشاي وأنا باتكلم. يعني ما ينفعشي أكون صايمة. وفي نفس الوقت ما أقدرش أقول إني بأشرب شاي بعد الكباية ما تخلص.
فيه بقى ملحوظة مهمة
المفروض دلوقتي نكون فهمنا إن المدى الزمني للمضارع البسيط طويييييييييييل، بينما المدى الزمني للمضارع المستمر محدود.
يعني لما حد يعبر عن مشاعره تجاه حد ما ينفعش يعبر بالمضارع المستمر، طبعا إذا كان دا حب حقيقي.
فما ينفعش تقول لحدI'm loving you
وإنما تقول I love you
والمقصود هنا إنك بتحب الشخص دا طوووووووول عمرك، مش لوقت معين.
يارب أكون عرفت أوضح الفرق. ولو عاوزين تعرفوا كيفية تركيب الأزمنة أنا في إنتظار الآراء والتعليقات
والسلام عليكم
الذين يشاهدون الموضوع الآن: 1 (0 من الأعضاء و 1 زائر)