سنة 2100 تفقدو احوال الرعية ههههههههههه

[mano]

نظرة في أحوال عالم سنة 2100 ميلادية والتغييرات الفسيلوجية البحتية من المنطلق التربيعي في عالم البنات التكعيبي
وربنا لو حد سأل إيه اللى أنا قولته ده هايبقي يومه فحلقي غامق أووحلقي متختخ لأنى مش عارف انا بقول إيه أساسآ !!

البنت : حلوة أوى الميكروجيب والبادي اللى أنتى لابساهم دول يا تيته
تيته : لا حلوة ولا حاجة يا بنتى دي حاجة كده علي قد الحال حاجة من مجايب المرحوم جدك
البنت : الله يرحمه يا تيتة يا شقيه أنتى - بس أنتى مش شايفه أنهم موضه قديمة شوية
تيتة : ليكي حق تقولي عليهم موضه قديمة لأن عصرنا كان غير عصركم خالص وموضتنا كانت غير موضتكم خالص وكل حاجة كانت متغيرة عن الزمن ده
فين أيام زمان لما كانت البنت شريفه عفيفة طاهرة ماكانتشي تخلي خطيبها يلمس شعره منها ولا حتى يفكر يمسك إيديها - اللى كانت ماشية معاهم بس هما اللى يمسكوا ايدها ويمسكوا اللى هما عايزين يمسكوه
البنت : يمسكوا ايه يا تيتة
تيتة : هههههههه ( ضحكة ماكرة ) يوه إختشي يا بت هههههههه يمسكوا ايد مناخير ودان ويقعدوا يتمحلسوا كده لحد ما ياخدوا رقم الموبايل
البنت : طب وأنتى بقا يا تيتة أديتي رقم تليفونك لكام واحد غير جدو
تيتة : يا خبر أبيض هو كنت اقدر ادي رقم موبايلي لحد غير لجدك ولتامر وهيثم وهانى وسعيد وميمي وحاتم وسمير ووليد وعلي وعادل وصفوت واسلام بس
البنت : بس !!
تيتة : أه بس .. هو اللى وقع جدك فيا إيه غير أنى طاهرة وشريفه وعفيفة وعمرى ما عرفت حد علي كده غير الأتناشر دول
البنت : أتناشر بس يا تيته
تيته : أه يا بنتى أتناشر بس .. ماهما دول اللى كانوا بيعرفوا يبوسوا ههههههههه
البنت : هههههههههههه شقية أنتى يا تيتة
تيتة : إإإإإإإإإإإإإيه يلا بقا كان زمان وراح
البنت : بس مالقيتيش بادي أوسع من ده شوية يا تيتا ولا جيب اقصر من الميكرو ده دول موضيتهم بطلت من زمان اوى يا تيتة
تيتة : وأنتوا يا بنات اليومين دول تعرفوا إيه عن الموضة .. طب دا أحنا زمان كانت البنت تلبس أحلي موضه مش زي بنات اليومين دول
البنت : إزاى يا تيتة كنتوا بتلبسوا ايه يعنى ؟؟
تيتة : يعنى يا بنتى أيامنا كانت البنت محترمة .. تلبس البنطلون الساقط المحزق والملزق تقوليش لابساه بلبيسة جزم ولا داهنة رجليها فازلين علشان تعرف تلبس البنطلون - وتبقي ملعلطة كده وهى ماشية ضاربه زمبلك في وسطها وتلبس البادي اللى مابيباينشي غير بطنها ونص ضهرها بس
البنت : وهى البنات أيامكم يا تيتة كانت مش بتلبس غير بنطلونات وبس
تيتة: لآ طبعآ يا بنتى كنا بنلبس الجيب الطويل الماكس ده اللى بيبقي فوق الركبة بنص متر علي بادي شفاف علشان الشباب أيامنا كانوا عندهم عمى ألوان فكنا بنساعدهم يشوفوا الألوان إشي أحمر وأخضر واصفر ولمونى وأشي من غير الوان خالص ههههههه - ويا سلام بقي يا بت انتى اما جدتك كانت تلبس الطقم المخمخى وتنزل تتمخطر كده في وسط البلد يا خرااابي عاللى كان بيحصل في الشباب
البنت : كان بيحصل ايه يا تيتة ؟
تيتة : يا بنتى جدتك لما كانت بتتمخطر كانت توقف الشباب علي رجل واحدة
البنت : ليه يا تيتة هو انتوا كنتوا بترقصوا باليه هههههههههه
تيتة : هههههههه باليه ايه وقلة ادب ايه يا بت احنا بتوع باليه برضه احنا ماكناش بنرقص غير علي واحدة ونص بس
البنت : ايه واحدة ونص دي يا تيتة انتوا رقصوكم كان رجعى اوى كده :
تيتة : يا بنتى دا احنا كان عندنا عظماء الرقص في العالم
البنت : يا سلام
تيتة : أه أومال ايه كان زمان علي ايامنا عندنا فيفي عبده اعظم راقصه هزت مصر - كان عليها قلبظات ههههههههههه
البنت : قلبظات ايه يا تيتة - ايه الحاجات الغريبة اللى بتقوليها دي
تيتة : قلبظات يا بت اللى هما الـ --- يوووه شوف البت هاتخليني اغلط واتمسك أداب إزاى ههههههههه - ولا دينا يا سلالالالالالالالام عليها لما كانت ترقص يا بت بس أنا مش عارفه ليه كانت غاوية تلعب في مناخيرها وهى بترقص ههههههههه بس دي ما طولتشي !!
البنت : ما طولتشي ليه يا تيتة
تيتة : يلا بقي الله يسامحه حسام
البنت : حسام مين يا تيتة
تيته : حسام حسن -- ههههههههه اتلمي يا بت مالكيش دعوة ياما نفسي جدك كان يبقي اسمه حسام ( تيتة تمصمص شفايفها ) كان واد لعيب
البنت : لعيب ايه ؟؟
تيتة : لعيب كورة يا ختى اتهدي يا بت بقي وماتفكريناش بالذي مضي
البنت : طب نرجع للموضه يا تيتة لأنى مش فاهمة منك حاجة بصراحة
تيتة : أحسن برضه يا بنتى الا سيرة حسام بتنفضلي جسمي
البنت : طب مافرقشي كتير لبسكم يا تيتة عن لبسنا .. أحنا اليومين دول بنلبس جيب زيكم برضه بس مش طويل أوى كدة يا تيتا زى ماكنتوا أنتوا بتلبسوه زمان ايه فوق الروكبة بنص متر دي ههههههههههه امشي اجرجر بالجيبة في الشارع
تيتة : أه ماهو أنتوا الجيب بتاعكم فوق الوسط بنص متر مش فوق الروكبة والبادي الـ....
البنت ( مقاطعة تيتة ) : بادي إيه يا تيتا البادى ده موضه قديمة مفيش حد بقا بيلبس البادي ده والحاجات الغريبه دي
تيتة : أومال ايه يا بنتى مش بتلبسوا حاجة من فوق؟؟
البنت : لا يا تيتة بنلبس طبعآ
تيتة : بتلبسوا إيه ؟
البنت : كاب يا تيتة هههههههه وفي الشتا بنلبس أيس كاب هى دى الموضه يا تيتة
تيتة : ربنا يديكوا الصحة يا بنتى دي ايامكم دي ما يعلم بيها غير ربنا الله يرحم زمان وأيام زمان
البنت : ايه اللى يفرق زمانا من زمانك يا تيتة ؟
تيتة : زمان يا بنتى كانت كل حاجة فيها بركة كان كيلو اللحمة بستين جنيه وكيلو التفاح الأمريكانى الاحمر الحلو ده بتلاتين جنيه كان كل حاجة فيها بركة لكن دلوقتى يا حسرة عليكم وعلي زمانكم
البنت : كيلو اللحمة بستين جنيه بس يا تيتة دا أنتوا كنتوا عايشين أحلي عيشة والحاجة أياميكم كانت برخص التراب
تيتا : أه يا بنتى وكان كل حاجة ليها طعم حتى الأغانى .. ( تيتة تمصمص شفايفها تانى ) .. فين أيام زمان أيام الطرب الأصيل فين أيام محمد فؤاد وعمرو دياب ومصطفي قمر فين أيام سيدات الغناء العربي هيفاء وهبي ونانسي عجرم ياااااااااااااااه كانت أيام وكان فيه طرب اصيل فعلآ مش زى اليومين دول .. كنا بنقعد كده نسمع الأغانى الطويلة للمطربين دول ونتمزج من الطرب .. الأغنية تيجي كده تلات دقايق وساعات بتبقي اربعه كمان
البنت : يااااااااااااه يا تيتة كان عندكم صبر زمان تسمعوا أغنية تلات واربع دقايق
تيتة : أومال يا بنتى بس كنا بنستمتع بالطرب الصيل فين الاغانى بتاعت زمان فين بوس الواوا .. فين بابا أوبح .. فين لما كانت نانسي تجلجل برائعتها حبيبي قرب بص بص بص وفين طشت الغسيل و كل الشباب موطيين بيبصوا .. يااااااااااااه راحت كل الحاجات الحلوة دي
البنت : يلا بقا يا تيتة أنتوا هاتاخدوا زمنكم وزمن غيركم يعنى
تيتة : علي رأيك يا بنتى .. بقولك إيه ماتخلي الروبوت بتاعك يروح يجيب اللحمة من عند الجزار أنا بعتله الفين وربعميت جنيه وموصياه علي كيلو لحمة بتلو يبعتهولى البنت : الروبوت بتاعى بايظ يا تيتة ولولو هايجي يبات معايا النهاردة في أوضتى علشان يصلحهولى
تيتة : لولو مين ؟
البنت : لولو صاحبي في الجامعه يا تيتة هايبات معايا وبالمرة أعمله مساج علشان عنده لمباجو في قفاه
تيتة : مساج ولمباجو برضه يا عفريته ههههههههههه
البنت : أه يا تيتة يا شقية لمباجو هههههههههه وعايزاكى تاخدى ميمي وتروحوا تتفسحوا النهاردة علشان لولو بيتكسف ييجي وأنتى هنا
تيتة : ميمي مين ده يا بنتى
البنت : ميمي أبنى يا تيتة من لولو
تيتة : يوه أنتوا لحقتوا طب مش تصبروا علي نفسكم شوية علي ما تتجوزا ههههههههه أأأأأخ منكم يا بنات اليومين دول متسرعين كده علي طول

ولا عزاء للحبشتكنات

[shely]

لآ دول ناس فى عالم تانى

تسلم يا مانو

[بحر الحنان]

هههههههههههههههههههههه
لالالالالا ايه ده طب الحمد لله ان احنا في زمن نانسي وهيفاء
ههههههههههههههههه لا بس بجد جامده اوي
قال ميمي قال طيب ياست لولو
تحياتي ليك مانو

[haboosh]

ههههههههههههههههههههههههه هههههههههههههه
اي رعية اللي بدنا نتفقدها بعد كل هالكلام

[GOLDEN GIRL]

كاب يا تيتة هههههههه وفي الشتا بنلبس أيس كاب هى دى الموضه يا تيتة
ههههههههههههههههههههه
بجد صعبت عليا
ازاي ساكته علي نفسها كده
تؤتؤتؤتؤ
نايس توبيك يا مانو
ميرسي ليك

[برنسيسة الكافيه]

ههههههههههههههههههههههههه هه
فعلا من عالم تاااااااااااااني
شكرا عالتوبيك الرائع

[saso164]

ههههههههههههههههههههههههه
طيب كويس ان احنا في الزمن دا
بجد جاااااااااااااامد قوى
تسلم يا مانو

[m.chezoo]

هههههههههههههههههه
ايه التيته الاستايل دى هى زمنها اصلا كان امتى
بس تصدقوا بالله نص كلامها صح وللاسف

[esra2]

لا يا وله يا mano جـــــــــــــــــــــامد
بجد جامد بس الموضوع طول شويه منك

[سارة المصرية]

ههههههههههههههههههههههههه حلوة اوى يا مانو
بس عارف كلام الجدات دا بيبقى جميل اوى وممتع جدا هههههههههههههه
اصل جدتى بتعقد تحكيلى عن جدى واد اية كان بيحبها هههههههههههههههه
وطول ما بسمعها اضحك واحب كلامها اوى مع ان عندها يجى 80 سنة بس ماشاء اللهى عليها هههههههههههه
تسلم يا مانو