مفيش حاجه اسمها حب؟

[dr_manoon]

اللى عاوز يعترض يتفضل ويتكلم انا صدرى رحب بجد مفيش حاجه اسمها حب

حب الله اه طبعا وحب الوطن والاهل والاصدقاء ده اسمى معانى الحب وبيدوم ممكن الصداقه

متدمش فى بعض الاحيان لكن حب الحبيب بيزول مع الوقت حتى لو اتوفقو واتجوزا

هيقعد اد ايه شهر شهرين ده اللى واخدين بعض عن قصه حب حتى اول ميتجوز ا بيتدنى مستوى

الحب بعد كده ومبيرجعش زى الاول واللى بقى بيحبلى واحده لسه وماشى معاها هيعارضنى اوى

طبعا ازاى ده انا صادق فى كل كلامى معاها طبعا صادق فى كلامك وهى كمان صادقه

بس ببعد كده قولى النهايه ياما هيتجوز ياما هتفرقهم الايام انتهى ولالا حد يقولى انتهى صح

طبعا الحب السليم نهايته الوحيده الجواز بس انا بتكلم عن اهالينا مثلا بصلهم كده محد ش فيهم

بقى يقول كلمه رومانسيه لزوجته او ياخدها يعزمها بره و يجيبلها هديه فين وفيننننننننن

الحياه غصب عنهم تنقلب الى روتينيه وحياه جاافه وتصبح كلها مسخره لاجل الابناء ومستقبلهم

فقط لماذا تختفى ارق الكلمات وتزبل لماذا لاتستمر بعد الزواج كما قبلها ولا فعلا هذا سبيل محتوم لا مفر منه حد يجاوبنى فين الحب الصادق راح فين والاحاسيس الجميله

[العوامى]

واضح انك مجروحة من اللى اسمه الحب ده
موضوع جميل
ولى عودة

[العوامى]

بسم الله الرحمن الرحيم
أختى مانون أو زى مايكون اسمك
وطبعاً أختى لأننا كلنا اخوة فى المنتدى
بالنسبة للحب
هى كلمة كبيرة جداً
أكبر من أنى أوصفها بوصف مش عايز أقول عبيط
زى اللى بنسمع عنه اليومين دول
فلان بيحب فلانه وبيتقابلو فى المكان لفلانى
أو بيتمشو على الكورنيش وبيقولو كلام لايرقى أن لمرتبة السرير
مش مرتبة الرومانسية
ثانيا الحب ربنا قال انه من أهم اسباب استمرار الحياة الزوجية
وبصدق لايمكن استمرار الحياة الزوجية من غير مايكون فيه حب بين الزوجين
حتى لو كان كطرف خيط
لكنه لو انقطع الحب لن تدوم الحياة الزوجية
أنا صحيح ماتجوزتش لسة بس خبرتى فى الحياة مش قليلة
وأقدر أقولك من اللى بشوفهم قدامى أن الحب موجود بين الأزواج
بشرط انهم عمرهم ماكانو بيحبو بعض قبل الزواج
بمعنى أصح ما كانوش بيمشو مع بعض
وننتقل لنقطة تانية امتى الواحد يحب
بالنسبة ليا لما أخطب وتعجبنى خطيبتى أكيد هاحبها
لكن اللى بيقولو عليه الحب قبل الجواز
دة بيدمر الشاب والفتاة
بيخللى الشاب يفقد الثقة بالمرأة
ويخللى الفتاة تفقد أعز ماتملكه وهو كونها لؤلؤة مكنونة
فتاة حيية

أرجع تانى أقولك إذا كنت مجروحة من الحب
وده اللى واضح من كلامك
ياريت تسيبك من دة كله وتقربى على قد ماتقدرى من ربنا
وتدعيه يرزقك بالزوج الصالح اللى يصونك
كلؤلؤة مكنونة كما أخذك من منزل أبيك

وماتحاوليش تبحثى عن حب تانى علشان تنسى القديم
زى مابنشوف فى الدراما الخايبة
سامحينى إن خانتنى الألفاظ لكن أرجو أن تصل رسالتى
أخوك العوامى

[طيف عابر]

لا يا منى طبعا انا بحترم وبقدر رأيك كتير لكن اعطيكي مثال حي والله مو كلام ولا رومانسيه زيادة
ماما ....انا شفت منها فعلا انسانة احبت بصدق وكانت وما زالت و استمرت تحب بابا لغاية الان بعد ما توفى
كنت اشوف فيهم رغم انه ماما عمرها حوالي 46 سنة الان وبابا 55 عمره لما توفى الا انهم فعلا كانوا مثال لقصة حب مستمرة

يعنى خطأ الكلام انه الحب بينتهي بالزواج --يمكن الحب الغير حقيقي ويلي من بدايته حب كاذب غير صادق بينتهي بسرعة وما بيستمر

انا فعلا يمكن كنت اوافقك برأيك حسب يلي بشوفه الان من الشباب والصبايا هالايام لكن صدقينى الحب موجود ونحنا ظلمناه معنا بتصرفاتنا واننا صرنا نخلطه بالغرام والعشق والنزوات ...الخ

شكرا منى ولي عودة ان شاء الله

[Young DeviL]

بصي يا منون الحب كلمه غاليه جدا متتقالش علي اي علاقه من بتوع اليومين دول الي هو دا ماشي مع دي ودي مرتبطه بدا لكن الحب الحقيقي هو الامان والانسان طلما بيحب واحده مش هياذيها وهيتقدملها علي طول وحتا لو مش عنده مؤهلات لدا بس علي الاقل اهلها واهله يكونو عارفين لانه ميقبلش دا علي اخته
وطلما هو قبل انها تمشي معاه حتا لو كان بيحبها وهيا وافقت ايه الي هيعرفه ان هيا زي ما مشيت معاه لو سابها متمشيش مع غيره؟؟؟؟؟؟؟؟؟ وطلما حافظ عليها من اول ما حبها اكيد هتحافظ عليه لما يتجوزها وهتسعده جدا وهيفضل الحب بينهم

وفي كلام احنا ماشين عليه ان طلما الحبيب خاين يبقا الحب وحش او الحب مش بقا موجود احنا ليه نحكم علي الحب من تصرفات الانسان الي بيحب؟؟؟؟؟؟؟؟؟؟؟؟ مع ان الحب شئ والي الحبيب يعمله من خيانه او غدر شئ تاني خالص

تقبلي مروري وياريت تكوني استافادتي من كلامي

[Stop Ana Top]

ماليش أنا فى الكلام الكبير بتاعكم ده


أنا لاحبيت ولا هحب


أنا قلت ادخل أقول مشكور على التوبيك وبس


إنما سؤال بسيط



هى منون دى عملت الموضوع ومشيت ولا أيه ؟

[dr_manoon]

لا هنا لسه ممشتش لسه هظبطكم مواضيع انامعاكم فىكل اللى بتقولوه انا بس بتكلم عن واقع لكن انا الحمد لله متجرحتش انا نفسى بس الرومانسيه والحبتفضل موجوده وبصدق وطبعا قصدى جواز مش مشى سوا سوا وتفضل العلاقه زى ما كانت ايام الخطوبه ده قصدى ياجماعه نفسى تعملو على تحقيق ده تخلو الرومانسيه والحب معانا على طول مش الحياه تنقلب روتينيه ممله بعد كده شكرا لمروركم جميعا

[احمد ابراهيم]

الحب موجود لكن الناس هى اللى اتغيرت المادة طغت على الاحاسيس الجميلة كلة دلوقتى بيفكر فى الفلوس

[scorpion]

الحب موجود لكن الناس هى اللى اتغيرت المادة طغت على الاحاسيس الجميلة كلة دلوقتى بيفكر فى الفلوس

والله عندك حق
الكل دلوقتى بيدور على الفلوس
بس الحب موجود وهيفضل موجود

[dr_manoon]

مرسى يا سكوربيون على ردك اللذيذ فعلا
الماده طغت على كل حاجه