سؤال هام للمناقشة

[الفرعون الصغير]

ليه ياجماعة الناس الاغنياء ميشبعوش من الفلوس يعنى مثلا كون ثروة 2 مليون و3 مليون ليه مبيكتفيش بالثروة دى وانا على فكرة مبحقدش

هل ياترى بيدمن الفلوس

ولا كثرة الفلوس دى بتعمله الجبن فبيخاف من بكرة وبيسعى لتزويد ثروته

ولا بيغير ونفسه يحصل على لقب اغنى رجل فى العالم

ولا ايه بالظبط

ياريت اللى عنده اجابة تانية نشوف اجابته دى

[شمس]

يمكن السبب انه اتعود على مبلغ معين يصرفه في اليوم
ومن غير زيادة في المال المستوى ممكن يتدهور
الانسان البسيط أو العادي ممكن يتصرف في يومه
بأي مبلغ قليل كان أو كثير بيعرف زاي يحوش منه كمان
لكن ده صعب على الغني لأنه خلاص اتعود
ده رأيي
مشكور على الطرح

[شموخ انثى]

لاء السبب....

ان الطمع بيملى عينه...

مش بيبقى شايف الا الفلووووس وبس....

[الفرعون الصغير]

ميرسى شمس وشكرا جزيلا شموخ انثى بجد عجبتنى آرائكم

[-Nona-]

زى ما شموسه قالت هو اتعود على ان يصرف مبلغ ميعن يعنى لازم الفلوس تزيد علشان يعرف يصرف
لو اكتفه هتخلص الفلوس ومش هيعرف يعيش ابدا
ده رائ شكرا على الطرح

[عمر]

شوف يا سيدى
اولا: شكرا على طرح الموضوع ده

ثانيا: فى رايي ان اى انسان مهما كان معاه او بيملك مال ديما بيبقى نفسه يعمل اكتر و طبعا ده بينطبق على الفقير والغنى

[m.chezoo]

قالوا ميملاش عين ادم الا التراب .... والانسان بطبعه طماع

[عاشقة الرومانسية]

الانسان بطبعه طماع يعنى بجد العين مش بتكتفى خالص دايما العين عايزة الزيادة وبرضه مش هاتكتفى طالما فيه فلوس هاصرف
انما لو فقير هيحافظ على الفلوس اللى معاه عشان عارف مافيش مصدر تانى انما الغنى عارف انه مهما يصرف هيلاقى مصدر للفلوس
تسلم ايدك نايس توبيك

[mano]

لان النفس البشرية طماعة اصلا الا ما رحم الله

قال صلى الله علية وسلم
((( لو كان لبنى أدم وادى من ذهب لتمنى ان يكون لة واديان )))

او كما قال صلى الله علية وسلم

[الفرعون الصغير]

قالوا ميملاش عين ادم الا التراب .... والانسان بطبعه طماع

ميرسى نونا وعمر وشكرا عاشقة الرومانسية وميرسى مانو وام شيذو بجد مشاركتكم اسعدتنى جدا