منى واحمد فوق الكوبرى

[xXx SHaDY xXx]

منى واحمد واقفين فى عز الظهر على الكوبرى



منى : (برومانسيه) شايف النجوم ياحمد

احمد: نجوم ايه بس فى غز الظهر دا انا الشمس حرقت افايا

منى : الله ياحمد بص السحابه اللى هناك دى اللى عليها العصافير

احمد: لا والله ياحبيبتى انا مش شايفها بس شايف دخان عربيات خنقنى

منى : يوووووووه ياحمد خليك رومانسى شويه

احمد: رومانسى ايه بس وانتى مخرجانى فى عز الضهر كده انا الشمس كلت وشى وقالت انا شبعت

منى : انت مش بتحبنى والا ايه


احمد: ياستى بحبك

منى : لاء انت كداب انت مش بتحبنى

احمد: يعنى اولع فى نفسى بجاز عشان
تصدقى انى بحبك

منى : (والدموع على خدها) لا ياحمد انت اتغيرت خالص

احمد: ياحبيبتى والله بحبك

منى : لاء ياحمد متصلحش اللى انت عملته

احمد: وهو انا كنت عملت ايه بس

منى : (تعيط) اهئ اهئ اهئ

احمد: بتعيطى ليه دلوقت

منى : احمد طلقنى ياحمد

احمد: هوا احنا لسه اتجوزنا عشان اطلئك

منى :يعنى كمان مش عايز تطلقنى

احمديشد فشعره) يادى الليله السودا انا ايه اللى خرجنى بس

منى : كمان خليتها ليله سودا .. يعنى انا اللى خرجتك غصب عنك

احمد: ياستى مش قصدى. بصى انا مش هرد عليكى عشان مانتخانئش

منى : للدرجادى قرفان منى

احمد: (وشه يحمر من الغيظ) يعنى انتى عايزه تتخانئى وخلاص

منى : يعنى انا نكاديه ياحمد

احمد: لاء ......انا

منى : انت بتاخدنى على اد عقلى

احمد: حقك عليا وادى راسك ابوسها

منى : ياسلام كده بكل بساطه

فجأه يقف احمد على سور الكوبرى ويرمى نفسه فى الميه

منى : تفتكر ياحمد انى كده هسامحك



لو انت مكان احمد هتعمل اية هتعمل زي احمد

والبنات يقولو رايهم برضه

xXx SHaDY xXx

[Mona Sameer]

لو أنا مكان أحمد هارميها هيه فى الميه

[~ man neO ~]

ايه يا لومومبو جبت البت اللى دماغها جزمه اديمه دى
منين اوعى تكون ماجرها ههههههههههههههههههههههههه
بصراحه انا لو مكانو هتبارد انا ارمى نفسى واموت نفسى ليه
ولا ارميها واروح فى داهيه لى ...........................

[xXx SHaDY xXx]

ههههههههههههههههههههههه

ميرسي اووي ليكو

نورتو بجد

[احمد طنطاوي]

أنا لو مكانه :
أوقّف تاكسي .. وعلي العباسية عدل
دي العباسية أرحم منها .

[ميشو مصريه]

انا لو مكانه هرمي نفسي بجد

[xXx SHaDY xXx]

هههههههههههههههههههه

ميرسي اووي علي ردودكم الجامده دي

[-Nona-]

ههههههههههههههههههههه
هولع فيها واخلص منها نهائى
تسلم يا شادى

[كابوس الحرامية]

دة جنان دة ولا ايه يا عم الحاج دي بنت مملة اوي ليه حق الواد ينتحر

[xXx SHaDY xXx]

ميرسي ليكو

نوررررررررررررررتو