المشهد الأول والأخير

ابين زين واوشوش الودع
أفتح البخت وأشوف الودع

(سيدة تطل من شباكها): أنتى يا ست يا بتاعة البخت .... إنتى يا ست يا بتاعة الودع

أيوة يا أختى

اطلعى وحياتك... شوفيلى بختى...

لا يا أختى انزلى إنتى أنا جوزى محرج عليا أطلع بيوت...

يووووه ..... حاضر أنا نازلة أهو...

أيوه يا ستى يلا شوفيلى بختى...


خدى وشوشى الودع.... ( بتوشوش الودع): يا ترى العرسان مبيرضوش بيا ليه؟ يا ترى العرسان مابيرضوش بيا ليه؟



الست بتاعه الودع
أربعة خطبوكى ولما شافوكى جريوا وسابوكى.......

بس الأولانى أنا عجبته
عجبتيه وانتى راكبة الاتوبيس وكان ضلام ومطفية الفوانيس..





وطب والعريس التانى؟؟؟؟
العريس التانى جرى .... لقاكى وحشة ومتوحشة وشاطرة ف العض...

طب والعريس التالت؟؟؟
العريس التالت كان وجيه وزين وعنده محطة بنزين.... أول ماشافك راح واقع م الدرابزين....

طب والعريس الرابع؟؟؟؟
العريس الرابع لقى عضمة ايدك من كتفك منقولة ..... وسنانك من بقك مفصولة.... وانتي ف الأكل زي الغولة.....

طب قوليلى اعمل ايه؟؟؟؟؟؟

اسمعي يا شابة.....انتي تروحي لواحد عطار ويكون شهبندر تجار....
تشترى بقرشين مستكة... وشوية بخور متحبكة.....

وفاسوخة....... وخشبة زان مطبوخة...

وكبدة نملة..... من شبرا النملة...

وحداية بيضا يتيمة.... أو واحدة حمرا لئيمة....

ف حلة و تطبيخيهم..... وف طبق مكسور وتاكليهم...

وتقولي
فلفل يا فلفل هتلاها العريس يهبل
كمون يا كمون هتلاها العريس مش مجنون
حبهان يا حبهان هتلاها العريس طيب وغلبان
هتلاقى نفسك عانس لميه سنه قدام
وعمرك ما هتكونى مدام