قهوتنا على الانترنت
نجم مصراوي
الرخامة ليها ناسها...( الجزء الاول )
ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا باشا"؟!
الكهرباء لما بتتقطع بتروح فين؟!
لو فيه شجرة وقعت على الارض فى الغابه، هل بقية الشجر هيضحكوا عليها؟
ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟!
لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟
ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!
طيب لو كان الحب اعمى ..ليه واكلين دماغنا بالحب من اول نظرة؟
لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟
الأخرس بيكلم نفسه إزاى؟
ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!
معروف إن (اللي يتلسع من الشوربة ينفخ في الزبادى)، بس.. هل لو (نفخت في الزبادى) يبقى دا معناه إني (إتلسعت من الشوربة)؟!
ليه البنات بتفتح بقها وهيا بتحط (ماسكرا) ؟
إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!
ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!
ليه الناس مابتقولش (الرياضة فايز ومهزوم) غير لمّا تتغلب؟
ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟
ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!
ازاى تقدر تعرف المسند بتاع كرسيك فى السينما؟
ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة!
ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!
لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!
لو كانت الأرض كرة – زى ما بيقولوا – طيب الماتش هيبدأ إمتى؟!
واستنو الجزء التانى
التعديل الأخير تم بواسطة mano ; 12 - 3 - 2009 الساعة 03:49 PM
مصراوي مية مية
موقوف
تسلم يا باشمهندس
مؤسسي مصراوي كافيه
بجد رخم ......................... انتى جابوك منين؟
هو انت اللى كاتب الموضوع ده؟
................. هو انتامعانا فى المنتدى ولا جاى زياره؟
اكيد انتا عارفنى ولو نسيت افكرك هههههههههههههههههه
تسلم يا مانو .................. انا عندى سؤال واحد
هو انتى "مانو" بتاع الاهلى ولا تشابه سلطات
مستنىىىىىىىىىىىىىىىىىىىىى ىىىىىى الرد يا مان........و
لالالالالالالالالالالالال الالالالا كدة كتير كتير جبتلي الضغط هههههههههههههههههه
اللهم اني استودعتك اياه يا من لا تضيع ودائعه فاحفظه لي من كل سوء
..
اذكروني بالخير
قران يتلى اناء الليل واطراف النهار
http://www.tvquran.com
البحث على جميع مواضيع العضو كابوس الحرامية
نجم مصراوي
هههههههههههههههه شكرا للمرور الضاحك دة يا بوبالمشاركة الأصلية كتبت بواسطة الابنودي
نجم مصراوي
شكرا يا سيف لمرورك ونورتنى واللهتسلم يا باشمهندس
نجم مصراوي
عبدة حبيب هارتى نورتنى والله يا بومبوووو وعلى فكرة حلم حياتى انى العب للاهلى
نجم مصراوي
هههههههههههههههههههههههه يعنى من اول توبيك تشوفية ليا جالك الضغط؟؟؟ دة على كدة انتى فرفورة اوى......على كدة بقىلالالالالالالالالالالالال الالالالا كدة كتير كتير جبتلي الضغط هههههههههههههههههه
لو شوفتى موضوعين ولا تلاتة هتموتى مننا ...اسالى الناس انا بعمل فيهم اية
ونورتى يا جميل
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
