اوعى تقعد مع جدتك ؟؟!

[mEsH mEsH]

شوفوا الجدة وعمايلها ليلة الإمتحان

الله أكبر الله أكبر..أذان الظهر..

يارب.. يارب بحق ده الآدان تنجح يا خالد يابن ابنى وأشوفك دكتور أد الدنيا -

ياستى بس أنا فى تجارة-
وماله يابنى هو يكتر على ربنا...... ده ربنا قادر على كل شئ -

ياستى ونعم بالله بس اللى بيطلع دكتور لازم يكون فى كلية الطب مش التجارة-

ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-

ياستى التجارة اللى فى الوكالة حاجة واللى فى الكلية حاجة تانية-

ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-

جدى إيه اللى هايخدنى معاه .....ده جدى مات من زمان ياستى-

يامصيبتى عبد الواحد مات..ياحبيبى ياأخويا..مكنش يومك ياسبعى-

ياستى ده ميت من تلتين سنة-

تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

ياستى حرااام عليكى عايز أذاكر بقى-

يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-

ياستى دبلون إيه..أسمه البكالوريوس-

أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-

خلاص دبلوم دبلوم ياستى ..سيبينى بقى عشان أذاكر -

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان

ياستى عبير دى معاها أعدادية-

-وماله يابنى ...الراجل مايعبهوش إلا جيبه

راجل ...راجل مين ياستى...عبير دى بنت -

-عبير ...عبير مين ياوله..أنته بتعرف بنات من ورانا

لا إله إلا الله....أبوس رجلك ياستى أرحمينى بقه -

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-

حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -


لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-

خلاص روحى المطبخ ...أهو زمان أمى خلصت الرز-

رز...رزإيه يابنى....هوأنا ليه سنان للمكرونه...أناهطلع البلكونه أحسن-

طب أبقى خلى بالك م الهوى ياستى-

هوى لما يلطشك يا.........!-

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة
قبل ما أكتب أهم حاجة فيها

ياترى أنا كان إسمى إيه؟؟ ياترى كان إسمى إيه؟؟
انا مين انا ليييييييه انا ازااااااى ؟؟؟!!!!

[كابوس الحرامية]

هههههههههههه حلوة اوي نورت المنتدى والله

[mEsH mEsH]

هههههههههههه حلوة اوي نورت المنتدى والله

المنتدى منور
بوجودك
اشكرك على زوقك
ربى يسعد ايامك

[!i..DEEP SECRET..i!]

ههههههههههه ... بجــــد كلام جاااامد

تسلم إيديكى ياقمر ع الموضوع الراااااااائع

......

بس مش كــل الجـدات كـدا

يعنــــى جدتى الله يخليها لى .. طيبة الدنيا فيها

ومـــش بالطريقه دى يعنــــى

....

بس عالعموم

مشكووووره

وفى إنتظار جديدك

[mEsH mEsH]

ههههههههههه ... بجــــد كلام جاااامد

تسلم إيديكى ياقمر ع الموضوع الراااااااائع

......

بس مش كــل الجـدات كـدا

يعنــــى جدتى الله يخليها لى .. طيبة الدنيا فيها

ومـــش بالطريقه دى يعنــــى

....

بس عالعموم

مشكووووره

وفى إنتظار جديدك

ميرسى لمرورك
وتسلم انت لوجودك
وربنا يخلى جدتك يااااااااارب
وانا مش بعمم على كل الجدات
iust kidding
المنتدى منور بوجودك
نورتنى

[!i..DEEP SECRET..i!]

ميرسى لمرورك
وتسلم انت لوجودك
وربنا يخلى جدتك يااااااااارب
وانا مش بعمم على كل الجدات
iust kidding
المنتدى منور بوجودك
نورتنى

ههههههههه ..

الصراحه أنـا حاولت أفهم كلامـك

بس ماعرفتش ... خخخ

ممكن تترجميلى ؟؟

وسورى ع الإزعاج

[mEsH mEsH]

ههههههههه ..

الصراحه أنـا حاولت أفهم كلامـك

بس ماعرفتش ... خخخ

ممكن تترجميلى ؟؟

وسورى ع الإزعاج

مش قادر تفهم ايه بالظبط ؟؟
هو انا بتكلم هيلوغريفى
هههههههههههه

قولى ايه الى مش فاهمه
وانا مستعده للترجمه

[!i..DEEP SECRET..i!]

مش قادر تفهم ايه بالظبط ؟؟
هو انا بتكلم هيلوغريفى
هههههههههههه

قولى ايه الى مش فاهمه
وانا مستعده للترجمه

أولاً :-

أنــا بنت مش ولــد

ثانيـــا :-

ولا يهمك ياقمر

إنسى الأمر ههههههه

مشكوره على أى حال

سلام ... بدل ما يتقلب الموضوع لشــات

[الفتاة الصغيورة]

ههههههههههههههههههههههههه ههههههههه
لا جااااااااااااامدة جدا بس برضو مش كل الجدات
يسلمووو حبيبة قلبي دمتي بخير

[mEsH mEsH]

أولاً :-

أنــا بنت مش ولــد

ثانيـــا :-

ولا يهمك ياقمر

إنسى الأمر ههههههه

مشكوره على أى حال

سلام ... بدل ما يتقلب الموضوع لشــات

اولا انا اسفه
سماح بقى
ثانيا
محصلش حاجه
وانتى نورتينى يا جميل