ادخل وشوف سندريلا 2008

[BA7IBAK YA BOY!]

شوفو يا جماعة صة سندريلا الجديدة ودي طبعا مواكبة للعصر الحالي

سندريلا 2008


تدخل مرات الاب على سيندريلا في الدولاب الي بتنام فيه
مرات الاب : بت يا سندريلا اصحى يا بت كاك خابط فى نفوخك
سندريلا : اييييه يا مرات ابويا خمسه اخطف حلم سريع بس وحقوم
مرات الاب: قومى يا بت قامت قيامتـك
وصحيت سندريلا وهى بتأفأف وتفتــف
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك روش
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح بليز بليييييييز
مرات الاب : ايه بليز دى كتك القرف وتروحى فين يا مو***ـه بلبسك المهرول ده انا عايزه ارجع الاقى البيت بيبرق من نضافته
ومشيت مرات الاب وبناتهاالخمسة وقعدت سندريلا تعيـط وتئوأء
وفجــأه طلعتلها الســاحره من البوتاجاز
الساحره : مالك يا سندريلا
سندريلا : كان نفسى اروح معـاهم الحفله بتاعة عمرو دياب بس لبسى مقطع و موبايلى مفهوش كريدت(رصيد) ولابسه شبشب بصباع
الساحره : ولا يهمك
وطلعت الساحرة من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل
فرحت سندريلا ولبست وحطط الايشادو و الجليتور ورشت البرفان
بس الساحره قالتلها : قدامك للساعه 12 لازم ترجعى والوقت كالحبل ان لم تقطعة ربطك وكعبلك وقعد يخنق فيكى...........
انا صعيديه ودمى حامى ومعندش بنات تتأخر
و لو اتأخرتى حترجعى زى ما كنتى بلبسك القديم وسط الناس يامعفنة انتى بت بيئة صح
سندريلا : حاضر حاضر اما ساحره زبالة صحيح
سندريلا من البيت لقت الساحره مجهزة عربية هوندا ركبت سندريلا وراحت ع القصـر
ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت
نظرات .. . همسات .. .. صمــت ... ..... حــــب ترررررررررن ترررررررررررن
سندريلا : ده الساحره بتدينى ميسد كول .. يا خبر الساعه 12
وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير المعجب و نده للوزير
الامير : يا وزيرهيثـــــم
الوزير : امرك مولاى
الامير : خد الجزمه دى اسحبلى صورتها اسكانر
و نزل صورتها فى كل الجرايد و ع الويب سايت بتاع قريتنـا وعلى قناة ميلودى افلام
واكتب الى صاحبه هذه الجزمه التوجهه للقصـر الملكــى فوراااااااااا
بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا مقاس رجليها رجل معزه )
وبعد كده شاهدت سندريلا الاعلان عن فرده الجزمه على ام بى سى تو
مع انه معملش اعلان خالص على القناة دى
وقامت بالتوجهه الى القصر وتزوجت هى والامير
وعاشو فى تبات ونبات و خلفو تؤام ملتصق وشويه بنات والحياة بقت بمبى بمبى.

[محمد المغازى]

ههههههههههه
جميله يا ريم والاجمل طريقتك فى كتابة القصه

[العوامى]

تسلم ايديك ياجمر
أما انت عليكى شوية كلام

[Stop Ana Top]

سندريلا أخر زمن


تسلم ايديك يا ريم على القصة الجميلة

[Essam Net]

ههههههههههههههههههه

حلوه اوى الساحره النص كم دى ..

وشكرا ليكى ريم ..

[BA7IBAK YA BOY!]

ههههههههههه
جميله يا ريم والاجمل طريقتك فى كتابة القصه

بجد الاجمل من الاتنين
هو تواجدك الكريم
ومرورك لموضوعي
اسعدني تواجدك يا جميل

[BA7IBAK YA BOY!]

تسلم ايديك ياجمر
أما انت عليكى شوية كلام

ههي ههي ههي ههي
تسلم انت يا جمرين علي المرور المميز
اسعدني تواجدك

[BA7IBAK YA BOY!]

سندريلا أخر زمن

تسلم ايديك يا ريم على القصة الجميلة

تسلم انت يا جميل علي المرور المميز
نورت بتواجدك

[BA7IBAK YA BOY!]

ههههههههههههههههههه

حلوه اوى الساحره النص كم دى ..

وشكرا ليكى ريم ..

الشكر ليك علي المرور المميز
ونورتني يا جميل

[أحمد عمر]

)