انا لا اكذب ولكنى اتجمل ........؟؟؟

[شيري العسولة]

انا لا اكذب ولكنى اتجمل
عنوان فيلم شهير وقديم للراحل احمد ذكى
قد يتعجب البعض من موضوعى ويتسأل لما العنوان؟
لماذا تخيرت هذا العنوان لموضوعى؟
ولن اجعلكم تطيلوا الانتظار
فسوف اجيب عن كل تسألاتكم فورا
اعزائى اليوم اصبحنا نعيش فى عالم ملئ بالكذب
عالم سمة اهله الكذب وفقط الكذب
اصبحت اليوم تمر كل يوم بمعرض الكذب
معرض مفنوح كما يقولون فى ايامنا على مدار الساعة دون توقف او اغلاق ولا حتى فى الاجازات الرسمية
معرض لا يمل عارضيه من عرض بضائعهم فيه باستمرار
وهى فى كل يوم متجددة وكل يوم ذات نكهة جديدة
حتى الكذب اصبح منكها
فاليوم تتذوق كذبا بطعم الصداقة
وفى الغد تتذوق كذبا بطعم الحب
وبعدها تتذوق كذبا بنكهة العطف
وفى كل يوم نكهة جديدة للكذب نكهة جديدة للخيانة
ويبقى امامك طريقين عليكم الاختيار بينهما
الاول ان تكون كاذبا خادعا خائنا حتى تستطيع العيش فى هذه الدنيا
والثانى ان تبقى انسانا تحمل بداخلك الصدق والطهارة ولكنى فى هذه لحالة يبكى قلبى من اجلك فسوف تتذوق مرارة الكذب كل يوم من اقرب الناس اليك
والان سؤالى لكم جميعا
لما نكذب؟
هل ترى انه قد يسمح لك بالكذب من اجل تتجمل؟
مامعنى(انى لا اكذب ولكنى اتجمل)
هل فى الكذب من جمال؟
هل ترى ان الكاذب يملك دوافع قوية لكذبه؟
وفى النهاية سؤال صريح للجميع
هل سبق لك ان كذبت لتتجمل؟
ساترك لكم كلماتى ولكم ان تجيبوا عما تشاؤا ولكم ان تقذفوا بباقى الاسئلة عرض الحائط ولكم ايضا اضافة ماتشاؤؤن من الاسئلة او الاجابات
خالص ودى وتقديرى لكل من قرأ كلماتى
وتحياتى للجميع

[No TiMe]

اول حاجه السلام عليكم والف حمد الله علي السلامه يا شيماء نورتينا بجد غريبه كنتي فين المده دي كلها علي العمووم نورتينا من تاني ويا ريت لا تغيبي
ثانيا
الكذب
بقت في كل واحد فينا الكل بيكذب حتي انا بكذب بس كذب عن كذب يفرق ازاي يعني في ناس بتكذب علشان نصالح بين اتنين وغيرها اما الكذب الي انتي تقصديه علشان يتجمل دا حاجه وحشه ما هيا عليها سيئات اصلا يعني حتي لو ضهرت قدام الناس
حلو هتضهر بينك وبين نفسك واحد كذاب يعني هيكون فيها ذنب انت شلتو لانك كذبت بس مش اكتر وانا قلتها مفيش حد فينا الا ما كذب

يسلموو شيماء موضوع حلو بجد وتقبلي مروري ولا امشي

[شيري العسولة]

لا خليك ياعم ومالو منور بردو

ثانيا انا متفقة معاك ف وجه نظرك
بس بردو الكذب كذب ولا اية


وتانى خاليها فى سرك ل على يسمع زي ماتفقنا شيري
انت عارف ماقدرش على زعلو ا

ثالثا
والله غصب عنى الغياب ده بس ان شاء الله هاتتظبط

رابعا واخيرا
شكرا لمرورك الرخم قصدى الجميل

[esra2]

أزيك يا شوشو
أولاً أنا حبيت أشاركك فى موضوعك لأنى للأسف لو حد كذب عليا و لو حتى هزار مقولكيش بعمل ايه ولا أقول؟
أنا ممكن معرفهوش تانى مع أن ده بيكون هزار
بس أنا عندى اللى يكذب هزار يكذب بجد
و اللى مره يكذب يعملها مرتين و ثلاثه
للأسف أنا مش بسامح حد فى الحكايه دى لأنى مش بقدر عشان كده خسرت ناس كتير(أوى)
هو أنا كده مزوداها؟؟؟؟؟؟؟؟؟؟؟؟

[شيري العسولة]

بصى ياسوسو ياحبيبتى انتى صح بس مزوداها شوية
لان فى كذب لو ماتكذبش الحياة تقف
بس تقولى اية
بس الحمد لله انا كمان مش بحب الكذب بكل انواعة
وهى دى مشكلتى بردو
بس مش مزوداها زى ناس
هههههههههههههه
تسلمى ياقمر للمرور الجميل

[عمر]

اذيك يا شيري
يا ريت تقبلى مروري على موضوعك الجميل
انا فى رايي ان ساعات بنكدب علشان بنبقى فاكرين ان ده هيخرجنا من ورطات كتير بس ده بينقلب العكس بعد كده وبنقول يا ريتنا قلنا الحقيقه
وساعات بنكدب علشان نظهر بصوره سبور من وجهة نظرنا وده بردو اخرته بيكون نتيجته مش كويسه. والاهم ان معظم الناس لما بتكدب هى بنفسها بتكشف كدبها ااو مع الوقت بينكشف كدبها.

[بحر الحنان]

السلام عليكم اهلا بيكي ياشيري نورتي
طبعا اه الموضوع ده كتر اوي وخصوصا اليومين دول
كل واحد بيحب يرسم نفسه عالتاني اوي مش بس عشان كده طبعا المصالح
بس انا والله مابحب الكذب ولو كذبت بصراحة عشان حاجة ماتضرنيش مش اقصد
لكن هو عالموم الكذب في انواعه شئ مش كويس وحرام طبعا لا ربنا يهدينا بقا
ومانبقاش غير بقلوبنا الصافية بعيدة عن اي مصالح ميرسي ليكي ياجميل

[شيري العسولة]

اذيك يا شيري
يا ريت تقبلى مروري على موضوعك الجميل
انا فى رايي ان ساعات بنكدب علشان بنبقى فاكرين ان ده هيخرجنا من ورطات كتير بس ده بينقلب العكس بعد كده وبنقول يا ريتنا قلنا الحقيقه
وساعات بنكدب علشان نظهر بصوره سبور من وجهة نظرنا وده بردو اخرته بيكون نتيجته مش كويسه. والاهم ان معظم الناس لما بتكدب هى بنفسها بتكشف كدبها ااو مع الوقت بينكشف كدبها.

طبعا مرورك منورنى عمر
انا معاك فى اللى انت بتقولة بس ارجع واقول الكدب كدب بردو
منور ياباشا

[شيري العسولة]

السلام عليكم اهلا بيكي ياشيري نورتي

طبعا اه الموضوع ده كتر اوي وخصوصا اليومين دول
كل واحد بيحب يرسم نفسه عالتاني اوي مش بس عشان كده طبعا المصالح
بس انا والله مابحب الكذب ولو كذبت بصراحة عشان حاجة ماتضرنيش مش اقصد
لكن هو عالموم الكذب في انواعه شئ مش كويس وحرام طبعا لا ربنا يهدينا بقا

ومانبقاش غير بقلوبنا الصافية بعيدة عن اي مصالح ميرسي ليكي ياجميل

النور نورك يانهى ياقمراية
والله معاكى حق بس عارفة حتى لوكدبتى علشا المشكلة تتحل بردو الكدب بيرجع فوق دماغ اللى يكدب
هههههههههه

تسلمى يااحلى نهى فى الدنيا

[wed]

يمكن الكذب حرام لكن الله جميل ويحب الجمال يمكن الانسان في لحظات يتمنى ان ربه خلقه اعلى من مستواه ويكذب على نفسه واول واحد هو يصدق كذبته