أحبابي وإخواني وأخواتي بالمنتدي الموقر
هذه الكلمات مهداه لكل الأمهات بمناسبة عيد الأم الغالية علي كل واحد مننا وأيضاااا
لهذا المنتدي الشامخ بيكم جميعا
تقبلوا تحياتي
ودمتم بكامل قوتكم وسعادتكم
اخوكم محيى زقزوق
بدونكم انا شيء تاني معرفوش ولا حبوش
قلبك يا أمي أنا
يانبع كله حنان
من شهد من تغريد
ياليلة فيها القمر
نوره علينا جديد
وأنا معاكي و ليكي
بغني أحلي نشيد
لولاكي كان الزمن
قاسي وطبعه شديد
قلبك لباب السما
دايما كده مفتوح
الليل وفيه تسهري
دايما تقاسي جروح
لو حاسه فينا بألم
قلبك يبات مجروح
قلبك يا أمي أنا
ساكن في روح الروح
يسقينا حب وهنا
ومعايا فين ما بروح
أنا ليكي همس وضنا
وطيبك بلمسي يفوح
بطول سنين عمرنا
نلاقيكي كتاب مفتوح
حضنك محبه وصفا
فيه الدفا محلاهـ
صبرك بيكبر بنا
بوحي منين جايباهـ
إحتار معايا القلم
والفكر تاهـ وياهـ
قلبك يا أمي أنا
ما أوفي حقه إنما
عايش كدهـ برضاهـ
والله باريء السما
أنا مالي قلب سواه
من قلبي بدعي ربنا
يارب طول عمرها
عشان دي شايله همنا
ومهما بعدنا بذنبنا
وإسينا علي ودها
بنلاقيها جنبنا
تنسي إيللي كان
من طبعنا
تمسح بشوق دمعنا
مين غيرها يسكن قلبنا
هي أكيد أمنا
هدية من ربنا
وصي عليها نبينا
يارب بارك لنا
في أمنا
عشان دي أول حبنا
ياحظنا بدعاها
وقت الرضا
هي المنا
لكل واحد مننا
إلهي بارك لها
في عمرها
هي الحياهـ والمدد
لقلبنا يوم ما إتولد
وحنانها كان لينا
في المهد فرش وغطا
وهي بركة عمرنا
هي العطا ياسعدنا
دي أمنا دي أمنا
==========================================
كلمات- محيى زقزوق 19-01-2009م
التعديل الأخير تم بواسطة محيى زقزوق ; 20 - 3 - 2009 الساعة 11:25 AM سبب آخر: تعديل النص
أحبابي وإخواني وأخواتي بالمنتدي الموقر
هذه الكلمات مهداه لكل الأمهات بمناسبة عيد الأم الغالية علي كل واحد مننا وأيضاااا
لهذا المنتدي الشامخ بيكم جميعا
تقبلوا تحياتي
ودمتم بكامل قوتكم وسعادتكم
اخوكم محيى زقزوق
بدونكم انا شيء تاني معرفوش ولا حبوش
بدونك انا شيئ تانى خالص خالص خالص ..
الكلمات جميلة بجد
وان شاء الله هخى امى تدعيلك على هذه الكلامات الطيبة
تقبل مرور وتحيات وتقدير
اخوك شيخ البلد
مش قادر اتخيل
الدنيا من غيرك
ولا كنت هاقدر اكمل
يوم من عمرى من غيرك
بحبك يا امى
دى اقل حاجه ممكن نعملها علشانك يا امى
كل ام مصريه وهيا طيبه وبالف خير وسلامه
مشكور جداا على الموضوع الجميل ده
الى خلانا نقدر نقول لو حاجه بسيطه
لاغلى شئ فى حياتنا
هيا أمنا
اسف على الاطاله
مالوش حدود
ما فيش حب
اصدق حب هو للام
واجمل مشاعر هي مشاعرها
ولا زيف ولا خداع ولا جراح
الف شكر لك على الاهداء الجميل
يسلمووووووووو الايادي
قلبك لباب السما
دايما كده مفتوح
الليل وفيه تسهري
دايما تقاسي جروح
كلمات جميلة ومعبرة
وبجد كلنا محتاجين اننا
نعرف فضل الام علينا
بارك الله فيك
الذين يشاهدون الموضوع الآن: 1 (0 من الأعضاء و 1 زائر)