مصراوي جديد
ده بس تمهيد وبعدين ندخل على المفيد
إهداء
إليك يا من تحبو الآن
وتلهو بين قدميّ
أهدي مذكراتي .. خلاصة حياتي
فهي نبراسك إن أظلمت الحياة .. لتكمل ما بدأته
فتقبلها هدية .. وأحسن النية
والدك
شـــــــارك صـــــح
مقدمة المذكرات
اسمع كلامي وافهم ما بين السطور وصحصح
دي مذكراتي تاريخ حياتي انا اسمي شارك والأب صح
وقبل قولي لربي حامد واديا مادد بدعائي أنجح
أصلي وسلم على محمد و أهل بيته وقلبي يفرح
وأما بعد ..
بدايتي كانت
لما لقيت الدنيا ضاقت
والحالة ساءت
وانتشر شر البشر وانيابه بانت
والإيمان ساب القلوب .. ضاعت
والاختراع الجديد دخله الولد والبنت
اسمه دا ايه؟ اسمه قال ايه .. انترنت
بيقولوا انترنت عالم في الفضا المفتوح
بيقرب العالم يخلي ما كان محال مسموح
والفضا دا لعبتي
قررت اسافر جوه الفضا وأروح
هدفي أصلح قلب خدعه الاختراع ..
هدفي أصحي الضماير و الروح
وقصد القول ..
عندي سفينة صغيرة اسمها .. اكسبلور
ركبت فيها وطرت أنا بين الظلام والنور
عمال ادور وحاير منين راح ابدأ رحلتي ومين عليه الدور؟
يا عم انترنت فيك الشات والشهوات
فيك الأغاني و اللي جاني وفيك هفوات
قالولي جوه العم نت هتلاقي منتديات
منها هتبدأ اصلها شهرتها واسعة
أصلها عالي ..أميرة م الأميرات
يا عالم يا كواكب ياللي ساير واللي راكب
فيه أميرة في حيكم اخده شهرة في نتكم
الاسم منتديات والوصف قالوا اميرة
واللي يلاقيها له عندي جايزة كبيرة
وفضلت ادور وأدور لحد م لقيتها
عيونها سارحة وحزينة قافلة عليها اودتها
خبطت ع الشباك والباب.. ناديتها
فتحت ودار بينا حوار
القصد عرفت نيتي
وعرفت شكوتها ...
شارك صح: السلام عليكم
المنتديات : وعليك السلام
شارك صح : اسمي (شارك صح) من كوكب الإصلاح .. جيت هنا بسفينتي الفضائية قاصداً إصلاح عالم الانترنت.
المنتديات : يااااااه .. لوحدك ؟
شارك صح : ربنا معايا وأنتي إن شاء الله هتساعديني
المنتديات : أساعدك؟ ازاي؟
شارك صح :احكيلي .. قوليلي اللي تعبك ومزعلك.
المنتديات :يا بني انا يوم ما عملوني مكنتش كدا .. صحيح مكنتش مشهورة زي دلوقتي بس كان حالي أحسن من كدا
شارك صح :وماله حالك دلوقتي .. صارحيني.
المنتديات :ياااااه هقول ايه ولا ايه؟ قوم معايا وانا اوريك.
شارك صح :ايوه كده هو دا الكلام بينا ع الشغل
وانطلقنا بسفينتي الفضائية ..دلتني هي على الطريق
شارك صح :ياه كل دي منتديات .. كل دي شاشات مفتوحة على عالمك؟
المنتديات :طبعاً .. أمال انت كنت فاكر ايه ؟ تعالى أدخلك شوية منها وتشوف بنفسك حجم المشكلة.
------------
طوفنا وشوفنا كتير ضحايا وجناه
منكرش كان فيهم صحيح العارفين لله
بس الضحايا كتير هنخش نعرف منهم
ايه اللي جابهم هنا ومين اللي ضللهم
ونشوف سوا كل اللي شارك غلط
وليه مكنش الصح
دي كانت بس البداية
من مذكرات شارك صح
وفي الصفحات القادمة من مذكراتي
ستجدون خلاصة رحلاتي
مع المنتديات العربية
على متن السفينة
اكسبلور
التعديل الأخير تم بواسطة شارك صح ; 21 - 3 - 2009 الساعة 12:49 PM
بداية اكتر من موفقه ورائعه وبما ان الهدف سامي ونبيل يبقى اكيد النجاح حليفكم ان شاء الله
حقيقي اتمنى لكم الانتشار
ونشر فكركم لاننا محتاجينه كتير
وحتى الصح برضه للاسف معرضين يغلطو داخل هالعالم الغريب العجيب
صاحب الاثر المخدر للعقول والقلوب
بالتوفيق يا رب
والله يستر
طوفنا وشوفنا كتير ضحايا وجناه
منكرش كان فيهم صحيح العارفين لله
بس الضحايا كتير هنخش نعرف منهم
ايه اللي جابهم هنا ومين اللي ضللهم
ونشوف سوا كل اللي شارك غلط
مصراوي
.... بجـــــد أسلوبــك رهيييييب....
بالتوفيق ... وبإنتظار التكلمه
تحياتى الحاره لـك
ولاتحرمنا جديدك
فى أمان الله
التعديل الأخير تم بواسطة !i..DEEP SECRET..i! ; 21 - 3 - 2009 الساعة 01:12 PM
عضو مميز
كام مليون سفينه وكام مليون ربان
عشان يصح الصح والمستخبى يبان
بالتوفيق إن شاء الله
ياطيف طيفك فى القلوب وأمة الله الساجدةوقلوبنا لن تنساك أختنا ساجدةولكل خبرا مبتدا ذكرى لكم ولياربى بارك ساندرا ربى بارك دالياالبحث على جميع مواضيع العضو zezo1
طبعا كلنا معاك
وبانتظار الرحله الجميله الى اكيد هانستفيد منها
شكرا لك
مصراوي مفيش منه
والله مش عارف
اقولك ايه على الكلام الاكثر من رائع ده
بجد اسلوب وتنظيم وكلام هادف جداا
ما تحرمناش من جديدك
واهلا وسهلا بيك فى منتدانا
منتدى الحب والترابط
تقبل مرورى
واسف على الاطاله
كاتب مميز
احلى من السكر واهم من الملح
مشارك مبدع بنقول شارك صححقيقى مشاركة مفيدة ورائعة ومهما قلنا من كلام هنبقى لسه عايزين نقول كلام كله احتراماكتسبنا مبدع فنان
المنتدى بيك كسباندمت بالف خير وسنتابع للاستفادة
مصراوي جديد
المشاركة الأصلية كتبت بواسطة SaMa aHMad
الله المستعان
سيأتي النجاح بعون الله ثم بعونكم
وجزاكِ الله كل خير على التثبيت
وانتظروا البقية
مصراوي جديد
جزاكِ الله كل خير على المرور الكريم
وانتظري معنا البقية
في حفظ الله ورعايته
مصراوي جديد
سفينه واحده وربان
هنعلي الصح والله المستعان
تسلم أخي زيزو على المرور الكريم
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
