مصطفي كامل يغني"--لأسمك تون--">
رد مع اقتباس
أنا هكتب الجزء الخاص بمصطفى كامل
المصدر جريده الموجز عدد الثلاثاء 27 يناير
فى ظل أنتشار عدوى غناء الملحنين والشعراء وأبتعادهمعن مهنتهم الاساسيه التى أبدعوا فيها كثيرا وكانت لهم الكلمه العليا زمنا طويلا والتى بها ساهموا فى وصول عدد من المطربين ألى الشهره والنجوميه قررنا البحث عن سبب انتشار هذه الظاهره ومعرفه السبب الذى جعلهم يتجهون ألى الغناء استضفنا عددا من النجوم فى ندوتنا وكان ضيوف الندوه كل من مصطفى كامل والذى كان من ابرز واقوى الشعراء فى الوطن العربى وعصام كاريكا ومحمد رحيم الذان كانوا من أقوى الملحنين فى مصر
فى البدايه هناك سؤال بيشغل بال الالاف بل الملايين لا بد أن يجيب عليه كل منكم وهو ليه غنيتم؟؟
مصطفى كامل قال أنا ليه ما اغنيش وأيه المانع أن الواحد يبقى يبقى أسم معروف وشكل معروف ويحضرنى مقوله لما عرض عليا الغنا سألت النجم الكبير محمد منير لما كنت بعمل معاه اغنيه ليه يا دنيا الواحد هو والمطرب خالد عجاج وقولتله أنا معروض عليا أغنى وأنا بحب الغنا فقال ليه متعملش كده طالما أنت حابب قولت له بس أنا خايف قالى هو أنت هتفتح سوبر ماركت أنت هتعمل حاجه بتحبها وقريب منها وفاهم فيها والصراحه أنا قولت لو ما نجحتش فى الغناهعتذر للجمهور وهرجع تانى للتاليف ومانساش يوم ما عملت اغنيه أسمريكا للمطربه جواهر وأخدتها لمحل كاسيت واحد صاحبنا فى المنيل عشان أعملها شغل فوجئت بواحد بيزقنى ويقول يا عم روح بقى اأنت مش اتصورت بقالك ساعه واقف كده
وكامل قال تكتب أزاى لناس بيحقدوا على نجاحك وبيكرهوك وأنا مش ممكن اتعامل مع حد بيكرهنى وانا مش ممكن أنسى لما حضر الى بيتى فى الأسكندريه مطرب كبير وساعتها كنت محقق نجاح كبير فى ألبوماتى وطلب منى اغنيه وأكلنا ساعتها عيش وملح وأخد الاغنيه وبعد فتره الاغنيه مانزلتش فى البومه ولما نزل فيلم للمطرب ده دخلته عشان أفرح له وأبارك له ففوجئت بانه منزل الأغنيه فى الفيلم بدون ما يأخذ تنازل منى والمشكله أنه كاتب اسمه على الأغنيه فى أخر الفيلم مع أن المطرب ده أنا ضيعت كتير من عمرى معاه وكنت بشتغل معاه على حب وود وكنا بناكل مع بعض وعملت معاه أغانى ساهمت فى نجاحه لكن هقول أيه حسبى الله ونعم الوكيل.
لكن يا مصطفى أحنا عرفنا انك تصالحت مع المطرب ده؟
لا طبعا أنا مش ممكن اتصالح مع مطرب بيكرهنى ومش بيحب لى الخير
طيب ليه ما بتشتغلش مع مطربين اليومين دول مع أنك شاركت فى صنع نجوم كتيره؟
أحنا صنعنا نجوم معظمهم أفاقين وأشتغل أزاى مع مطربين 99% منهم مرضى نفسيون وأشتغل أزاى وسط زيف وأكاذيب أحنا اشتغلنا مع مطربين كانت العلاقه بينهم وبين الجمهور مباشره ومكنش حد بيوصل للجمهور باكاذيب وال واحد بيحب واحده تترمى بحضنه فى الحفله أو يقعد أخوه وخالته وعمته على النت تبعت له رسايل بيقولوا فيها بنحبك
طيب يا درش انت مشيت ورا الهوجه وطلعت فى أحد كليباتك وأنت بتبوس أيه الحكايه بقى؟
معاك حق أنا يهمنى فى المقام الأول أن أترك ميراثا لأبنائى هو أحترام أبوهم أنا ندمت على الكليب ده وبعده وجدت بنتى فرح تلومنى عليه من بعدها حرمت أعمل كده
قهوتنا على الانترنت
