احنا بنشتري راجل

[BA7IBAK YA BOY!]

ازيكم يا عثاثيل
اخباركم اهرامكم وجرايد كلها عامله ايه
يارب تكونو مزقططين وكويسين

المهم ندخل بالموضوع
هل بقينا بزمن تطبق فيه مقوله احنا بنشتري راجل ؟؟؟؟؟؟؟؟؟؟؟
بمعنى اكتر هل دلوقت الجواز بالزمن ده بقت البنت بتشتري العريس ؟
امس بقعده بنتاتيت طبعا عارفين اننا بنحب الرغي والنم

قعدنا شله بنات مع بعض بنشوف كل واحده حصل ايه بحياتها طبعا انا مش هجيب سيره نفسي خالص هحكيلكم الكلام اللي ثارني وخلاني اكتب الموضوع ده

مجموعه بنات قاعده مع بعضها سوزان وزينب ومايسه ومحسوبتكم

سوزان : تصوروا اخويه عاوز يتجوز بابا نقاله بنت واحد صاحبه كان ضابط زي بابا وسافر امريكا وبنته استايل وبتشتغل بمدرسه اجنبيه خاصه ((مش هقول اسمها عشان متقطعوش على البونيه )) وبتقبض خمسه الاف جنيه وعندها عربيه كيا ونظام مامي وبابي وكده

مايسه :اخوكي امور ويستاهل

سوزان : ده مرضيش اصلها مش حلوه شكلا وشعرها باين وبابا قعد يخانقه وقاله ياابني فلوسها تحليها ايه يعني وحشه وايه يعني تناكه الدنيا فيها ده انا خرجت مع ابوها واضطريت اصرف نص مرتبي عشان اعمل معاه شوبنج واحسسه اننا قده انت عبيط واللا ايه وبابا قاله هتاخدها غصب عنك

محسوبتكم : ليه ياسوزان باباكي هيجوزه البنت عشان فلوسها (((سذاجه)))

مايسه: اسكتي ياخايبه البنات دلوقت بتشتري العريس انا اعرف واحده خاطبه بتجيب العريس للبنت من دول بتاخد الف جنيه اول ماتتم الخطوبه والف زيها بعد كتب الكتاب والله

محسوبتكم تنحت وبان عليها الاندهاش والهبل

زينب : اسكتوا سيبكم من موضوع اخو سوزان ده وقولولي اعمل ايه خطيب اختي بعد مااتفقوا على كل شئ ووزعنا كروت الفرح واختي كعت دم قلبها بالقاعه والشقه والمكتب اللي عملتهوله بيقولها لازم تستمري بشغلك بعد الجواز ومتطلبيش مني تمن صباع روج

محسوبتكم ((اللي مش عايشه بالعالم)): ايه اختك اللي جابتله كله ده ؟ ياحرام تلاقيه مبيشتغلش ماهو معذور يقولها تستمر بالشغل او تلاقي مرتبه تعبان

لقيت سوزان وزينب ومايسه بيضحكوا

زينب: ياعبيطه ده ضابط وبيقبض قرب الالف جنيه (0فنيه عسكريه يابنتي فوقي)
بس هوه بيحب يهتم بمظهره وبرستيجه وبيصرف الفلوس بتاعه المرتب كلها على لبسه ومظهره وعاوزها تتكفل بمصاريف نفسها

وزادت علامات البله عليه

البنات قعدت تضحك عليه ويقولوللي بقا حواديت تانيه عن زيجات كتير بالشكل ده

مش عاوزه ادوشكم بالحواديت ديه

مش قادره اوصفلكم مدى الالم اللي شعرت بيه من هذه الجلسه

للدرجه ديه وصل بينا الحال؟؟؟؟؟
اي نعم الرسول عليه افضل الصلاه والسلام قال تنكح المرا لمالها وحسبها ونسبها فاظفر بذات الدين تربت يداك

انا مش معترضه ان الست تشتغل وتساند الراجل لان ظروف الحياه دلوقت تتطلب كده
لكن سؤالي للبنات هو :هل ترضي انك تكوني زي فلانه اهلك يدفعولك فلوس علشان تتجوزي؟ وهل ترضي ان الحياه بينك وبين شريك حياتك تكون شركه وعمليه تجاريه بحته مفيش مشاعر بينكم والموضوع يكون محسوب بقلمه وورق انتي عليكي اه وهو عليه ايه وتقبلي انه يكون شرط للجواز انك تشتغلي او يكون ليكي ايراد او دخل شهري ؟؟؟؟

والسؤال الاهم للرجاله : هل تقبل تكون زي الاخ الضابط ده؟ وهل شرطك بالزواج انها يكون ليها دخل؟ وهل اهم شئ بشريكه حياتك المال ؟ ولو الرد اه هل هتكون راضي عن حياتك ؟
ياجماعه هتفرس كنا زمان نسمع مقوله ابو العروسه للعريس بعد مايتفقوا على كل التفاصيل احنا بنشتري راجل بمعنى انهم قبلوه بعيلتهم دلوقت الكلمه ديه بقت بجد واللا ايه الحكايه

[Treka]

تسلمى يا قمر
موضوع رائع
بارك الله فيكى

[BA7IBAK YA BOY!]

تسلمى يا قمر

موضوع رائع

بارك الله فيكى

تسلم يا تريكا علي المرور المميز
والاروع تواجدك الكريم
نورت يا جميل

[العوامى]

هو صحيح قليلين دلوقتى اللى بيشترو راجل
بس مش زى مابتقولى كدة
أنا عن نفسى ماتفرقش معايا فى الواحدة
غير دينها ثم ثقافتها ثم جمالها ثم حسبها ونسبها
بعد كدة مش مشكلة
الحسب والنسب على فكرة مش فلوس
دى سمعة وبيت طيب
أما بالنسب للمحروسة
اللى هتبقى مراتى
مالهاش غير البيت لاتروح شمال ولايمين
داحنا ردالة جوي

تسلمى ياجمر على الموضوع

[احمد الصباغ]

المشكله ياجماعه مش هانشترى راجل او نبيعه
المشكله ان الجواز دلوقت اصبح مغامره كبيره
((يعنى زى البطيخه))
اظن واضح القصد والمعنى
يعنى بعد مالعريس مسكين يطفح دم قلبه شوف الشقه بكام وابو العروسه يتشرط على الدهب وجرام الدهب قرب من 150 جنيه وعايزين فرش 3 او 4 غرف والتكييف والدش والسجاد والتليفزيون والفيديو غير تشطيب الشقه السوبر لوكس بالزيت والليمون والكثير والكثير من الطلبات التى لا تنتهى
هذا بالنسبه للعريس
اما بالنسبه للعروسه فالامر لا يختلف كثيرا
فالمطلوب اصلا كثير ادوات المطبخ من ثلاجه وبوتجاز وغساله فول ((بالزيت برضه)) ده غير لبس العروسه غير اللبس والاكسسوار والميكروويف اللى طلعولنا فيه وبرضه الكثير والكثير من الطلبات التى لاتنتهى
يعنى الموضوع بصراحه اصبح لاشرا راجل ولا شرا وليه
الموضوع اصبح على وانا اعلى اواصبح مزاد علنى ومقارنه بين بنت طانط فلانه اللى جالهاكذا وكذا وبنت طانط علانه اللى جالها كيت وكيت واشمعنى بنتى واشمعنى ابنى واصبح الموضوع تجاره ومزاد لايوجد فيه طرف كسبان ولكنها تجاره الطرفين البائع والمشترى فيها خسرانين
ويمكن بعد هذا كله وبعد تكاليف الفرح والاكل والذى منه نفتح البطيخه نلاقيها
((قرعه))

[BA7IBAK YA BOY!]

هو صحيح قليلين دلوقتى اللى بيشترو راجل

بس مش زى مابتقولى كدة
أنا عن نفسى ماتفرقش معايا فى الواحدة
غير دينها ثم ثقافتها ثم جمالها ثم حسبها ونسبها
بعد كدة مش مشكلة
الحسب والنسب على فكرة مش فلوس
دى سمعة وبيت طيب
أما بالنسب للمحروسة
اللى هتبقى مراتى
مالهاش غير البيت لاتروح شمال ولايمين
داحنا ردالة جوي

تسلمى ياجمر على الموضوع

هههههههههههههههههههههههه
حلوه المحروسه مراتي لاتروح شمال ولا يمين
طيب يا عوامي اما نشوف مين اللي مش حيروح شمال ولا يمين
ههههههههههههههه
تسلم يا جميل علي المرور

[BA7IBAK YA BOY!]

المشكله ياجماعه مش هانشترى راجل او نبيعه

المشكله ان الجواز دلوقت اصبح مغامره كبيره
((يعنى زى البطيخه))
اظن واضح القصد والمعنى
يعنى بعد مالعريس مسكين يطفح دم قلبه شوف الشقه بكام وابو العروسه يتشرط على الدهب وجرام الدهب قرب من 150 جنيه وعايزين فرش 3 او 4 غرف والتكييف والدش والسجاد والتليفزيون والفيديو غير تشطيب الشقه السوبر لوكس بالزيت والليمون والكثير والكثير من الطلبات التى لا تنتهى
هذا بالنسبه للعريس
اما بالنسبه للعروسه فالامر لا يختلف كثيرا
فالمطلوب اصلا كثير ادوات المطبخ من ثلاجه وبوتجاز وغساله فول ((بالزيت برضه)) ده غير لبس العروسه غير اللبس والاكسسوار والميكروويف اللى طلعولنا فيه وبرضه الكثير والكثير من الطلبات التى لاتنتهى
يعنى الموضوع بصراحه اصبح لاشرا راجل ولا شرا وليه
الموضوع اصبح على وانا اعلى اواصبح مزاد علنى ومقارنه بين بنت طانط فلانه اللى جالهاكذا وكذا وبنت طانط علانه اللى جالها كيت وكيت واشمعنى بنتى واشمعنى ابنى واصبح الموضوع تجاره ومزاد لايوجد فيه طرف كسبان ولكنها تجاره الطرفين البائع والمشترى فيها خسرانين
ويمكن بعد هذا كله وبعد تكاليف الفرح والاكل والذى منه نفتح البطيخه نلاقيها
((قرعه))

هههههههههههههههه
ردك عجبني اوي والله وخصوصا بالزيت والليمون ههههههه
بس علي فكره مش كل الناس كده يعني
انا والدي ساعد جوز اختي لما جه يتقدملها
ساعده في الشبكه والشقه والعفش
لانه عارف ان امكانيات الشباب مش اوي
وهو كويس يقي ليه لا واحنا الحمد لله لما اجي اجيب حاجتي
مش ببص علي بنت طنط فلانه ولا علانه
انا ببص في المعقول الحاجات اللي تتجاب ومش بطمع فيها
مش انا لوحدي كتييييييير اوي كده

تسلم يا جميل علي المرور والرد المميز

[أحمد عمر]

المشكله ياجماعه مش هانشترى راجل او نبيعه

المشكله ان الجواز دلوقت اصبح مغامره كبيره
((يعنى زى البطيخه))
اظن واضح القصد والمعنى
يعنى بعد مالعريس مسكين يطفح دم قلبه شوف الشقه بكام وابو العروسه يتشرط على الدهب وجرام الدهب قرب من 150 جنيه وعايزين فرش 3 او 4 غرف والتكييف والدش والسجاد والتليفزيون والفيديو غير تشطيب الشقه السوبر لوكس بالزيت والليمون والكثير والكثير من الطلبات التى لا تنتهى
هذا بالنسبه للعريس
اما بالنسبه للعروسه فالامر لا يختلف كثيرا
فالمطلوب اصلا كثير ادوات المطبخ من ثلاجه وبوتجاز وغساله فول ((بالزيت برضه)) ده غير لبس العروسه غير اللبس والاكسسوار والميكروويف اللى طلعولنا فيه وبرضه الكثير والكثير من الطلبات التى لاتنتهى
يعنى الموضوع بصراحه اصبح لاشرا راجل ولا شرا وليه
الموضوع اصبح على وانا اعلى اواصبح مزاد علنى ومقارنه بين بنت طانط فلانه اللى جالهاكذا وكذا وبنت طانط علانه اللى جالها كيت وكيت واشمعنى بنتى واشمعنى ابنى واصبح الموضوع تجاره ومزاد لايوجد فيه طرف كسبان ولكنها تجاره الطرفين البائع والمشترى فيها خسرانين
ويمكن بعد هذا كله وبعد تكاليف الفرح والاكل والذى منه نفتح البطيخه نلاقيها
((قرعه))

بعتقد رد موفق للغايه واحب اضيف اذا جائكم من ترضون دينه وخلقه فزوجه .. دى مواصفات الرجل اللى اشتريه لبنتى وخلاف ذلك بعتقد انه كلام ف الهوا ..

[BA7IBAK YA BOY!]

عندك حق يا احمد انا كمان
ببص من الناحيه دي
دينه واخلاقه غير كده لاء
نورت بمرورك الكريم